Զեյթունի ԷՕՆը՝ ԶԷՕՆը բացվում է

Զեյթունի ԷՕՆը՝ ԶԷՕՆը բացվում է

ԷՕՆ հակասրճարան ու ժամակումբը բոլորի մոտ ասոցացվում է ընկերական ջերմության և կրեատիվի հետ, այն հրաշալի վայր է բոլոր նրանց համար, ովքեր նախընտրում են իրենց ժամանցն անցկացնել տան տաքուկ անկյուն հիշեցնող, ստեղծագործական ոգով ու հաճելի մարդկանցով շրջապատված միջավայրում։

Քաղաքի աղմուկից հեռու փոքրիկ մի տնակ, որտեղ հնարավոր է գտնել համեղ քաղցրավենիք, անուշաբույր ու գունավոր թեյեր, լավ ու որակյալ երաժշտություն և իհարկե ինտելեկտուալ ու հետաքրքրաշարժ խաղեր: Այսպիսով, ԷՕՆը բացում է իր երկրորդ տարածքի դռները:

Այս երկուշաբթի օրը` դեկտեմբերի 12-ին, հրավիրում ենք Զեյթունի ԷՕՆի կամ Զէօնի բացման տոնական միջոցառմանը: Այս անգամ ԷՕՆը որոշել է տեղակայվել Եվրոպական ու Ֆրանսիական համալսարանների խաչմերուկում` Դավիթ Անհաղթի 6/5 հասցեում: Այս ցուրտ ձմռան օրերին, բայց արևոտ տրամադրությամբ մենք բացում ենք մեր 2-րդ մասնաՃՈՒՏԸ: Տոնական օրը կմեկնարկի վաղ առավոտյան` ժամը 10-ին, երբ միասին կնախաճաշենք մեր նոր ԷՕՆում, ավելի ուշ կլինեն հետաքրքիր անակնկալներ, վիկտորինաներ, և իհարկե, կենդանի երաժշտություն` հենց ԷՕՆ բենդի կողմից:

 

Այնպես որ եկե՛ք, խաղացե՛ք, նվագե՛ք և ուրախացե'ք ԷՕՆի հետ այս այսքան սպասված օրը՝ այն դարձնելով անմոռանալի:

 

Մուտքն անվճար է:

1432

The required fields are marked with an asterisk (*).

 

There are no comments yet

^ Back to top