Դեկտեմբերի 25-ին Reservin Armenia-ն առիթ ունեցավ ներկա գտնվելու պատանի երգիչ Լևոն Նազարյանի «Հայաստան» երգի տեսահոլովակի շնոհանդեսին և ծննդյան տարեդարձին , որը տեղի ունեցավ Kami ակումբում: Այս երգը «Մուլտիկնիկ» երաժշտական ամենամյա մրցանակաբաշխության ժամանակ ճանաչվել է «Տարվա լավագույն հայրենասիրական երգ»:
Kami ակումբում իրարանցում էր: Լևոնը ժպիտը դեմքին դիմավորում էր հյուրերին: Նա նույնիսկ կիսվել է երգի մասին մի քանի փաստով Reservin-ի լրագրող Մարի Սևոյանի հետ: «Երգը նվիրել եմ Հայաստանի Հանրապետության անկախության 25 ամյակին: Ցանկանում էի այն թողարկել Սեպտեմբերի 21-ին, սակայն որոշ պատճառներով հետաձգվեց: Որոշեցինք ծննդյանս օրն էլ թողարկել»:
Երեկոյի գլխավոր կազմակերպիչն էր Իրինա Թովմասյանը: Իրինան նույնպես կիսվեց իր տպավորությունների և Լևոնի տաղանդի մասին: «Լևոնի առաջին քայլերից սկսած իր կողքին եմ եղել: Այսօր Լևոնի համար շատ կարևոր իրադարձություն է»:Այն մասին , թե ինչպե՞ս է գտել Լևոնի տաղանդը Իրինան պատասխանեց «Ինձ համար շատ կարևոր էր մասնագետների կարծիքը Լևոնի երգելու ունակությունների մասին: Մասնագետների կարծիքով ինքը ուներ տվյալներ , չնայած նրան, որ ուշ տարիքում է որոշել զբաղվել երգով: Լևոնի ձգտումը և աշխատասիրությունը ամենակարևոր նախադրյալներն էին մեր համագործակցության համար»:
Լևոնին շնորհավորելու էին եկել պատանի երգիչներ Մեգգին, Կարեն Օհանյանը և Էլինա Չոլախյանը: Երեկոն եզրափակվեց տորթի հյուրասիրությամբ:
.jpg)
