Աշխարհի ամենահին գինու մառանը 6200 տարեկան է և գտնվում է Վայոց ձորում՝ Արենի քարանձավի ներսում: Այնուամենայնիվ, չնայած, որ հայերը զբաղվել են գինու արտադրությամբ դեռևս այն ժամանակներից, երբ ժամանակակից զարգացած երկրներից շատերը նույնիսկ չկային աշխարհի քարտեզի վրա, սակայն գինետները մեր սննդի և ժամանցի ոլորտում իրենց նկատելի տեղը ամրագրել են միայն վերջին 4-5 տարիների ընթացքում: Երբ Երևանում սկսեցին բացվել առաջին գինետները, շատերը թերահավատորեն էին մոտենում դրանց երկարակեցությանը, քանի որ կարծում էին, որ մի փոքր ափսեով պանրի տեսականու և մեկ գավաթ գինու շուրջ հավաքվողները շատ չեն լինի, չէ որ գինետները նախատեսված են ավելի նեղ թիրախային խմբերի համար և ժամանցի այլ վայրերի համեմատ ավելի համեստ ինտերիեր և ճաշացանկ ունեն: Սակայն ժամանակը ցույց տվեց, որ գինետները ոչ միայն ընդունվեցին և սիրվեցին, այլև սկսեցին սնկերի պես աճել և ձևավորեցին յուրօրինակ «գինու թաղամաս» հենց քաղաքի կենտրոնում:
Այս անգամ Reservin.am-ը փորձել է պարզել, թե ինչու՞մ է կայանում վերջին տարիներին գինետների բիզնեսի հաջողության գաղտնիքը և ինչո՞ւ են շատերը շարունակում նախընտրել գինետները սրճարաններին և ռեստորաններին: Առաջարկում ենք գինետների գրավիչ կողմերը քննարկել մեր քաղաքում արդեն իրենց ամուր տեղը ամրագրած մի քանի գինետների օրինակով, որոնք արդեն արդարացիորեն կարող են համարվել ինչպես մեր ժամանցասեր համաքաղաքացիների, այնպես էլ տուրիստների սիրված վայրերից:
Divino wine bar-ը թերևս հանդիսանում է գինիների ամենամեծ տեսականին առաջարկողներից մեկը, այստեղ արհեստավարժ սոմելիեն գինու սիրահարներին օգնի ընտրել տասնյակ երկրներից բերված մոտ 500՝ տեսակի գինիներից այն մեկը, որը հենց Ձերն է: Հաճախորդներն ամռանը կարող են իրենց հանգիստը վայելել նաև բացօթյա հատվածում: Խոհանոցը հինականում եվրոպական է՝ աղցաններ, հավի ու հորթի մսով տաք ուտեստներ, ապուրներ և այլն: Ուտեստները ոչ միայն համեղ են, այլև մատուցվում են շատ գեղեցիկ ձևավորված: Այս ամենը կարելի է վայելել այստեղ հնչող ջազ և բլյուզ երաժշտության ներքո ստեղծված ջերմ մթնոլորտում:
Թույլ լուսավորություն, մոմեր, գինի և այս ամենի կողքին հայկական ավանդական ուտեստներ և ինտերիերում գերակշռող հայկական զարդանախշեր, այո դա Vinograd Wine Restobarn-ն է: Այստեղ կարող եք և՛ ռոմանտիկ հանդիպում անցկացնել, և՛ ընթրել այնպես, ինչպես կընթրեիք հարազատ տանը: Հայկական խոհանցը, հատկապես տոլման, և գինին, իհարկե, առաջնային են, բայց այստեղ կարող եք գտնել նաև եվրոպական աղցաններ և խմիչքներ, անպայման փորձեք իրենց ֆիրմային Vinograd աղցանը; Այս վայրի ուժեղ կողմերից մեկը այն է, որ Ձեզ մանրամասն ներկայացնում են գինիների տեսականին և օգնում կատարել ճիշտ և գրագետ ընտրություն: Vinograd-ի հաջողության գրավականը մատուցվող բարձորակ սնունդն ու բարեհամբյուր պրոֆեսիոնալ սպասարկումն է:
Քաղաքի սրտում՝ Հյուսիսային պողոտային մոտ գտնվող նորաբաց Merlot ռեստորանն իսկապես շատ հյուրասեր է և համահունչ գինին հաճելի միջավայրում նախընտրողների պահանջներին և սպասելիքներին: Ռեստորանը առաջարկում է ավելի քան 80 տեսակի գինի աշխարհի տարբեր ծայրերից, ինչպես նաև հանդիսանում է Chardone խաղողից ստացված քաղցր կապույտ գինու միակ ներկրողը Հայաստանում: Բացի յուրօրինակ գինիների լայն տեսականիից, այստեղ նաև կարող եք ճաշակել համեղ ու առանձնահատուկ ձևավորում ունեցող ուտեստներ: Merlot-ի հաջորդ ուժեղ կողմերից մեկն էլ այն է, որ այստեղ հաճախ են կազմակերպվում երաժշտական երեկոներ քաղաքի սիրված ու ճանաչված երաժիշտների ու DJ-ների մասնակցությամբ, իսկ շաբաթ և կիրակի օրերին այստեղ կարող եք մոռանալ առօրյա հոգսերի մասին` պարզապես ընկղմվելով կենդանի երաժտության մթնոլորտի մեջ:
Ուսումնասիրելով նաև մեր քաղաքի մյուս սիրված գինետների՝ Wine Republic-ի, InVino-ի, Tapastan-ի, Enoteca-ի առանձնահատկությունները, մենք պարզեցինք, որ գինետների հաջողության գաղտնիքներից մեկը թերևս այն է, որ դրանք հնարավորություն են տալիս սուրճի և թեյի մասնագիտացված ժամանցի վայրերից «հագեցած» և իրենց գինու սկսնակ գիտակներ համարել ցանկացողներին կազմակերպել իրենց ժամանցը նորովի, եվրոպական կոլորիտով համեմված, առավել բարձրաճաշակ և տրենդային համարվող վայրում: Բացի այդ գինետներում սեղանները հիմնականում ավելի նեղ և փոքր են լինում և, որպես կանոն, միշտ հնչում է մեղմ ու ռոմանտիկ երաժշտություն, ինչը հնարավորություն է տալիս մեկ գավաթ գինու շուրջ անցկացնել ժամանակը առավել մտերմիկ և անմիջական միջավայրում, ինչը հաճախ հնարավոր չէ անել հիմնականում ակտիվ, ռիթմիկ կամ ռոք երաժշտությամբ և ծխախոտի ծխի հարուստ պաշարներով աչքի ընկնող փաբերում և ակումբներում:
Եթե որոշեք եք Ձեր ժամանցը կազմակերպել գինետներից մեկում, ապա այնպայման նախորոք սեղան ամրագրեք, որ ազատեք Ձեզ և Ձեր սիրելիներին մի վայրից մյուսը գնալու և ազատ սեղան փնտրելու ռիսկից: Զանգահարեք մեր 060 273 000 շուրջօրյա հեռախոսահամարով և մեր օպերատորները կօգնեն Ձեզ ամրագրել սեղան քաղաքի ՑԱՆԿԱՑԱԾ սննդի և ժամանցի վայրում: Մեկ հեռախոսահամար ՑԱՆԿԱՑԱԾ ժամանցի վայրում սեղան ամրագրելու համար՝ 060 273 000:
Մեր մյուս հոդվածները կարդալու համար սեղմեք այստեղ:
