Հետաքրքիր փաստեր բանակի մասին

Հետաքրքիր փաստեր բանակի մասին

Հունվարի 28-ը կարևոր տոն է հայերի համար. նշում ենք Ազգային Բանակի օրը։ Առանց հզոր բանակի այս տարածաշրջանում գոյատևելն անհնար կլիներ։ Սակայն մեծ աշխարհում կան երկրներ, որոնք բոլորովին այլ դիրքորոշում ունեն ազգային բանակ ունենալու վերաբերյալ։



Աշխարհում 20-ից ավելի երկիր չունի ազգային բանակ: Այդ ցանկում աչքի է ընկնում Կոստա Ռիկան իր 4.5 միլիոնից ավելի բնակչությամբ: Բանակը լիկվիդացնելուորոշումը կոստառիկացիներն ընդունել են 1949-ի քաղաքացիական պատերազմից հետո: Այդ ժամանակից սկսած Կոստա Ռիկան իր տարածաշրջանի միակ երկիրն է, որտեղ չեն եղել ներքին պատերազմներ և զինված հեղաշրջումներ:


Պրուսիայի թագավոր Ֆրիդրիխ Վիլhելմ Առաջինը (1688-1740), ստեղծել էր հատուկ գունդ, որտեղ ներգրավված էին միայն 188 սմ և ավելի բարձր հասակ ունեցող երիտասարդներ: Գունդը կրում էր «Պոտսդամի հսկաներ» անվանումը: Շատ երկրների առաջնորդներ Ֆրիդրիխի հետ բարիդրացիական հարաբերություններ հաստատելու նպատակով գնդին մատակարարում էին «հսկաների»: Վիլհելմն անձամբ էր ամենօրյա վարժանքներ անցկացնում գիգանտների հետ, որոնք, սակայն, նրա կենդանության օրոք այդպես էլ չմասնակցեցին որևէ, գոնե մեկ պատերազմի:


Աշխարհի միակ ռազմական ստորաբաժանումը, որը տեղաշարժվում է շների օգնությամբ, պատկանում է Դանիայի բանակին: «Սիրիուս» -ին է վստահված Գրենլանդիայի հյուսիսային գոտու պարեկությունը, իսկ այնտեղ տեղաշարժման միակ հարմար տարբերակը սահնակն է: Միաժամանակ ծառայություն են իրականացնում 6 խմբեր՝ յուրաքանչյուրում 2-ական զինվոր և 10-15 շներ: Նրանց երթուղու երկարությունը հասնում է մինչև մի քանի հազար կմ-ի:


Երկրորդ համաշխարհային պատերազմի ժամանակ կարևոր դերակատարում ունեցավ եվրոպական մայրցամաքում ռազմական գործողություններին մասնակցող ամերիկյան թիվ 442-րդ գունդը։ Այն ամբողջությամբ կազմված էր ԱՄՆ-ում ծնված ազգությամբ ճապոնացիներից: ԱՄՆ ՊՆ գնահատմամբ այդ գունդը դարձել է ամենատիտղոսակիրը ամերիկյան բանակի ամբողջ պատմության ընթացքում:

3718

(*). նշվածները պարտադիր են լրացման

 

Andranik Փետրվար 10, 2016

Հետաքրքիր էր մանավանդ վերջինը ^_^ )))))
^ Վեր