Նվիրիր գիրք զինվորին

Հունվարի 28-ից փետրվարի  23-ը Հայոց բանակի տոնի առթիվ Reservin առցանց ամրագրման համակարգը կազմակերպում է գրքերի հավաքագրման ակցիա։ Զորամասերի գրադարանները համալրելու գործում մեզ անհրաժեշտ է յուրաքանչյուրիդ օգնությունը։ Համոզված ենք՝ բոլորդ էլ ունեք գրքեր, որոնք կարող եք տրամադրել հայ զինվորին։

Reservin-ը կոչ է անում յուրաքանչյուրիդ անմասն չմնալ և մասնակցել այս կարևոր նախաձեռնությանը։

Այս նախաձեռնության շրջանակներում մեզ հետ համագործակցող հաստատություններից յուրաքանչյուրում (ցանկը՝ ստորև և համալրելի) տեղադրվել են հատուկ արկղեր։ Հենց այստեղ էլ հավաքվելու են այն գրքերը, որոնք Դուք սիրով կնվիրեք Հայոց բանակին։ Ակցիայի ավարտից հետո հավաքված գրքերը կտեղափոխվեն սահմանամերձ զորամասեր, որոնց ցանկը նախօրոք կհաստատվեն ՊՆ հետ համատեղ: 
Ակցիան կշարունակվի մինչև փետրվարի 23-ը։ Reservin-ի նախաձեռնությունն արդեն վարակել է շատերին, ակցիային ամեն օր միանում են նորանոր գործընկերներ։ Միացեք և դուք, ու թող մեր սահմանը հսկող տղաները ընթերցանության ժամանակ կարդան հենց ձեր նվիրած գիրքը։ 

Loft (Մոսկովյան 3)
Aeon (Տերյան 3ա)
Achajour (Փարպեցու 22)
Liberty (Մաշտոցի 36)
Tom Collins Pub (Պուշկինի 31)
Fiction Pub (Մաշտոցի 37)
Art Cafe Van Gogh (Թումանյան 31/3)
Art Cafe Modigliani (Սպենդիարյան 3)
Pepper Burger Bar (Փարպեցու 16)
Yerevan Mall (Արշակունյաց 34)
TaTa: Mom's helper (Բուզանդի 34)
Karas Ազգային Սննդի Ցանց
Հայ Եկեղեցու Համաշխարհային Երիտասարդաց Միավորում ՀԵՀԵՄ .
ԵՐԵՎԱՆ քաղաքի ամսագիր