5 հետաքրքիր փաստ, որ հավանաբար չգիտեիք Paparazzi Club-ի մասին

5 հետաքրքիր փաստ, որ հավանաբար չգիտեիք Paparazzi Club-ի մասին

Ինչպես բոլորին հայտնի է, Paparazzi Club-ը 2016թ.-ին ճանաչվել է տարվա լավագույն պարային ակումբը Երևանում և մինչև օրս շարունակում է քաղաքում տեղի ունեցող էլեկտրոնային երաժշտության ամենավառ միջոցառումների կազմակերպիչն ու աջակիցը մնալ: Reservin Armenia-ն զրույցել է ակումբի հիմնադիր և տնօրեն Շանթ Գոչեանի հետ և ահա թե ինչ ստացվեց ….

Reservin.am ,- Ինչպե՞ս և ե՞րբ եկավ այն միտքը, որ պետք է ստեղծվի Paparazzi Club-ը

Շանթ,- Paparazzi Club-ը ստեղծելու միտքը ինձ մոտ վաղուց է եղել, երբ ես դեռ Սիրիայում էի և այնտեղ որպես DJ հանդես էի գալիս տարբեր ակումբներում: Հանգամանքների բերումով տեղափոխվելով Հայաստան՝ գաղափարը իրագործվեց այստեղ Երևանում: Ես ուզում էի, որ իմ ակումբը լինի սիրված ժամանցի վայր, ինչպես քաղաքի ակումբասերների, այնպես էլ հյուրնկալվող բազմաթիվ սփյուռքահայ և արտասահմանցի ակումբասերների համար:

Reservin.am,- Ինչո՞ւ հենց Paparazzi Club: Կ՞ա արդյոք որևէ պատմություն անվան ստեղծման հետ կապված, որ կարող եք բացահայտել և ներկայացնել մեր ընթերցողին:

Շանթ,- Paparazzi Club անվանումը ևս ակումբ հիմնելու հետ միաժամանակ է ծնվել. նպատակն էր ունենալ վառ ու պայծառ ասոցացում որևէ հաճելի բանի հետ: Ակումբի անունը Paparazzi բառի ընդունված ու հայտնի իմաստի հետ կապ չունի, մեր ակումբի լուսանկարիչները գաղտնի ու պրովոկացիոն նկարների որսորդ չեն, ընդհակառակը, մեր միջոցառումների ընթացքում հյուրերին լուսանկարում են իրենց ցանկությամբ և թույլտվութամբ, պարզապես հաճելի պահերը ֆիքսելու ու բոլորի հետ կիսվելու համար:

Reservin.am,- Ո՞րն էր ի սկզբանե Paparazzi Club-ի առաքելությունը: Որքանո՞վ է հաջողվել այն իրականացնել: Ի՞նչ հետագա պլաններ կան:

Շանթ,- Paparazzi Club-ի առաքելությունն էր ստեղծել Երևանում՝ ընդունված միջազգային ստանդարտներին համապատասխան  այնպիսի ակումբ, որտեղ մարդիկ իրոք կարող են լիցքաթափվել՝ վայելել որակով ակումբային երաժշտություն, կոտրել ընդունված կարծրատիպը գիշերային ակումբների մասին, ցույց տալ, որ ակումբում հնարավոր է հաճելի միջավայրում անցկացնել նաև կարևոր կորպորատիվ միջոցառումներ, ծննդյան տոներ և այլ ուրախ ու հիշարժան օրեր: Մենք ապահովում ենք այնպիսի պայմաններ, որ ըստ առժանվույն կգնահատեն նույնիսկ հյուրընկալվող քմահաճ արտասահմանցի զբոսաշրջիկները: Դատելով Paparazzi Club-ի հաճախորդների գոհունակ ժպիտներից և տարբեր հարթակներով թողած կարծիքներից՝ կարելի է գալ այն եզրահանգմանը, որ ակումբն իր առաքելությունն իրականացրել է և շարունակելու է գործել նույն սկզբունքով՝ սիրով ու ժպիտով մինչև վերջին հաճախորդը:   

Reservin.am ,- Ինչո՞վ պայմանավորված Paparazzi Club-ի հաջողությունը:

Շանթ,- Paparazzi Club-ի հաջողության գաղտնիքը՝ պրոֆեսիոնալ, համերաշխ, ամուր թիմի մեջ է: Մենք երեկոյան 21:00-ից մինչև վերջին հաճախորդի հեռանալը, ժպտադեմ, սիրով և հաճույքով սպասարկում ենք մեր ակումբի բոլոր այցելուներին: 

Reservin.am,- Կա՞ որևէ ավանդույթ Paparazzi Club-ում:

Շանթ,- Քանի որ ակումբային ոլորտը բավականին սթրեսային է սպասարկման տեսանկյունից, շաբաթվա վերջում՝ սովորաբար կիրակի առավոտյան, Paparazzi Club-ի անձնակազմը միասին հավաքվելու և որևէ դահլիճում ֆոտբոլ խաղալու սովորություն ունի: Խաղը նույնպես թիմային աշխատանք է, որի ընթացքում անձնակազմը ոչ միայն լիցքաթափվում է, այլև մեր կապն ավելի է ամրանում ու ջերմանում:

Reservin.am,- Ունե՞ք որևէ կարգախոս, որը հայտնի է միայն Ձեր թիմին: Եթե գաղտնիք չէ, ո՞րն է այդ կարգախոսը:

Շանթ,- Վերաբացումից հետո Paparazzi Club-ի արդեն նոր ու ավելի ընդլայնված սրահի մի անկյունում կարելի է նկատել “What happens in Paparazzi, stays in Paparazzi”: Թերևս հենց այս արտահայտությունն է հանդիսանում կարգախոս թե այցելուների, թե Paparazzi Club-ի թիմի անդամների համար:

Reservin.am,- Շնորհակալություն հետաքրքիր ու անմիջական հարցազրույցի համար: Կհանդիպենք նոյեմբերի 30-ին՝ Reservin.am—ի ծննդյան առաջին տարեդարձին Paparazzi Club—ում:

Շանթ,- ՁԵզ էլ շնորհակալություն: Այո, անպայման կհանդիպենք, քանի որ ես ինքս մասնակից եմ լինելու այդ ուրախ միջոցառմանը :) սպասում և հրավիրում եմ բոլորին: Ի դեպ, նշեմ, որ հետևելով նախապատրաստական աշխատանքներին կարող եմ ասել, որ այդ օրը շատ հետաքրքիր անակնկալներ են սպասվում Reservin.am-ի հյուրերին:

Paparazzi-ի բարմենի մասին հոդվածը կարդալու այցելեք այստեղ, իսկ մեր մյուս հետաքրքիր հոդվածները կարդալու համար՝ այստեղ: 

Այսօր Paparazzi Club-ը նշում է իր ծննդյան 2-րդ տարեդարձը, սպասվում է թեժ երեկո ակումբի ընկերների և գործընկերների հետ: Մանրամասների և ամրագրման համար սեղմեք այստեղ, մուտքը էլեգանտ հագուկապով և միայն բարձր տրամադրությամբ ;) 

 

1740

(*). նշվածները պարտադիր են լրացման

 

Angel Դեկտեմբեր 11, 2016

You guys are sooo cute and cool !!! best club in the city! Best DJs and staff is always with smile and positive energy :*
^ Վեր