Դիետոլոգների խորհուրդներն օգնում են ճիշտ սնվել՝ գեղեցիկ կազմվածք, առողջ օրգանիզմ ունենալու համար: Իսկ ի՞նչ են նախընտրում առողջ ապրելակերպի խորհրդատուները սովորական կյանքում: Reservin-ը Ձեզ է ներկայացնում մի քանի մթերք, որոնք դիետոլոգների առօրյայի անբաժան մասն են կազմում։
Նշի կաթ
Կաթը դասվում է այն մթերքների շարքին, որը չարաշահելու դեպքում, անհնար է խուսափել բացասական հետևանքերից: Սրանում համակարծիք են բոլոր դիետոլոգները: Յոգուրտ, պանիր, ու անգամ կաթի շիճուկ. սրանք բոլորը կաթնամթերքներ են: Այսպիսով, սիրելի մթերքը վայելելու և անցանկալի խնդիրներից խուսափելու համար, դիետոլոգները խորհուրդ են տալիս օգտագործել քաղցրի մինիմալ պարունակությամբ նշի կաթ: Իր տեսակով այն մոտ է կովի կաթին, երկու անգամ ցածր կալորիականություն ունի, պարունակում է վիտամին E: Նշի կաթը շատ հարմար է սմուզիների, ինչպես նաև՝ վարսակի փաթիլների ու պուդինգի պատրաստման համար:
Ավոկադո
Բոլոր դիետոլոգները խորհուրդ են տալիս սննդակարգում տեղ հատկացնել ավոկադո արևադարձային մրգին: Այն օգտակար ճարպերի աղբյուր է, արագ է հագեցնում քաղցը, համեղ է: Աղցանի մեջ ավելացված ավոկադոն կօգնի Ձեզ սրընթաց մարսել սնունդը: Այն հարմար է նաև ճամփորդելիս սնվելու համար. վերցրե՛ք Ձեզ հետ ավոկադո և կրեկերներ. հագեցնում է: Միրգն իդելական է նրանց համար, ովքեր ընտրել են ճիշտ ու համեղ նիհարելու ճանապարհը:
Կիտրոնով ջուր
Մասնագետների մեծ մասն օրը սկսում է մեկ բաժակ կիտրոնով ջրից: Բանն այն է, որ մեզանից շատերի մարսողական համակարգի թթվաալկալային բալանսը ուղված է դեպի թթվային կողմը, իսկ կիտրոնն օգնում է վերականգնել դրա հավասարակշռությունը:
Դարչին
Ամենակարող մթերքների շարքին պատկանող դարչինը նույնպես դիետոլոգների առօրյայի անբաժան մասնիկն է, այնպես որ դուք էլ կարող եք օգտագործել այն: Հետազոտությունները ցույց են տվել, որ օրվա ընթացքում կես թեյի գդալ դարչինի ընդունումը բավարար է արյան մեջ շաքարի կայուն մակարդակը պահապանելու համար:
Մուգ հատապտուղներ
Երբ դիետոլոգները քաղցրավենիքի կարիք են զգում, մեծ հաճույքով հատապտուղներ են ընդունում: Դրանք վիտամինների ու հակաօքսիդանտների հիանալի աղբյուր են հանդիսանում: Հատապտուղները, հատկապես, մոշն ու հապալասը օգնում են պահպանել երիտասարդությունն ու գեղեցկությունը:
Ընկուզեղեն
Ընկույզն օգնում է պահպանել քաշն ու անգամ նվազեցնել այն: Քանի որ ընկույզը իր մեջ պարունակում օգտակար յուղերի, հակաօքսիդանտների և այլ օգտակար նյութերի մեծ պաշար, այն հանդիսանում է դիետոլոգների սիրելի մթերքներից մեկը և միշտ ներառված է նրանց սննդակարգի մեջ:
Բրոկկոլի
Կաղամբի ամենաօգտակար տեսակներից է, պարունակում է А, Е, С, К, B վիտամիններ, ինչպես նաև՝ հազվադեպ հանդիպող վիտամին S: Բրոկոլիի բաղադրիչներն օգնում են պահպանել երիտասարդությունն ու նվազեցնել քաշը: Խորհուրդ է տրվում պատրաստել կամ գոլորշու վրա, կամ շոգեխաշել:
