Tom Collins-ի հոգեբան բարմենը

Tom Collins-ի հոգեբան բարմենը

Երևանի ամենագեղեցիկ և հաճելի մթնոլորտ ունեցող փաբերից մեկում` Tom Collins-ում, մշտապես կարելի է վայելել հաճելի երաժշտություն և համեղ ուտեստներ: Բարեհամբույր բարմենը, իր յուրահատուկ խմիչքներով կբարձրացնի Ձեր տրամադրությունն ու կառաջարկի ամենահամեղ և յուրահատուկ խմիչքները: Վահան Chino Սարգսյանը վայելում է իր աշխատանքի յուրաքանչյուր րոպեն, սիրում է շփվել մարդկանց հետ և լսել նրանց, չէ՞ որ աշխարհի բոլոր անկյուններում վստահում են բարմենին: Իսկ Վահանը կարծում է, որ բարմենն ուղղակի անվանում չէ, այն ապրելակերպ է, մասնագիտություն ու արվեստ:

Հոգեբան լինելը կարևորու՞մ եք բարմենի աշխատանքում:

Միանշանակ, դա առաջնային է մեր մասնագիտության մեջ, որովհետև օրվա ընթացքում շփվում ենք բազմաթիվ մարդկանց հետ, ովքեր գտնվում են տարբեր հոգեվիճակներում: Պետք է առաջին հերթին հոգեպես որևէ բան փոխանցենք հյուրին, իսկ հետո՝ խմիչք: Մենք հոգեբան ենք, հետո` վաճառող: Պատկերացնու՞մ եք, թե ինչքան մարդիկ են իրենց խնդիրները պատմում մեզ, չի բացառվում, որ մի օր ես էլ հոգեբանի կարիք ունենամ:



Կպատմե՞ք որևէ հետաքրքիր պատմություն, որը լսել եք հաճախորդից:

Հիշում եմ, բայց բարձրաձայնել չեմ կարող: Կարծում եմ, պրոֆեսիոնալ հոգեբաններն էլ չեն բարձրաձայնում: Ծիծաղելի դեպքեր օրվա ընթացքում մի քանի անգամ են լինում: Բարմենի կարևոր հատկանիշներից մեկն էլ հումորի զգացումն է: Անընդհատ կատակում ենք, բայց պետք է դրա չափի զգացողությունն էլ ունենալ:

Նշեցիք, որ բարմեն լինելը նաև արվեստ է: Ստեղծագործու՞մ եք աշխատանքի ընթացքում:

Աշխատանքի ընթացքում ազատ ժամանակս հատկացնում եմ ստեղծագործելուն: Tom Collins հիմնականում գալիս են, ոչ թե հայտնի կոկտեյլներ խմելու, այլ նոր համեր փորձելու: Ասում են՝ մեզ համար ինչ-որ բան պատրաստիր: Երբեմն, ուզում են, որ նույնից պատրաստեմ, բայց ես ասում եմ, որ չեմ կարող, որովհետև դա իմպրովիզ էր: Հիմնականում չեմ գրում նոր բաղադրատոմսերը, որովհետև երկրորդ անգամ կրկնել չի ստացվում:



Իսկ ո՞րն է Ձեր կոկտեյլների հաջողության բանաձևը:

Ամենակարևորը տրամադրությունն է: Անկախ ամեն ինչից պետք է դրական տրամադրվել, որ այդ լիցքերը փոխանցել խմիչքներին, որովհետև դրանց հիմքում ջուրն է: Իսկ ջուրն, ինչպես գիտենք իր մեջ հիշողություն է կլանում: Տարիների ընթացքում ձեռք բերած փորձի շնորհիվ, հասկանում ես թե տվյալ հյուրի համար ինչ համային կոկտեյլ պատրաստել: Տալիս ես նրանց այն, ինչ ցանկանում են: Կան բաղադրատոմսեր, որոնք յուրահատուկ մարդկանց եմ փոխանցում և չեմ թաքցնում դրանք, քանի որ ոչ մի այլ բարմեն չի կարող փոխանցել այն էներգիան, որը ես եմ տալիս: Էներգիան բոլորի մոտ տարբեր է և համը երբեք նույնը չի լինի: Մի բան եթե պատրաստում է իրական բարմենը, դա չի կարող համեղ չլինել:

1983

(*). նշվածները պարտադիր են լրացման

 

Արեգ Հունիս 29, 2016

Միանշանակ համամիտ եմ ձեզ հետ,
^ Վեր