Երբ բեմում պատմություն է կերտվում

Դեռ մարտի 3-ին այս համերգի տոմսերն արդեն սպառվել էին։ Գարնան սկզբի հետ Երևանը սպասում էր բլյուզի կենդանի լեգենդին։ Սակայն առողջական խնդիրների պատճառով հայտնի երգչուհին հետաձգեց իր այցը։ Մարտի 12-ին համերգից ժամեր առաջ, Դեիտրան ժամանեց Երևան։ Երեկոյան լեգենդար երգչուհին արդեն KAMI CLUB-ի բեմում էր։

Ֆարի անզուգական թավշյա ձայնը, անհավանական արտիստիզմն ու անսահման բարությունը ողողեց երևանյան հանդիսատեսի սրտերը։ Որպես կանոն ակումբային համերգներն անցնում են ջերմ ու մտերմիկ մթնոլորտում, սակայն այս համերգը ջերմ անվանել, նշանակում է ոչինչ չասել դրա մասին։ Ակումբի բեմում բլյուզի թվշյա կապերով կերտվում էր Երևան-Չիկագո բարեկամական կամուրջը։ Կրակոտ ու սրտաբուխ կատարումների միջոցով սևամորթ թագուհին փշրում էր հայ հանդիսատեսի սրտերը, ներխուժում հոգիներն ու իր երաժշտւթյան հանդեպ սիրով վարակում անգամ նրանց, ովքեր պատկերացում չունեին բլյուզի մասին։

KAMI CLUB-ի պատերը դեռ երկար կհիշեն Դեիտրա Ֆարին։ Իսկ համերգի մասնակիցները, հետախույզի եռանդով կքրքրեն համացանցի ամենամութ անկյունները, գտնելու լեգենդար երգչուհու հիթերը։