Elite Life-ն ու El Style-ը միավորվեցին

Elite Life-ն ու El Style-ը միավորվեցին

Երեկ El Sky Bar-ում հավաքվել էին Երևանի գրեթե բոլոր հայտնի և էլիտար դեմքերը: Ներկա էին անգամ El Garden-ի նապաստակները: Reservin-ը նույնպես այնտեղ էր՝ հետևելու երեկոյի ողջ անցուդարձին:

Պատճառը El Holding-ի հերթական նորամուծությունն էր: Ընկերությունը միշտ իր ընթերցողի դատին է ներկայացնում ամենահետաքրքիր և ամենանորաձև ամսագրերը՝ El Style-ը, Elite Life-ը, El Baby-ն, տալիս հնարավորություն այցելելու այնպիսի բարձրաճաշակ ժամանցի վայրեր ինչպիսիք են El Garden-ը, El Sky-ը, El Cafe-ն, ինչպես նաև բացահայտում է աշխարհը El Style Gran Trusimo ներգնա նախագծի շրջանակներում:

Արդեն 13 տարի է Ավետիս Խախամյանի գլխավորած կազմակերպությունն իր ուրույն ներդրումն է ունենում մեր երկրի ամսագրային և ռեստորանային ոլորտի զարգացման գործում:

- Մենք խոսում էինք էլիտարի մասին, երբ այդ բառն այդքան շահարկված չէր: Բավականին երկար ժամանակ ենք անցել միասին և բազմաթիվ նախագծեր ստեղծել: Այժմ եկել է փոփոխությունների ժամանակը: Ձևավորվել է նոր սերունդ, որի համար մենք ներկայացնում ենք ավելի թարմ, փոփոխված նոր El-ը:



Այսպիսով փոփոխությունները կապված էին ամսագրերի հետ: Elite Life և El Style ամսագրերն այսուհետ կմիավորվեն մեկ ամսագրում՝ El-ում: El Holding-ի փոխնախագահ Քրիստինե Սարգսյանը փակ երեկոյի ընթացքում բացեց El-ի գաղտնիքները.

- Ուրախ եմ, որ աշխատում եմ այնպիսի մարդու կողքին, ում շնորհիվ ստեղծվում են այնպիսի գաղափարներ, որոնցով հիանում են բոլորը: Շնորհակալ եմ մեր թիմին, քանի որ այդ թիմի շնորհիվ է, որ մենք ունենք այն, ինչ ունենք: Շատերը կարծում էին, որ մրցակցում էին մեզ հետ, բայց մրցակցությունը տեղի էր ունենում մեր գրասենյակում: Նախկինում մրցակցություն կար El Holding-ի երկու ամսագրերի միջև` Elite life-ի և El Style-ի: Երկու թիմերը մրցում էին, թե ում շապիկը ավելի լավը կլինի, որի ընթերցողներն ավելի շատ կլինեն, իսկ այժմ նրանք մի թիմում են:



Նոր El ամսագրի գլխավոր խմբագիրը կլինի Մայա Պողոսյանը, ով ինչպես պարզվեց հաղթել է ներքին պայքարում: Նրա խոսքերի համաձայն El-ում կլինի 50 տոկոս El Style-ից և 50 տոկոս Elite Life-ից.

- Մենք վերցրել ենք երկու ամսագրերի ամենահետաքրքիր խորագրերն ու միավորել մեկում: Ինչպես և նախկինում, այժմ նույնպես, մեր ամսագրի շապիկի հերոսներն ընտրվելու են մեծ բծախնդրությամբ: Նրանք կլինեն տվյալ ժամանակահատվածում ամենալայնածավալ գործունեություն ծավալող և հայտնի աստղերը, գործիչները, դերասաններն ու դիզայներները:

EL Holding-ը ուներ ևս մեկ անակնկալ` El.am կայքը, որն այժմ կլինի ավելի հագեցած ու հետաքրքիր նյութերով լի: Այդ մասին հայտնեց նոր գլխավոր խմբագիրը.

- Կայքում տեղ կգտնի այն ինչ մնում է կադրից դուրս: Կունենա նոր բաժիններ, կհրապարակի տեսանյութեր: Այն կգործի որպես առանձին կայք և կներկայացնի նաև El Style Gran Turismo ներգնա տուրիզմի զարգացմանն ուղղված նոր, ավելի ընդլայնված նախագծի մանրամասները:



El ամսագրի առաջին համարի շապիկը զարդարում էր մոդել և դերասանուհի Սոֆյա Պողոսյանը: Իսկ ամսագրի շնորհանդեսի կարևորագույն մասնիկներից մեկն էլ EL տորթն էր: Շնորհավորելու էին եկել հոլդինգի նախկին և ներկայիս գործընկերները, աշխատակիցներն ու պարզապես ընկերները:



Շնորհանդեսը վարում էր մոդել և դերասանուհի Աննա Գրիգորյանը: Ժամանակ առ ժամանակ իրենց կատարումներով հյուրերին ուրախացնում էին Մարինե Հակոբյանը, Marbey-ը և Նիկ Եգիբյանը: Շնորհանդեսի պաշտոնական հատվածի ավարտից հետո El Sky- ում հատուկ ժամանցային ու թեժ մթնոլորտն ապահովեց DJ Guevo- ն:

9576

(*). նշվածները պարտադիր են լրացման

 

Տվյալներ չկան
^ Վեր