Քաղաքն ապրեց #Freedom

Քաղաքն ապրեց #Freedom

Սպրիլի 8-ին, քաղաքը հանդարտ էր, փողոցներն ազատ: Բոլորը գիտեին, որ այդ օրը ճանապարհները տանում են դեպի Yerevan Mall։ 

Միջազգային ճանաչում ունեցող Format B-ն առաջին անգամ ելույթ ունեցավ Երևանում։ Մեկ ամիս հետաձգված Freedom Music-ի մասին խոսում էին շատ վաղուց: Սակայն փորձը ցույց տվեց, որ բացի մարքեթինգային հարցերից, պետք էր ուշադրություն դարձնել նաև կազմակերպչականին։ Մթնոլորտը շատ ոգևորող էր, լուսատուներն ու լուսային էֆֆեկտները գրավում էին բոլոր ներկաներին, իհարկե եթե բախտը ժպտացել էր քեզ և դու արդեն ներսում էիր: Շատերը պարզապես չէին անցում face control-ը, իսկ մյուսները չդիմանալով հերթերի կուտակումներին, լքում էին միջոցառումը սեփական ազատության չափաբաժինը չստացած։ Սակայն սա ամենասպասված միջոցառումն էր, որտեղ հավաքվել էին 2500-ից ավելի մարդ, իսկ մթնոլորտն այնքան թեժ էր, որ նույնիսկ շնչելու օդ չկար:

Freedom Music-ը էլեկտրոնային երաժշտության համաշխարհային փառատոն է, որը մեկնարկել է 2010 թ.-ին և այդ ժամանակից ի վեր այն նշում է ազատ լինելու ակնթարթներն ամբողջ աշխարհում: Freedom Music-ի միջոցով դու կարող ես միանալ ամենապահանջված դիջեյների և սաունդտրեկերի աշխարհին, ընկղմվել ազատության տրամադրության և անմոռանալի երաժշտության պահերի մեջ, որոնք կմնան քեզ հետ: Freedom Music-ը Հայաստանում այս տարի անց է կացվում ապրիլի 8-ին՝ իր շուրջ հավաքելով մոտ 2000 մասնակից:



Մինչ Format B-ն և Իտալիայից ժամանած Լուիջի Ռոկան կհայտնվեին Yerevan Mall-ի տարածքում Freedom Music-ի երաժշտությունն ապահովում էին Երևան քաղաքի ամենահայտնի DJ-ները՝ Guevo-ն և Leo-ն։ Երեկոյան ժամը 21։00-ից մինչև գրեթե լուսաբաց հնչում էր լավ երաժշտություն, որը ապահովում էր հաճելի ժամանց։ Բացի պարելուց և խմելուց Freedom Music-ի մասնակիցները հնարավորություն ստացան լուսավորվելու ողջ մարմնով՝ լուսատու թևնոցների և լուսարձակ ներկերի շնորհիվ։ Տարածքում գործում էին նաև առանձնացված հատվածներ տարատեսակ լուսանկարներ անելու և դրանք նախապես մշակված և ամբողջ տարածքում սփռված հեշթեգերով տարածելու համար։ 

Հուսանք, որ սա չի լինի նմանատիպ մասշտաբի վերջին միջոցառումը և հաջորդ անգամ այն կլինի էլ ավելի լավ համակարգված: 

1661

(*). նշվածները պարտադիր են լրացման

 

Տվյալներ չկան
^ Վեր