Հեղինակ՝ Անի Սմբատի
Այս ուրբաթ այնպիսի տպավորություն է, որ քաղաքը շունչը պահել է, մինչև օրը գլորի, հասնի շաբաթ օրվան։ Փաբերը սուս են, կարծես զգում են, որ բոլորն իրենց լյարդը, զույգ թոքերը, աչքն ու ականջը, ոտուձեռը խնայում են հաջորդ օրվա համար։ Բայց եթե դուք համառորեն որոշել եք չխախտել ուրբաթիրիգունի սրբազան արարողությունը, ապա մի երկու բան քերել եմ ձեզ համար։
Մինչև հիմա առիթ չե՞ք ունեցել գնալու «Ռեինկարնացիաենց տուն», ուրեմն միգուցե այս ուրբաթը հենց այդ օրն է։ Բացի այլ խմբերից, սիրված ռեգի խումբը ևս հաճախ է համերգ տալիս իր «բնում»։ Այս ուրբաթ համերգը կսկսվի 20:30-ին, ի դեպ՝ House of Reincarnation-ի հասցեն փոխվել է՝ Բաղրամյան 25:
Եթե հանկարծ մի օր սխալվել ու երկուշաբթի մտել եք Paparazzi club, ուրեմն գիտեք, որ այդ վայրը միայն ուիքենդին է կենդանանում, ընդ որում՝ իր մշտական դիջեյների՝ Shant-ի ու Mike J-ի թեթև ձեռքով։ Այս ուրբաթը բացառություն չի, իսկ «տժիկը» սկսվելու է 21:00-ից։
Փսիխոդելիք ու ալտերնատիվ ռոքի սիրահարները լավ գիտեն LSD (Little Snail Dance) խմբի մասին։ Այս ուրբաթ՝ նույն ժամը 21:00-ին, նրանք որոշել են վերջին փսիխոռոքային ելույթն ունենալ ու ժամանակավոր ամառային հանգստի անցնել կամ վազվզել մարդա իր գործերով։ Մուտքն ազատ է լինելու։
Ուիքենդին անցնելուց առաջ մի բան էլ զգուշացնեմ, հատկապես «90-ականներից էն կողմ» ծնվածներին։ Այս ուրբաթ դպրոցներում Վերջին զանգ է, նշանակում է՝ ամբողջ քաղաքը անչափահասներն են գրոհելու։ Չէ, իհարկե, դրա մեջ վատ բան չկա, բայց երեկոյան ուր էլ մտնեք՝ ձեզ համարյաթոշակառու եք զգալու ու պարբերաբար մշակութային շոկ ապրեք՝ քրքրվելով «ես 16 տարեկանում սենց բան անեի՝ տնեցիք կսպանեին» ու նմանատիպ մտքերից։
ՈՒԻՔԵՆԴ
Շաբաթ, մայիսի 28
Մայիսը մի տեսակ շատ ակտիվ ստացվեց այս տարի։ Սկզբում Freedom Music-ն էր, հիմա էլ սա։ Նույնիսկ եթե դուք Jameson չեք սիրում, նույնիսկ եթե հիփ-հոփի հետ էլ առանձնապես մոտիկ չեք, այս քաղաքում կան իվենթներ, որոնք բաց թողնելն առնվազն հանցագործություն է։ Jameson Block Party-ն հենց դրանցից մեկն է։ Չնայած ի՞նչ եմ դրել պատմում. եթե մինչև հիմա չեք լսել «Երազ» գործարանում սպասվող մեգափարթիի մասին, ուրեմն իմաստ էլ չունի գայթակղելը, որովհետև հաստատ չունեք հրավիրատոմս aka հրավիրափեդ, առանց որի մտնելու հույս չունենաք։ Չէ, ծանոթով չի լինի, չէ, ֆեյս քընթրոլը բոբո չի, չէ, ավել տոմս չկա ու չէ, ես ջիջիլ չեմ քցում։ Հա լավ, մի քիչ։ Ինչևէ, փարթիի սպասված հյուրը բրուքլինցի ռեփեր Uncle Murda-ն է, որը Նյու Յորքի ակումբային կյանքի ամենահեղինակավոր դեմքերից է, իսկ հատուկ հյուր կլինի մեր ռեփեր Միշոն: Ընթացքում խոստացել են էլի լիքը խառը-խշտիկ թույն բաներ, մի քանիսը գիտեմ, բայց չեմ ասի, կգաք՝ կիմանաք։ Դրես կոդը՝ սթրիթ սթայլ, տրամադրությունը՝ միլիոն։
JamesonBlockParty-ն վերջանալու է ուղիղ կեսգիշերին ու ոչ թե որովհետև կազմակերպիչները չեն ուզում, որ տժանք մինչև լույս, այլ որովհետև գիտեն, թե ինչպես է պետք տժալ ու որ փաբերն էլ պարապ չմնան։ Հիփ-հոփի բիթերի տակ մնալու ցանկությունը կարող եք բավարարել OLO-ին Stoyka-յում՝ առաջվա հինուբարի Cheers-ում։ Բոլոր աթոռ-սեղանները հանել են, թույն սաունդ են խոստացել, մյուզիքը՝ Վագուլից, Արոյից, Գոռից ու շարունակելի։ Ոնցոր ասում են՝ «Քենդրիքների մեջ տժալու» իվենթ։
Եթե ջեյմսընախառը թեմայի մեջ չեք ընդհանրապես, Paparazzi club-ը շաբաթ օրն էլ ժամը 21:00-ից կլինի ձեր տրամադրության տակ. ուրբաթ օրվա դիջեյներին կմիանա Beatman-ը։
#բարիուրբաթ
