#բարևուրբաթ | սադիստներ, պղպջակներ ու պոեզիա

#բարևուրբաթ | սադիստներ, պղպջակներ ու պոեզիա

Հեղինակ՝ Անի Ամբատի


Այս ուրբաթն ու դրան հաջորդող ուիքենդը իվենթների պակաս չունեն՝ սկսած մշակութային «գնալիքներից» մինչև նայթլայֆ։ Բայց ամեն ինչ հերթով։



19։00 | ՆՓԱԿ

«Մէկ կադր» կարճ ֆիլմերի միջազգային փառատոնի բացում

«Մէկ կադր» փառատոնն այս տարի տեղի կունենա 14-րդ անգամ։ Եթե անտարբեր չեք երիտասարդական ու անկախ կինոյի հանդեպ, որի զարգացմանը նպաստում է փառատոնը, ուրեմն ուրբաթ երեկոն պետք է սկսել փառատոնի բացումից։ Իսկ կբացվի փառատոնը ՆՓԱԿ-ի «Չտեսնված հայկական կինո» նախագծի հերթական «չտեսնված» ֆիլմով՝ Ժիրայր Ավետիսյանի «Ջրհորի մոտ» ֆիլմով («Երևան» հեռուստակինոստուդիա, 1970)՝ նկարահանված ըստ՝ Ս. Զորյանի պատմվածքի։ Փառատոնի ընթացքում կցուցադրվի 72 ֆիլմ, իսկ կփակվի փառատոնը հունիսի 9-ին։



19։00 | Վիտամին ակումբ (Պուշկին 3)

Sadist live in Armenia

Մետալիստնե՜ր, էկեք լավ բան եմ ասում։ Հիշո՞ւմ եք 2008-ին իտալական պրոգրեսիվ դեթ մետալի լեգենդներ էին եկել Հայաստան: Հա՜, հա, Sadist-ը։ Ուրեմն հերիք չի վերադառնում են իրենց Hyena Biting The East շրջագայության շրջանակում ու ներկայացնելու են իրենց նորագույն սկավառակը, մի բան էլ նրանց միացողներ կան։ Մետալուրբաթի մյուս դերերում՝ ինդաստրիալ մետալի առաջատարներից մեկը Լեհաստանից՝ Thy Disease-ը, ինչպես նաև Signs և Vanilla Cage խմբերը Վրաստանից ու մեր հայկական Divahar-ը։ Տոմսերը՝ 4000 դրամ նախօրոք գնելու դեպքում ու 5000 դրամ՝ մուտքի մոտ:



19։45 | ԹՈՒՄՈ

«Կնքահայր». 1-ին և 2-րդ մասեր

ԹՈՒՄՈ-ն որոշել է հունիսը լիովին նվիրել աշխարհի ամենահայտնի «կինոդինաստիաներից» մեկին՝ Կոպոլաներին: Ֆիլմաշարը կսկսվի ավագ սերնդից, այն է՝ Ֆրենսիս Ֆորդի դասական «Կնքահայրից» ու քանի որ միայն առաջին մասը ցուցադրելը մի տեսակ հերիք չի լինի, որոշել են երկրորդ մասն էլ պահել շաբաթ օրվա համար՝ նույն ժամին։



21:00 | Downtown club

Բեյս Ջամփ փառատոնի նախափարթի

Հունիսի 5-10 Հայաստանում առաջին անգամ անցկացվելու է Բեյս Ջամփ փառատոն։ Ու քանի որ այն տեղի է ունենալու աշխարհի ամենաերկար ճոպանուղու՝ «Տաթևերի» վրա, երբ աշխարհի 60 հայտնի բեյսջամփերներ ճոպանուղու խցիկներից թռիչքներ են կատարելու 320 մետր բարձրությունից, փառատոնին պետք է պատրաստվել ինչպես հարկն է։ Դե ի՞նչ նախապատրաստություն առանց նախափարթիի, երաժշտությունը՝ Karo Pillz-ից ու Donz-ից։



21:00 | Paparazzi club

Friday night

Այս ուրբաթիրիգուն Paparazzi club-ում երաժշտությունն ապահովելու են Alen Hertz-ն ու Mike J-ը, իսկ VJ Jack-ը կզբաղվի վիզուալ էֆեկտներով։



22:00 | Process

Jazz It Up with Lucy

Արդեն որերորդ ուրբաթն է, ինչ Process-ում ջազ/սոուլ երեկոներ են կազմակերպվում։ Քանի որ արձագանքները դրական էին, ուրեմն արժի փորձել, մանավանդ, որ համ էլ նոր դիջեյ բացահայտելու առիթ է. ջազային բիթերը՝ Lucy Sowa-ից։

ՈՒԻՔԵՆԴ



Շաբաթ, հունիսի 4

21:00 | Paparazzi club

Saturday night

Paparazzi club-ում շաբաթ օրը Թբիլիսիից հյուր է սպասվում՝ Boyd Schidt-ը, ինչպես նաև կնվագեն Teo-ն ու Mike J-ը։



21:00 | The Venue

Bubble Party

Ուռա՜, պղպղջակնե՜ր, ուռա՜, գետնի տա՜կ։ Գետնի տակ, այո, սխալ չկարդացիք. սա առաջին անդերգրաունդ Bubble Party-ն է Երևանում։ Անպայման գալ ամառային շորերով, ուզում եք՝ նաև ձեր պղպջակի «գործիքներով» կամ վերցնել սթաֆից կամ էլ պղպջակ սարքող մեքենային վստահել այդ գործը։ Համ էլ այդ օրը հատուկ պղպջակային կոկտեյլ են խոստանում։



21:00 | Hindenburg

Lelocity

Lelocity-ենք հետ են եկե՜լ։ Երկար ընդմիջումից հետո համով ռոք խումբը նորից համերգ կտա, մուտքը՝ 1000 դրամ։



Կիրակի, հունիսի 5

19։00 | Ազատության հրապարակ

Եվրոպայի օր. տոնական համերգ

Բացօթյա տոնական համերգով կեզրափակվեն Եվրոպայի օրվան նվիրված այս տարվա միջոցառումները: Համերգին հրավիրված են հայտնի արտիստներ, այդ թվում՝ իսպանացի փոփ երգչուհի Լարա Թեյլորը, որն ունի դափսթեփն ու մեյնսթրիմը համախմբող էլեկտրոնային ուրույն երաժշտական ոճ, և Մանուել Գալեյը՝ իսպանացի հայտնի դիջեյ, որի գլխավոր հիթերից է եղել Machine-ը՝ ստեղծված Բոբ Սինքլերի ու Խոակիմ Գարոդի աջակցությամբ:



19։00 | Նավավար

Ծովածավալ պոեզիայի երեկո

Եթե կիրակի էլ համերգի հավես չկա, «Նավավար» ձկնալի ըմպելարանում որոշել են պոեզիայի երեկո կազմակերպել։ Մենք ծով չունենք, փոխարենը կարող ենք ծովածավալ պոեզիա լսել՝ ժամանակակից պարսկագիր հեղինակների՝ ծովային և ձկնային թեմատիկայով, կապույտ-կանաչ-լազուր տրամադրությամբ ընտրված իրանական թարգմանական պոեզիա: Մուտքը՝ տեղում տրվող էջանիշ-վաուչերով (շատ սիրուն), արժեքը՝ 1000 դրամ, որով կարող եք վայելել մեկ գավաթ գինի և խորտիկ... Եվ կիրակին կարելի է պոետացված ու ստացված համարել։

#բարիուրբաթ

2935

(*). նշվածները պարտադիր են լրացման

 

Տվյալներ չկան
^ Վեր