Հեղինակ՝ Ալլա Զաքարյան


Գրեթե բոլորի հետ էլ պատահել է, երբ պատվիրել ենք մի բան, կլինի դա օնլայն տարբերակով, թե հենց սրճարանում, բայց մեզ մատուցել են բոլորովին այլ բան: Reservin-ը ձեզ կպատմի իրական պատմություններ այն մասին, թե ինչպես են մեզ խաբում ռեստորաններում, սրճարաններում և ուտելիքի օնլալն պատվերների դեպքում:

Մոտ մեկ ամիս առաջ երևանյան սրճարաններից մեկում էի: Առաջին հայացքից մաքուր և քաղաքակիրթ վայր էր թվում: Մատուցողը բարեհամբույր էր, մենյուն՝ գեղեցիկ ձևավորմամբ, դե իսկ ուտելիքներն էլ իրենց հերթին ախորժալի տեսք ունեին: Սակայն, ամեն ինչ փոխվեց, երբ իմ պատվերը խոստացված 10 րոպեի փոխարեն բերեցին 40 րոպե անց: Պատճառաբանությունն այն էր, որ իմ պատվիրած աղցանի համար պահանջված մթերքները բացակայում էին, և մատուցողը ստիպված է եղել մոտակա խանութից գնել դրանք: Իսկ տեղեկատվությունը ոչ այլ ինչ էր, քան պարզապես խաբեություն:

Ես պատվիրել էի սնկով աղցան, հատուկ նշելով, որ դրա մեջ չավելացնեն կծու պղպեղ: Աղցանն ինձ մատուցեցին առանց սնկի և շատ կծու պղպեղով համեմված: Ես հրաժարվեցի ուտել և դուրս եկա սրճարանից, իհարկե, վճարելով գումարը, խոհարարի այդպիսի «տանջանքների» դիմաց:



Այդպիսի դեպք էլ եղել էր մտերիմներիցս մեկի հետ: Նայելով նկարին, պատվիրել էր տավարի կոտլետով բուրգեր՝ երկու շերտ հոլանդական պանրով և հազարաթերթիկի տերևներով: Կարո՞ղ եք պատկերացնել, թե առաջին հայացքից ախորժալի թվացող բուրգերն ինչ տեսք ուներ: Նրան մատուցել էին այնպիսի վատ մսից պատրաստված կոտլետով բուրգեր, որ նա 2 օր հրաժարվում էր որևէ բան ուտել, իսկ հոլանդական պանրի փոխարեն բուրգերը մատուցել էին հայկական չանախով:

Իսկ ի՞նչ կասեք լավ դիզայների միջոցով մեծ գումարներ կորզող ռեստորանների մասին: Մի երիտասարդ իր սիրելի աղջկան առաջարկում է ընթրել ռեստորանում, որտեղ մատուցում են նրանց կողմից նախընտրելի ուտեստներ: Երջանիկ զույգը նախ հիանում է մենյուի գեղեցիկ ձևավորմամբ, հետո էլ ՝ համեղ ուտելիքով: Բայց խեղճ երիտասարդը չի կարողանում հանգիստ մարսել կերակուրը, քանի որ հաշվի մեջ տեսնում է այնպիսի գումար, որը չէր սպասում տեսնել: Պարզվում է, մենյուն այնպես էր ձևավորված, որ ուտելիքի գնի մեկ 0-ն չէր երևում: Խնամքով թաքնված այդ 0-ն դատարկեց երիտասարդի գրպանները:



Շաուրման հայերի ամենասիրելի ուտելիքներից մեկն է, պատահական չէ, որ դրա հետ կապված կան շատ պատմություններ: Օրինակ՝ երբ դու ոչինչ չես ասում սոխի լինել չլինելու մասին, բայց քեզ առաքում են սոխով՝ այն էլ շատ սոխով: Իհարկե, տարածված բան է, երբ նայում ես մենյուն, տեսնում գեղեցիկ նկար և որոշում հենց դա փորձել, քանի որ ունի ախորժելի տեսք, բայց, ցավոք քիչ անց հասկանում ես, որ փորձը կարող է նույնիսկ փորձանք լինել:

Ուշադրություն դարձրեք, թե ինչ եք պատվիրում, մի վստահեք մենյուներին և օնլայն պատվերներին, եթե իհարկե, չեք ուզում վտանգել ձեր կյանքը: Այցելեք ռեստորաններ, սրճարաններ: Իսկ եթե վախենում եք, որ այնտեղ ձեզ համար հնարավոր է ազատ սեղան չլինի, ուրեմն շտապեք ամրագրել ձեր սեղանը: Reservin Armenia-ն ձեզ տալիս է առցանց ամրագրման հնարավորություն: Ամրագրեք ձեր տեղերը մեր միջոցով՝ մեր գործընկեր սրճարաններում, փաբերում, ռեստորաններում:

Վստահեցնում ենք, մեր շնորհիվ դուք կունենաք հնարավորություն լինելու քաղաքի ամենագեղեցիկ վայրերում, որտեղ Ձեզ չեն խաբի այլ ուտելիքներով ու մի քանի զրոներով: Այստեղ լոլիկ պատվիրելու դեպքում, ձեզ կմատուցեն լոլիկ:

Իսկ պատմությունները, որոնք ներկայացրեցինք կես կատակ կես լուրջ էին: Reservin Armenia-ն շնորհավորում է բոլորին ծիծաղի միջազգային օրվա, կամ ինչպես հայերն են սիրում ասել՝ խաբելու օրվա առիթով:

6087

(*). նշվածները պարտադիր են լրացման

 
Տվյալներ չկան