Կոտլետները՝ արդեն կաղամբով, տոլման՝ միայն պասուց, թաբուլեն՝ մեր սեղանից անպակաս. դժվար չէ կռահել՝ Մեծ Պահքի շրջանը թակեց մեր դուռը։ Քրիստոնյա աշխարհը տևական ժամանակ ինքնակամ հրաժարվում է ամեն տեսակ կենդանական սննդից։ Մեծ Պահքի 48 օր տևող շրջանը նախորդում է Հիսուս Քրիստոսի Հարության տոնին՝ Սուրբ Զատիկին: Այս շրջանում աշխարհի բոլոր քրիստոնյաներն օգտագործում են բացառապես բուսական ծագում ունեցող սննդամթերք՝ մրգեր, բանջարեղեն, հատիկավորներ: Պահքին հետևողները կտրականապես հրաժարվում են մսամթերքից եւ կենդանական ծագում ունեցող բոլոր մթերքներից, օրինակ, ձու, կենդանական յուղ, կաթնամթերք: Բնականաբար, Մեծ Պահքի շրջանում չի կարելի է նաեւ ալկոհոլ օգտագործել:
----------------------------------------------------------------------------------------------------------------------------------------------------------------------------------------------------------------------------------------------
Աչաջուր սրճարանը Պահքի շրջանում առաջարկում է բանջարեղենային բուրգերներ։
Ինչպես են այս ընթացքում գոյատևելու երևանյան փաբերը առանց խմիչք պատվիրող հաճախորդների, դժվար է պատկերացնել։ Իսկ ռեստորաններն ու սրճարանները հիանալի ադապտացվել են ու ներառել պասային ուտելիքներ, ոմանք՝ նույնիսկ ստեղծել պահքի մենյու։ Գրեթե բոլորը մենյուի մեջ ունեն հատուկ պասային ուտեստներ՝ էլ տապակած սպանախով կոտլետ, էլ ավելուկով, գազարով, կաղամբով ապուրներ, էլ բանջարեղենային բուրգեր՝ մի խոսքով, ամեն ինչ մարմինն առողջ պահելու ու Մեծ Պահքի օրենքները չխախտելու համար։ Իհարկե, առանձին Պահքի մենյու քչերն են առաջարկում, մեր հարցումների արդյունքում նման մենյու կար El Garden, Achajur, Coffeeshop Company Yerevan սրճարաններում։
Թարմ բանջարեղենը Պահքի շրջանի ամենաակտուալ մթերքն է։
Կենդանական սննդից կտրուկ հրաժարվելը մտահոգիչ է որոշ բժիշկների կարծիքով։ Նրանք հորդորում են այս շրջանում ուտեստների մեջ լայնորեն կիրառել սունկ, այն որոշ չափով փոխարինում է մսին՝ իր մեջ պարունակելով մսի մեջ առկա օրգանիզմին անհրաժեշտ բոլոր նյութերը։ Մեծ պահքի շրջանում արժե նաև չմոռանալ ընկուզեղենի, հացահատիկների, լոբազգիների մասին, նրանք կփրկեն օրգանիզմը «կենդանական սննդի դեֆիցիտից»: Էնդոկրինոլոգներն էլ իրենց հերթին խորհուրդ են տալիս միրգն ու բանջարեղենն օգտագործել հում ու թարմ վիճակում, որպեսզի չկորչի վիտամինների մեծ մասը։
Coffeeshop Company Yerevan սրճարաններում արդեն հասանելի է Մեծ Պահքի մենյուն
Այս ամենով հանդերձ չարժե մոռանալ տոնի գլխավոր խորհրդի մասին. միայն պասային ուտելիքներով սնվելը դեռևս չի նշանակում ճշմարիտ քրիստոնյա լինել։ Եկեղեցին պնդում է՝ պահքը չի սահմանափակվում միայն կենդանական սննդից հրաժարվելով: Այն առաջին հերթին հոգեկան ու բարոյական տարատեսակ ախտերից ու մոլություններից, մեղանչական մտքերից, խոսքերից ու գործերից մաքրվելու ժամանակ է, զղջմամբ ու ապաշխարությամբ աստվածահաճո եւ առաքինի կյանքին դարձ ու մարմնի և հոգու լիակատար մաքրման փուլ է:
.jpg)
.jpg)
