Մենք արդեն անդրադարձել ենք սպասարկման ոլորտում աշխատողների, մասնավորապես մատուցողների կողմից ժպտալու կարևորությանը։ Անշուշտ, մենք հաճախ ենք բողոքում սպասրկման ոլորտի դժգոհ դեմքերից, իսկ երբևե փորձե՞լ ենք հիշել նրանց, ովքեր մեզ միշտ ժպտում են և հարգալից են մեզ հետ: Հենց ժպտերեսներն էլ որպես կանոն հաճախ աննկատ են մնում հյուրերի կյողմից։ Այս մտորումներով Reservin-ի խումբը գնաց շուրջ 200 քաղաքներում մասնաճյուղ ունեցող վիեննական թերևս ամենահայտնի սրճարանների երևանյան մասնաճյուղերից մեկը՝ Coffeeshop Company Yerevan
Աշխատանքային օրվա ամենապիկ ժամին մեր այցելությունն անակնկալ չէր ժպտադեմ մատուցողի՝ Վահագի համար։
Վահագն աշխատում է Coffeeshop Company Yerevan-ում ընդամենը երկու ամիս, սակայն առաջին իսկ հայացքից նրա բարեհամբյուր և հարգալից վերաբերմունքն արդեն ունի իր «երկրպագուները» այցելուների շրջանում։
Եվ բնականաբար մենք փոձեցինք պարզել առաջին հերթին թե «ինչ կա-չկա» Վահագի գոգնոցի գրպաններում և որն է հաճախորդների շրջանում իր հաջողության գրավականը։
Ինչու՞ որոշեցիք աշխատել այս ոլորտում։
Սպասարկման ոլորտում որոշեցի աշխատել հինգ տարի առաջ, իսկ այստեղ աշխատում եմ, քանի որ ինձ դուր է գալիս այստեղի մթնոլորտը: Սիրում եմ այս ոլորտի աշխուժությունը, անցուդարձը։ Պայմանները լավն են, իսկ հաճախորդներն էլ շատ հաճելի մարդիկ են:
Կա՞ն հաճախորդներ, ում հետ կապված ինչ-որ հետաքրքիր դիպված կհիշեք:
Այդպիսի հաճախորդներ միշտ էլ կան, յուրաքանչյուր սրճարանում, ռեստորանում, հյուրանոցում: Օրինակ՝ լինում են ոչ մշտական այցելուներ, ովքեր իրենց հազվադեպ այցելությունների ժամանակ հավատարիմ են մնում իրենց նախասիրություններին ու միշտ ընտրում են միևնույն ուտեստը կամ խմիչքը։ Սակայն լինում են «մշտական» այցելուներ, ովքեր ամեն օր, երբեմն էլ օրը մի քանի անգամ են այցելում ու ամեն անգամ նորություն են ընտրում, երբեմն էլ փորձում են ինչ-որ «խուճուճ» բաներ պատվիրել մենյուից դուրս։
Երբ դու ես հաճախորդի կարգավիճակում նկատողություն անում ե՞ս մատուցողին։
Ոչ, դա բացառվում է, քանի որ հասկանում եմ, թե որքան տհաճ է, երբ աշխատում ես ու քեզ կողքից փորձում են ինչ-որ բան հուշել: Երբ հաճախորդի դերում եմ, գնում եմ հանգստանալու, այլ ոչ հետևելու ուրիշի աշխատանքին: Փորձում եմ հնարավորինս չնկատել:
