Նա, ով Ադամից հետո կծեց խնձորը

Նա, ով Ադամից հետո կծեց խնձորը

Փետրվարի 24-ն աշխարհի «ամենավարակիչ» ու ամենաազդեցիկ կորպորացիաներից մեկի համահիմնադիր Սթիվ Ջոբսի ծննդյան օրն է: Այսօր հանճարեղ ճարտարագետ-գործարարը կդառնար 61 տարեկան: Նա հանդես եկավ որպես միկրոկոմպյուտերային աշխարհի Չէ Գևարա: Եվ արդյունքու՞մ. էլեկտրոնային, արդյունաբերական և, ինչու ոչ, նաև հոգեբանական բնույթի հեղափոխությո՜ւն:

Ջոբսի ֆենոմենի մասին շատ է գրվել ու դեռ այնքա՜ն կգրվի։ Մենք փորձենք ներկայացնել մի քանի փաստ նրա սննդակարգից ու օրակարգից։


Ջոբսն ապրել է հասարակ կյանքով՝ ջինս, սև շապիկ, առողջ սնունդ, համեստ կեցվածք։ Դեռ երիտասարդ տարիներից ոգևորվել էր Առնոլդ Էհրեթի դիետաների մասին գրքով, որը սովորեցնում էր՝ ինչպես դառնալ ֆրութերիան՝ միայն մրգերով սնվող մարդ: Որոշ ժամանակ անց Ջոբսն անցավ վեգանական կերակուրներին. մրգեր, բանջարեղեն, ընկույզ-չամիչ, միակ բացառությունը ճապոնական խոհանոցն էր: Նա շատ էր սիրում սուշի և սոբա, և նույնիսկ ստեղծել էր Apple-ի կաֆիտերիայում մատուցվող իր հեղինակային «Սաշիմի սոբա»-ն: Պաշտում էր ծովային կարմրախայտից, յուղոտ թունայից, սաղմոնից և աղի օձաձկից սուշի: Խմիչքներից սիրում էր գարեջուր՝ Dark Ale կամ Porter, անտարբեր չէր նաև գինու նկատմանբ: Նախընտրում էր «Մադերա», իսկ հյութերից՝ Odwalla-ի տարբեր համերը:



Սթիվ Ջոբսը հաճախ էր ճաշում Jin sho, Cagiest և Sushi Ran ռեստորաններում։ Իսկ երբեմն էլ պարզապես վերցնում էր թեյքըուեյ սուշի ու վերադառնում տուն: Ջոբսը Պալո-Ալտոյում գտնվող Fraiche Yoghurt Café-ի մշտական հաճախորդն էր: Ասում են՝ երբ գնում էր շրջակայքի Whole Market-ից հաց ու բանջարեղեն գնելու, մեկ-մեկ ոտաբոբիկ էր լինում։

1808

(*). նշվածները պարտադիր են լրացման

 

Sahak Փետրվար 24, 2016
Hetaqrqir er. ioq vor varakich uj a apple@
^ Վեր