Tet-A-Tet Phonique հետ

Tet-A-Tet Phonique հետ

Մարտի 8-ին աշխարհի ամենահայտնի DJ-ներից մեկը՝ Phonique-ը, հանդես  եկավ Jose lounge bar-ում: Այս անմոռանալի երեկոն կազմակերպել էին YS Event-ը, Rai Style Beauty Academy-ն և CANNI PROFESSIONAL Studio-ն:

Phonique-ը կարճ ժամանակաշրջանում հաստատվեց որպես հաջողակ փրոմոութեր, ապա որպես DJ՝ հավաքելով երկրպագուների մեծ բանակ Բեռլինի  գիշերային ակումբներում: Նա շարունակում է հավաքել երկրպագուների հոծ բազմություն իր  շրջագայությունների ընթացքում: Նրա հիթերը բերեցին իրեն «Լավագույն հաուս DJ» մրցանակը երկու ամգամ՝ 2008-ին  և 2010-ին՝ հաստատելով նրա դիրքը որպես Եվրոպայի ամենահայտնի DJ-ներից մեկը:

Նա հրավերներ է ստանում ամբողջ աշխարհից: Phonique-ը արդեն ելույթ է ունեցել ավելի քան 60 երկրներում ու փառատոններում՝ Tomorrowland-ից մինչև Creamfields:

Phonique-ը իր երեւանյան այցի ընթացքում բացառիկ հարցազրույց տվեց Reservin Armenia-ի թիմին: Պատիվ ոնենք ներկայացնել այն մեր Tet a Tet DJ-ների հետ նախագծի շրջանակում:

Reservin: 1995-ին Դուք Յոկոտոից տեղափոխվեցիք  Բեռլին ու սկսեցիք աշխատել ակումբներում: Երբևէ կպատկերացնեի՞ք, որ դառնալու եք DJ, ու ինչպե՞ս ծնվեց Phonique բեմական անունը:

Phonique: Ես գնացել էի Բեռլին քիմիա ուսումնասիրելու համար: Ես երբեք չեմ մտածել DJ դառնալու մասին, թեև միշտ հետաքրքրվել եմ  house երաժշտությամբ: Ես օգնում էի  ընկերներիս իրենց երեկույթները կազմակերպել և  ինքս էլ չզգացի, թե ինչպես և երբ ես ինքս DJ դարձա: Երբ ես սկսեցի մտածել իմ բեմական կեղծանվան մասին, սկսեցի գրի առնել շատ անուններ՝ ստուգելով և համեմատելով դրանք, և ի վերջո, երկու կամ երեք օր հետո որոշեցի հանդես գալ Phonique անունով:

 Reservin:  Ձեր երգերի մեծ մասը հիմնված է հաուս-ռիթմի, խորը բասի եւ գեղեցիկ  վոկալի վրա: Ինչպե՞ս են գաղափարները ծնվում, ե՞րբ եք Դուք սկսում աշխատել նոր երգի վրա:

Phonique: Հիմնականում, երբ ես լսում եմ որևէ երաժշտություն՝ էլեկտրոնային, ակուստիկ կամ պարզապես երաժշտություն ռադիոյով, ես լսում կամ տեսնում եմ պատկերավոր ինչ-որ բան, ինչը հետո սկսում  է երաժշտական ​​գաղափարներ առաջացնել իմ գլխում: Ես պահում եմ դրանք իմ մտքում, ապա գնում  ստուդիա և սկսում ինչ-որ բան կառուցել այդ գաղափարի շուրջ:

Reservin: Ո՞րն  էր Ձեր կարիերայի ամենակարևոր շրջադարձային պահը:

Phonique: Բարեբախբատաբար ես չեմ ունեցել մեկ մեծ շրջադարձային պահ: Իմ կարիերայում ես բարձրացել եմ քայլ առ քայլ: Ես ունեմ երգեր, որոնք սկսել են հայտնի դառնալ աստիճանաբար 2003 թվականին: 2004-ին իմ “Red Dress” երգը թիվ մեկն էր Գերմանիայի ակումբներում, այն բարձրացավ գերմանական ակումբային պաշտոնական չարթի German Club Charts (DCC) առաջին պատվավոր հորիզոնականին և երկար ժամանակ մնաց այդ դիրքի վրա:

Reservin: Սա ձեր երկրորդ այցն է Հայաստան: Ինչպիսի՞ն  են  ձեր տպավորությունները Հայաստանից և Երևանից:

Phonique: Հայաստանը այս անգամ տեսել եմ ավտոմեքենայի պատուհանից Վրաստանից գալուց, նաև եղել եմ Էջմիածնում։ Ինձ իրոք դուր է գալիս Ձեր մայրաքաղաքը: Այն շատ գեղեցիկ է: Հայերը շատ հետաքրքիր ու հյուրընկալ մարդիկ են: Տեսել եմ Կասկադը ու եղել ներսի թանգարաններում: Ուրախ եմ, որ տեսել եմ այնպիսի բան, ինչը չես կարող սովորաբար տեսնել, եթե գալիս ես որպես սովորական զբոսաշրջիկ։ Եթե ​​դուք սովորաբար մեկնում եք Հունաստան, Իտալիա կամ Իսպանիա, դուք երբեք չեք ընտրի Հայաստանը ճանապարհորդելու համար, բայց հիմա ես կարծում եմ, որ Հայաստանը սովորական երկիր չէ և այստեղ շատ բան կա տեսնելու: Այդ պատճառով, երբ ես վերադառնամ Գերմանիա, անպայման կպատմեմ Հայաստանի մասին և ընկերներիս էլ խորհուրդ կտամ այցելել:

Reservin: Ի՞նչ եք անում որպես զբոսաշրջիկ ձեր շրջագայությունների ընթացքում:

Phonique: Դա կախված է նրանից, թե որքան ժամանակ ունեմ: Սովորաբար ես խմդրում եմ ինձ համար  տեղ ամրագրել ակումբներում  կամ ինչ-որ տեղ քաղաքից դուրս, քանի որ գիտեմ, որ այդպես կարող եմ տեսնել այդ երկրում ինձ հետաքրքրող վայրերը ու բացահայտել նոր տեղեր: Օրինակ, երբ ես Բանգլադեշում էի, ես այցելեցի երկրի արդյունաբերական այն մասը, որտեղ H&M-ը հիմնել է իր գործարանները: Դուք երբեք չեք անի դա այլ երկրում, բայց Բանգլադեշը այսօր դարձել է տեքստիլ ոլորտի առաջատարներից և ինձ այդ պահը հետաքրքրեց, գնացի նայեցի:  Կախված  է այն բանից, թե որտեղ եմ ես: Եթե ​​ես Բրազիլիայում եմ, ես սիրում եմ գնալ լողափ, և ինչպես ասացի, Երևանում ես եղել եմ թանգարաններում:

Reservin: Զգում եք, արդյոք, տարբերություն  եվրոպայի եւ հայ հանդիսատեսի միջև:

Phonique: Ես չէի ասի, եվրոպական հանդիսատես, քանի որ յուրաքանչյուր երկիր ու քաղաք նույնիսկ իր ներսում տարբեր լսարաններ ունի: Գերմանիայում, հատկապես Բեռլինում կա շատ հատուկ հանդիսատես, նման զբոսաշրջիկների խառնուրդի, ովքեր հետաքրքրված են էլեկտրոնային երաժշտությամբ: Միևնույն ժամանակ, տեղացիները, ովքեր արդեն երկար ժամանակ ծանոթ են մեր ակումբներին, բոլորովին այլ վերաբերմունք ունեն երաժշտության նկատմամբ: Բոլորովին այլ պատկեր է մեր փոքր քաղաքներում: Դժվար է համեմատել մեկ երկիրը մյուսի հետ: Կարծում եմ, որ դուք ունեք իրոք լավ հանդիսատես, շատ են այնպիսիները, ովքեր քաջատեղյակ են վերջին տրենդային հիթերին և նույնիսկ փորձում են իրենց նոր ոճն ու ուղին այլ ոլորտում ստեղծել։ Կան նաև այնպիսինները, ում համար թեև էլեկտրոնային երաժշտությունը նոր բան է, բայց, միևնույն է նրանք լավ ժամանակ են ացկացնում երեկույթների ժամանակ:

Reservin: Իսկ ո՞րն  է Ձեր սիրած երգը  Ձեր նոր ալբոմում:

Phonique: Միանշանակ ”The Grass is Greener” երգը, որը ներկայացրել եմ առաջինը,  վոկալիստ Անտոնիա Վայի հետ: Երբ նա ուղարկեց ինձ վոկալ կատարումը, ես լիովին սիրահարվեցի այս երգին: Այն բացարձակապես իմ ամենասիրելի կատարումն է այս ալբոմի մեջ:

Reservin: Ի՞նչ պլաններ ունեք  այս տարվա համար:

Phonique: Երբ ես վերադառնամ Բեռլին,  ունենալու եմ երկու համերգ Բեռլինում: Տեղի կունենա նաև իմ ալբոմի շնորհանդեսի երեկույթը, որին  կմասնակցեն Antonia Vai-ը և երկու այլ DJ-ներ /SteeDownes, Iso*, Alex Gallus

Reservin: Շնորհակալ ենք մեզ ժամանակ տրամադրելու համար: Հուսանք լավ ժամանակ կանցկացնեք Հայաստանում:

 Phonique: Շնորհակալություն հետաքրքիր զրույցի համար, և կտեսնվենք երեկույթին:






Մեր մյուս հետաքրքիր հոդվածները կարդալու համար սեղմեք այստեղ, իսկ ավելի քան 450 ժամանցի վայրերից մեկում ամրագրում կատարելու համար՝ այստեղ։ 

1729

(*). նշվածները պարտադիր են լրացման

 

Տվյալներ չկան
^ Վեր