Tet-a-Tet DJ Teo-ի հետ

Tet-a-Tet DJ Teo-ի հետ

Tet-a-Tet նախագծի շրջանակում DJ մասնագիտության առանձնահատկությունների, էլեկտրոնային երաժշտության զարգացման և այդ ոլորտի տրենդերի մասին խոսել է մեր հերթական հյուրը՝ Թեոդիկ Մուրադյանը, ով ակումբային երաժտության սիրահարներին ավելի հայտնի է DJ Teo անունով:

ReserVin,- Teo,  Դուք համարվում եք քաղաքի ամենահայտնի և սիրված DJ-ներից մեկը, որքա՞ն ժամանակ է, որ հանդես եք գալիս որպես DJ:

Teo,- Որպես DJ հանդես եմ գալիս արդեն մոտավորապես 7-8 տարի: Սկզբնական շրջանում աշխատել և ստեղծագործել եմ տարբեր երաժշտական ստուդիաներում, հետո, զգալով որ ժամանակակից էլեկտրոնային երաժշտությունը ինձ ավելի մոտ է, սկսել եմ զբաղվել  DJ-ությամբ: Նախքան DJ աշխատելը համագործակցել եմ «Armenoids» և «Arata» խմբերի հետ, վերջինիս հետ ԱՄՆ-ում մասնակցել եմ երաժշտական մրցանակաբաշխությանը: Համագործակցություն եմ ունեցել «Tatanum» նախագծում, Monolog և T-st DJ-ների հետ, ինչպես նաև տարբեր միջոցառումների ժամանակ Robert Babicz-ի, Format: B-ի, Vako T-ի, Boyd Schidt-ի և SOMNE-ի հետ:








ReserVin,- Բոլոր DJ-ները ունեն իրենց առանձնահատուկ ոճը, ո՞րն է Ձեր ոճը

Teo,- Հիմնական ոճս կարող եմ համարել էլեկտրոնային երաժշտությունը, բայց դրա հետ մեկտեղ նախընտրում եմ տարբեր ոճերի երաժշտություններ, բացի փոփ երաժշտությունից: Ավելի շատ սիրում եմ եթնիկ ոճի «կորած» երաժշտություն լսել և նվագել:

ReserVin,- Արդյո՞ք դրա պատճառը Ձեր կրթությունն է, դուք այն քիչ DJ-ներից եք, ովքեր ունեն երաժշտական կրթություն:  

Teo,- Հնարավոր է, ես 2008 թվականին ավարտել եմ Երևանի Կոմիտասի անվան Պետական Կոնսերվատորիայի ջազ դաշնամուր բաժինը: Բացի դաշնամուրից նվագում եմ նաև կիթարի, բասս կիթարի և հարվածային գործիքների վրա:

ReserVin,- Բացի երաժշտությունից ունե՞ք այլ մասնագիտություն կամ սիրելի զբաղմունք:

Teo,- Այլ մասնագիտություն չունեմ, բայց կարող եմ նշել, որ ունեմ հոբբի՝ ավտոմրցավազք, ես Հայաստանի ավտոմոբիլային ֆեդերացիայի անդամ եմ:

ReserVin,- Իսկ ի՞նչ հետաքրքիր ու նոր համագործակցություններ ունեք հիմա

Teo,- Հիմա աշխատում եմ «Record label» ընկերությունում, որը գտնվում է Հայաստանից դուրս: Համագործակցում եմ 3 hip-pop արտիստների հետ, որոնց երաժշտության գործիքավորումը ես եմ անում: Ունեմ իմ սեփական նախագիծը, որի շրջակնակներում համագործակցում եմ երգչուհի Մարիա Ադամյանի հետ, ով կենդանի կատարումներ է անում էլեկտրոնային երաժշտության համակցությամբ:

ReserVin,- քաղաքի ո՞ր ակումբում կարող ենք լսել Ձեզ, ո՞րն է Ձեր սիրած ժամանցի վայրը:

Teo,-  Նախքան Paparazzi Club-ի ստեղծումը ես նվագում էի Շանթի հետ, իսկ ակումբի հիմնելուց հետո հաճախ եմ այնտեղ նվագում, քանի որ ոչ միայն հանդիսանում եմ այդ ակումբի ռեզիդենտ DJ-ներից, այլև համարում եմ  Paparazzi Club-ը իմ 3-րդ տունը :) դե երկրորդը իմ ստուդիան է, որտեղ անցկացնում եմ իմ հիմնական ժամանակը: Ինձ կարող եք լսել նաև  «Hayp energy drink»-ում: Բացի այդ հաճախ ունենում եմ պատվերներ Իրանից և ԱՄՆ-ից:

ReserVin,- Վերջին շրջանում բոլորը խոսում են այն մասին, որ մեր ակումբասերները տարբերվում են և արտասահմանի ակումբասերներից: Ըստ Ձեզ, ի՞նչն է այդ տարբերությունների հիմնական պատճառը և ի՞նչն է խանգարում ՀՀ-ում էլէկտրոնային երաժշտության զարգացմանը և մասսայականացմանը:

Teo,- Անկեղծ ասած տարբերությունները իրոք շատ են: Նախ և առաջ կարելի է ասել, որ Հայաստանում որպես իսկական ակումբ այսօր գործում է թերևս միայն Paparazzi Club-ը և հնարավոր է դա է պատճառը, որ քիչ են նաև ձևավորված ակումբասերներն և ակումբային էլեկտրոնային երաժշտություինց հասկացողները: Մարդիկ հաճախում են ակումբներ պարզապես լավ ժամանակ անցկացնելու, այլ ոչ Էլեկրոնային երաժշտություն լսելու համար: Իսկ ամենավատն այն է, որ, շատերի կարծիքով DJ-ությունը շատ հեշտ ու սովորական գործ է, մարդիկ կարծում են այդ երաժշտությունը ստեղծվում է ստեղնաշարին մի “click”-անելով մինչ դեռ բոլորովին այդպես չէ, իսկ արտասահմանում վերջին 2 տարիների ընթացքում DJ-ությունը համարվում է «Art» արվեստ:

ReserVin,- Ի՞նչ հետագա ծրագրեր ունեք

Teo,- Արդեն մոտ 1 ամիս է զբաղվում եմ նոր ալբոմի ստեղծումով hip-hop արտիստների հետ, և միաժամանակ աշխատում եմ իմ պրոեկտի վրա, որը շուտով կներկայացվի live տարբերակով:

ReserVin,- Շնորհակալություն հետաքրքիր հարցազրույցի համար

Teo,- ես էլ եմ շնորհակալ հետաքրքիր նախաձեռնության ու մեր մասնագիտության նկատմամբ հանրության ուշադրությունը կենտրոնացնելու համար:







Մեր մյուս հետաքրքիր հոդվածները կարդալու համար այցելեք՝ այստեղ, իսկ հաստատություններ բաժին անցնելու և սեղան ամրագրելու համար՝ այստեղ:

 

1166

(*). նշվածները պարտադիր են լրացման

 

Տվյալներ չկան
^ Վեր