#բարևուրբաթ | տրիոներ, ջազեր, Absolut White

#բարևուրբաթ | տրիոներ, ջազեր, Absolut White

Հեղինակ՝ Անի Սմբատի


Զգացի՞ք, հունիսն արդեն կես ընկավ։ Օրերը կամաց-կամաց շոգում են, տժալու տեղերը՝ շատանում, իսկ թե որտեղ գնալ, ինչպես միշտ, որոշում եք դուք։



15։00 | Հայաստանի ազգային պատկերասրահ

Բենիկ Պետրոսյանի Բրոնզե դարը

Մի քիչ հոգևոր սնունդ ալկոհոլապարային դոպինգից առաջ։ Հայաստանի Ազգային պատկերասրահում քանդակագործ Բենիկ Պետրոսյանի հետահայաց ցուցահանդեսն է բացվելու՝ նվիրված նրա մահվան 20-րդ տարելիցին։ Բենիկ Պետրոսյանը հայտնի է որպես մանրաքանդակի հիմնադիր և անգերազանցելի վարպետ, բայց նրա ստեղծագործությունը շատ ավելի բազմաժանր է` մոնումենտալ և հաստոցային քանդակ, դրվագում, գեղանկարչություն և գրաֆիկա, ձուլածո և կոփածո աշխատանքներ, կերամիկա, ձևավորում և այլն:

20։00 | Club 23

Tulip

Այս ուրբաթ Club 23-ում դիփ հաուսի երեկո է՝ տեղ-տեղ համեմված տեխնո հաուսով։ 21։00-ից կնվագի Գարիկ Ապինյանը, 23։00-ից նրան կփոխարինի X4O-ն, իսկ 00։30-ին հերթը կհասնի Հակոբ Սեմիրջյանին։



20:00 | Safran

Bossa Nova Night

Բացօթյա Սաֆրանն իր դռները վերաբացել է դեռևս մայիսի 1-ին և այժմ գնալով ավելի հաճախ է կենդանի երաժշտության երեկոներ կազմակերպում։ Այս ուրբաթ երեկոն նվիրվում է բոսա նովային՝ Արսեն Ադոնցի և Ալեքսանդր Հակոբյանի կատարմամբ։

20:00 | Dargett

1243K

Մի քանի ամիս առաջ բացված Dargett գարեջրատունն արդեն շատ երևանցիների սիրելի վայրերից մեկն է՝ զանազան համերով քրաֆթ գարեջուր խմելու համար։ Իսկ հիմա գարեջրատունն ակտիվացնում է տարածքը՝ նաև որպես երաժշտական հարթակ։ 1243K խմբի երաժշտությունը մի քիչ դժվար է նկարագրել, բայց երկու խոսքով՝ դա համակարգչային հնչյունների ու ֆոլքային ելևէջների յուրօրինակ խառնուրդ է, որը բավականին զվարճալի է հնչում։



21:00 | Enoteca

Wine and Jazz: Chico's New Trio

Դասական ջազին կարո՞տ եք մնացել, իսկ ի՞նչ կարծիքի եք այն գինու հետ վայելելու մասին։ Չիկոյի նոր տրիոն այս ուրբաթ ջազ կնվագի Էնոտեկա գինետանը։ Նոր տրիոյի կազմում հանդես կգան Չիկոն, նույն ինքը՝ Արմեն Թութունջյանը (հարվածային գործիքներ), Կարեն Գրիգորյանը (դաշնամուր) և Դավիթ Գյոդակյանը (կոնտրաբաս)։ Տրիոյին կմիանա նաև սաքսոֆոնահար Արթուր Գրիգորյանը։ Ի դեպ՝ եթե ուրբաթ չհասցնեք գնալ Էնոտեկա, ապա նկատի ունեցեք, որ շաբաթ օրը տրիոն նույն կազմով կնվագի Process-ում։

 

21:00 | Paparazzi club

Ուրբաթ-շաբաթ-կիրակի

Paparazzi-ն չի դավաճանում իր ավանդույթներին՝ պլանավորելով ողջ ուիքենդի ժամանցը՝

Ուրբաթ – Mike J, DJ Drive, DJ Beatman

Շաբաթ – CP Session with Vako T (22։00-ից)

Կիրակի – DJ Shant

 

21:00 | Downtown club

Ուրբաթ-շաբաթ-կիրակի

Ինչպես հասկացաք՝ Downtown-ը հետ չի մնում՝

Ուրբաթ – Alen Hertz, Sam Radeo

Շաբաթ – DJ Güevo

Կիրակի – Latino night Աննա Շախկյանի հետ

21:00 | Sector Dacha

Ուրբաթ-շաբաթ-կիրակի

Ուիքենդային «տրիոների» մրցակցությունը թեժանում է՝

Ուրբաթ – Nalbandyan Brothers

Շաբաթ – JoJo & Twin

Կիրակի – Kitchen Recordings

22:00 | Process

#jazzyfriday

Process-ում ավանդաբար ջազվելու ենք Լյուսիի հետ՝ հավես մյուզիք, հավես մարդիկ, հավես ուրբաթ։

ՈՒԻՔԵՆԴ

20:00 | Florence restaurant

Absolut White 2016

Դե ի՞նչ, կարծում էիք՝ ուիքենդի համար ուրիշ բան չմնա՞ց պատմելու։ Չկա տենց բան։ Ամսվա փարթին հենց այս շաբաթ օրն է լինելու, ասեմ ավելին՝ տարվա ամենամեծ իվենթներից մեկը՝ ավանդական White Party-ն։ Ու թող ձեզ չվանի փարթիի վայրն ու դրա հետ կապված ձեր մուղամաշատ ասոցիացիաները։ Նախորդ տարիների White Party-ների ֆոտոներն էլ խորհուրդ չեմ տա նայել, որովհետև դրանցում «անմահացածները» հեչ կապ չունեն այս տարվա փարթիի հետ։ Absolut White 2016-ի հյուրերի «զտման» աշխատանքներով զբաղվել են Jameson Block Party-ի հեղինակները։ Չհամոզեցի՞, դե կարող եմ «մխիթարել», որ եթե դեռ հրավիրատոմս չունեք՝ ձեզ ներս չեն թողնի, նույնիսկ եթե ոտքից գլուխ սպիտակ հագնեք ու շատ լայն ժպտաք։ Իսկ ովքեր արդեն անհամբեր սպասում են «սպիտակ տժիկին», ուղղակի հիշեցնեմ, որ երաժշտության մասով մեր երեկոն ապահովելու են Արտեմ Վալտերը (Արցախ), DJ HEY!LEN (Ուկրաինա), DJ Güevo (Հայաստան), DJ Shant (Հայաստան) և MC Badsmile Zuxa (Վրաստան)։ Նայեք՝ չկեղտոտվեք, իսկ աղջիկներին ասեմ, որ սա այն դեպքն է, երբ կարելի է բարձրակրունկներով թիթիզանալ, բայց նենց, որ կարողանաք քայլեք էլի, մերսի։

 

 

#բարիուրբաթ

2866

(*). նշվածները պարտադիր են լրացման

 

Տվյալներ չկան
^ Վեր