Փարպեցու «Աչաջուրը»

Փարպեցու «Աչաջուրը»

Երևանի կանաչ սրտում՝ Սիրահարների այգու «Աչաջուր» սրճարանին ծանոթ են շատերը։ Այս սրճարանն մագնիս նման իրեն է ձգում մշակույթով լի, ջերմ ու մտերմիկ մթնոլորտ փնտրողներին։ Եվ բոլոր նրանք, ովքեր չեն կարողանում դիմադրել այդ «ձգողականության ուժին», որպես պարգևատրում ստանում են թարմ ու բնական սնունդ:



Սրճարանն իդեալական վայր է ժամանցը կազմակերպելու, բնության գրկում զովացուցիչ ինչ-որ բան խմելու, հանդիպումներ կազմակերպելու համար։ Ու, երբ ամառային տապ օրերին, զով ու մաքուր այգու կանաչ շվաքի ներքո, ըմպում ես քրտնած բաժակի պարունակությունը, կյանքն իսկապես գունագեղ ու հրաշալի է թվում։

Սրճարանի միակ թերությունն այն է, որ ձմռանն ու սառը եղանակին, այն կորցնում է իր ջերմիկ մթնոլորտն ու հարմարավետությունը։ Դե դա էլ պարզ պատճառով՝ «Աչաջուրը» բացօթյա սրճարան է։



Սակայն «աչաջուրասերներն» արդեն իսկ գիտեն ձմեռելու ճշգրիտ հասցեն՝ Փարպեցու 22։ Հենց այստեղ է գտնվում նույնանուն սրճարանի փակ մասնաճյուղը։ Կանոններն ու մթնոլորտն այստեղ նույնն են՝ ինքնասպասարկում, մտերմիկ ու հաճելի միջավայր։ Սննդացանկը նույնպես չի տարբերվում բացօթյա «Աչաջուրից»։



Միշտ բարեհամբույր ու ժպտացող անձնակազմը, իրենց համակարգիչներում խորասուզված ծրագրավորող հաճախորդները, ովքեր լանչի ժամին անգամ չեն կտրվում աշխատանքից, կամ պարզապես ուսանողներն՝ իրենց «կոնսպեկտներով», մի տեսակ անկրկնելի ու բարի մթնոլորտ են ստեղծում։



Ու այս «բարյացակամ կլիմայական դաշտն» ինքնին հիանալի վայր է դառնում ընտանեկան հավաքույթների, ճաշկերույթների կամ պարզապես լավ ժամանցի համար։

1701

(*). նշվածները պարտադիր են լրացման

 

Sipan Սեպտեմբեր 01, 2016

Shat hamex karamelayin surj unen,shat shat hamov e,
Slavik Օգոստոս 30, 2016

Ayo...shat shay lavn er hodvac@.
Alina Օգոստոս 25, 2016

Amenasiracs vayreriv mekn e.
^ Վեր