Երբ երեկոյան աշխատանքից հետո ցանկանում եք մեկ բաժակ գարեջուր խմել, վայելել հանգիստն ու զրուցել մեկի հետ, ով կլսի և կբարձրացնի Ձեր տրամադրությունը, ապա շտապեք Papper Burger Bar, քանի որ բարմեն Հայկ Բաղյանը հենց նա է, ով Ձեզ պետք է:
Երիտասարդ ու ժպտերես բարմենը երբեք չի զլանում լսել նրանց, ովքեր ցանկանում են կիսվել իրենց խնդիրներով: Յուրաքանչյուր հաճախորդին սպասարկում է յուրովի, իսկ աշխատանքից հետո առաջինը երազում է իր բարձի մասին:
Հայկ, նմանություններ տեսնու՞մ եք բարմենի և հոգեբանի մասնագիտության մեջ: Հետաքրքի՞ր գործ է:
Իհարկե, նմանություն կա, քանի որ շատ հետաքրքիր և տարբեր մարդկանց հետ ենք շփվում, լսում նրանց: Իմ կարծիքով բարմենի աշխատանքը շատ հետաքրքիր գործ է:
Ծիծաղելի դեպքեր, պատմություններ շատ եք լսում: Եղե՞լ է դեպք, երբ դաժան պատմություն լսելուց հետո հոգեբանի մոտ այցելելու ցանկություն ունենաք:
Հոգեբանի մոտ գնալու կարիք չի եղել, բայց շատ զվարճալի պատմություններ են եղել: Այնքան զվարճալի, որ չես ցանկանում ծիծաղել, բայց ծիծաղդ զսպելն էլ հնարավոր չէ: Մի դեպք պատմեմ, երբ հաճախորդներից մեկը պատմում էր, թե ինչպես է դավաճանել իր կնոջը կողքին նստած աղջկա հետ, այդ պահին ներս է մտնում նրա կինը: Շատ երկար և ծիծաղելի պատմություն էր, որն ավարտվեց մարմնական վնասվածքներով:
Բացի մարդկանց լսելուց, ժամանակ մնու՞մ է նոր, առանձնահատուկ կոկտեյլներ ստեղծելու համար:
Այո, իհարկե: Ունեմ իմ հատուկ կոկտեյլները: 2 շատ հատուկ կոկտեյլի բաղադրատոմս եմ գրել, որը չկա մենյուում և ես այն առաջարկում եմ միայն յուրահատուկ հաճախորդներին:
.jpg)
