Ոչ Մելանոմային արշավն իրականացավ

Ոչ Մելանոմային արշավն իրականացավ

Global Shapers Yerevan Hub-ը մայիսի 11-ին անցկացրեց բարեգործական միջոցառում, «Ոչ մելանոմային» իրազեկության արշավի շրջանականերում: Reservin Armenia-ն միացավ նախաձեռնությանը հանդես գալով, որպես տեղեկատվական աջակից: Մելանոման մաշկի քաղցկեղի ամենավտանգավոր տեսակն է և ունի մահացության ամենաբարձր ցուցանիշը մաշկի քաղցկեղի այլ տեսակների շրջանում։ 

Միջոցառման անցկացման օրը պատահական չէր, քանի որ հենց մայիսի 11-ին մելանոմայից մահացել է ռեգիի վարպետ Բոբ Մարլին: Paparazzi Club-ում տեղի ունեցող միջոցառման ընթացքում հյուրերը վայելում էին DJ Guevo-ի երաժշտական ռիթմերը և հաճելի ժամանակ անցկացնելու հետ մեկտեղ, նվիրաբերում գումար՝ հատուկ առանձնացված «Բարի արկղ»-ում:



Միջոցառման ընթացքում հավաքված ողջ հասույթը փոխանցվելու է քաղցկեղով հիվանդ երեխաների բուժմանը ՝ Fund 100 կազմակերպության օգնությամբ: Fund 100 -ի ներկայացուցիչ Տիգրան Բալոյանը հայտնեց, որ նրանք ապավինում են մեկ մարդ՝ 100 դրամ գաղափարին: Այսպիսով, եթե 5000 մարդ նվիրաբերի 100 դրամ, ապա կհավաքվի ահռելի գումար, որը կփրկի քաղցկեղով հիվանդ երեխաների կյանքը: Բարգործական միջոցառման ավարտին բոլորը հեռանում էին ուրախ տրամադրությամբ, իրենց հետ տանելով ժամանակակից ակումբային ռիթմերն ու փոքրիկ բարության զգացում: Նրանցից յուրաքանչյուրի նվիրաբերած գումարը ուղղվելու է փոքրիկ երեխաների բուժման կարևոր գործին:

Նույն օրը՝ մայիսի 11-ին, նախագծի շրջանակներում տեղեկատվական հանդիպում և բաց քննարկում անցկացվեց նաև Հայաստանի Ամերիկյան Համալսարանում՝ՀԱՀ մագիստրոսների ուսանողական խորհրդի հետ համատեղ։


 

 


 

2257

(*). նշվածները պարտադիր են լրացման

 

Տվյալներ չկան
^ Վեր