23 ակումբում ընթանում են նախապատրաստական աշխատանքներ։ Հունվարի 28-ից փետրվարի 23-ը տևած գրքերի հավաքագրման ակցիան մոտենում է իր ավարտին։ Հայոց բանակի տոնի առթիվ Reservin առցանց ամրագրման համակարգը կազմակերպել էր գրքերի հավաքագրման ակցիա։ Զորամասերի գրադարանները համալրելու գործում մեզ պետք եկավ յուրաքանչյուրիդ օգնությունը։ Նախաձեռնությանը միացան տասնյակ ընկերություններ ու հարյուրավոր անհատներ։ Բոլորիս ցանկությունը մեկն էր՝ աջակցել զորամասերի գրադարանները նոր ու ժամանակակից գրականաությամբ համալրելու գործին։ Իսկ փետրվարի 23-ին 23 ակումբում տեղի կունենա ակցիայի ավարտական փարթին։ Այն կտևի մինչև ուշ գիշեր։ Reservin համակարգը հավակնում է այսօր ևս ստանալ գրքեր, որոնք կգումարվեն արդեն իսկ ձեռք բերված մոտ 3000 գրքերին։
Դեռ ուշ չէ միանալ, միայն թե հիշեք՝ մուտքը՝ գրքով։
