«Նվիրիր գիրք զինվորին» ակցիայի ավարտը

Ամսին 23-ին «23 ակումբը» գրքառատ էր։Հավաքվել էին նշելու Reservin սերվիսի կազմակերպած ու մոտ մեկ ամիս տևած «Նվիրիր գիրք զինվորին» նախաձեռնության ավարտը։ Այս ժամանակահատվածում մեր գործընկերների շարքերն անդադար համալրվում էին։ Պարզվեց՝ շատերն էին ցանկանում բանակի գրադարաններին գրքեր նվիրել։ Թե տարբեր կազմակերպություններ, թե անհատներ միացան այս նախաձեռնությանն ու օգնեցին՝ ինչով կարող էին։ Իսկ փետրվարի 23-ին «23 ակումբում» տեղի ունեցավ «Նվիրիր գիրք զինվորին» ակցիայի ավարտական՝ վերջին փուլը։ Բանակային թեմաներով զարդարված ու զինվորական պարագաներով հագեցած ինտերյերում Reservin առցանց ամրագրման համակարգն ու իր գործընկերներն ու պարզապես հյուրերը նշեցին այս կարևոր ակցիայի բարեհաջող ավարտը։ «Մուտքը՝ գրքով» կարգախոսով միջոցառումն օգնեց հավաքել գրքերի հերթական ահռելի պաշարը։ Հատկանշական է, որ գրքերի հոսքը չէր դադարում մինչև ուշ գիշեր։ Techno Twins-ն ապահովեց միջոցառման տրամադրությունը։ Մնացյալ դետալների ու, առավել ևս, էմոցիաների մասին ավելի լավ կպատմեն լուսանկարները։