Երեկ՝ հոկտեմբերի 6-ին, երևանյան ժամանցի վայրերի շարքում հայտնվեց ևս մեկ ինքնատիպ և համեղ թեմատիկ ուղղվածություն ունեցող վայր՝ «Bulldog» հնչեղ անվանմամբ գաստրոփաբը:
Բացման ժամանակ հյուրերին առաջարկում էին համտեսել հատուկ այդ օրվա համար պատրաստված շաաատ շատ երկար Hotdog-ը, անսահմանափակ տեղական լցնովի գարեջուր և «Bulldog»-ի լոգոներով յուրահատուկ տորթն ու cupcake-երը:
Հյուրասիրությունը ուներ խորհրդանշական իմաստ և մատնացույց էր անում «Bulldog»-ի ամենամեծ առանձնահատկությունը, այն է՝ այստեղ մատուցում են թարմ, տեղական մսից և տնական պայմաններում սեփական բաղադրատոմսով պատրաստված նրբերշիկներ: Գաստրոփաբը առաջարկում է 7 տեսակի նրբերշիկներ, որոնցից գուրմանները արդեն առանձնացնում են հատկապես բարբարիսով, սամիթով, պանրով, չիլի պղպեղով նրբերշիկները: Այստեղ կարող եք պատվիրել նաև տեղական լցնովի գարեջուր և վայելել ժամանցը որակյալ երաժշտության ներքո: Բացման երեկոյի երաժշտությունը ապահովում էր Karo Pillz—ը: Հետագայում ևս նախատեսվում են տարատեսակ երեկո-միջոցառումներ բոլորիս կողմից արդեն սիրված, հանրաճանաչ երաժիշտների մասնակցությամբ:
«Bulldog»-ը հանդիսանում է ‹‹Malocco›› ընտանիքի 3-րդ ճյուղը: Այն նախատեսված է բոլոր տարիքային խմբերի համար և բացում է իր հյուրընկալ դռները առավոտյան ժամը 11-ից մինչև շատ ուշ երեկո: Այստեղ հաշվի են առել բոլոր դետալները Ձեր ժամանցը համեղ, հաճելի ու մատչելի կազմակերպելու համար:
«Bulldog»-ում օրվա տարբեր ժամերին կարելի է ունկնդրել տարբեր երաժշտություն. ցերեկային ժամերին հնչում է հայկական ջազ, իսկ երեկոյան կարող եք վայելել Funk, Classic old scholl Hip-Hop ոճի երաժշտություն՝ համտեսելով համեղ, որակյալ ուտեստներ և գարեջուր: Բացի նրբերշիկներից այստեղ կարող եք պատվիրել նաև ‹‹Malocco›› -ի հայտնի «Caesar» աղցանը և մի շարք այլ հետաքրքիր ու յուրահատուկ աղցաններ՝ ի դեմս ծովատարեխով և կարտոֆիլով աղցանի, իսկ մարինացված լեզուն անտարբեր չի թողնի նույնիսկ ամենաքմահաճ հաճախորդին:
Լավ լուր չծխողների համար. լանչի ժամերին փաբի մի հատվածը կհատկացվի չծխողներին, իսկ գեղեցիկ և տրամադրող դիզայնը կապահովի Ձեր մտերմիկ ու անկաշկանդ մթնոլորտը ուրախ միջոցառումներ կազմակերպելու համար:
Անկասկած այս վայրը դառնալու է մեր քաղաքի ամենասիրված վայրերից մեկը, որը կգրավի ինչպես գուրմաններին, այնպես էլ որակյալ երաժշտություն ու անկաշկանդ միջավայր սիրողներին: Հաճելի ժամանց՝ նոր վայրում:
.jpg)
