«Café Berlin» -ի 10-ը ակնհայտ առավելությունները:

«Café Berlin» -ի 10-ը ակնհայտ առավելությունները:

Հեղինակ՝ Նունե Այլանջյան


Բաղրամյան 2-ում՝ Կասկադի հարևանությամբ, բացվեց, թերևս ամենայուրօրինակ ու ճաշակով սրճարանը, որն իր շուրջն էր համախմբել բազմաթիվ փոքրիկների ու նրանց ծնողներին: Պաստելային այս դրախտում ամեն ինչ մանրակրկիտ մտածված է, որ երեխաներն ու ծնողներն իրենց լավ զգան: Հարմարավետ բազմոցներ ու աթոռներ, ընդարձակ խաղասրահ, մեծ գրատախտակ, համեղ ճաշացանկ:

Այս սրճարանը միանգամից տարբերվում է իր շքամուտքով, շրջակայքում  հեքիաթային տնակներով կառուցված ցանկապատ գոյություն չունի: Իջնելով «underground»՝ հյուրերը չէին էլ պատկերացնում, որ իրենց առաջ կարող է բացվել նման լուսավոր տեսարան: «Café Berlin» -նն ունի բոլոր հնարավորությունները դառնալու բազմաթիվ ծնողների ու երեխաների սիրելի վայրը: Ահա այն ակնհայտ առավելությունները, որոնց կարելի է նկատել անզեն աչքով:



Լուսավորություն: Այստեղ ամեն ինչ լուսավոր է, մաքուր և հարմարավետ: Վինտաժային լուսարձակներն ու լամպերը ստեղծում են այնպիսի տվարություն կարծես ամբողջ տարածքն անցկացրել են Instagram-ի ֆիլտրերի միջով:  Կարող եք ամբողջ օրն անցկացնել «Berlin»-ում ու չզգալ, թե ինչպե՞ս մթնեց, որովհետև ներսում միշտ արև է:



Smart դիզայն: Ամեն մի դետալն այստեղ մշակված է ու այնպես մտածված, որ ներս մտնող փոքրիկներն ու մեծերն իրենց ոչ միայն լավ զգան, այլև՝ ինչ-որ բան սովորեն: Պատերն ունեն պատմություն ու դեմք: Կարելի է անընդմեջ շրջել սրահներով՝ չհագենալով գույներից ու handmade դեկորից:



Մաքրություն: Սա սովորական սրճարան չէ, այստեղ հյուրերը հիմնականում լինելու են փոքրիկները, հետևաբար ամեն ինչ պետք է լինի մաքուր ու հիգիենիկ, չէ՞ որ երեխաները սիրում են ամեն ինչի դիպչել: Այս առումով կարող եք հանգիստ շունչ քաշել, սրահն ու խաղահրապարակը փայլում են իրենց մաքրությամբ:



Motherhood:  Երևանում շատ քիչ են այնպիսի սրճարանները, որոնք նախատեսված են մայրիկների ու փոքրիկների համար: Շատ հաճախ մայրիկները ստիպված են իրենց երեխաներին թողնել որևէ մանկական կենտրոնում և ընկերուհիներով գնալ մոտակա սրճարան՝ երկու բառ միմյանց հետ փոխանակելու համար: «Berlin»-ում այս ամենը կարող եք համատեղել: Մինչ ձեր երեխաները կխաղան ընդարձակ խաղասրահում, դուք կարող եք վայելել «Berlin» սուրճն ու զրուցել ընկերուհիների հետ:



Ապագա մայրերի համար: Սա հրաշալի միջավայր է նաև բոլոր այն աղջիկների ու կանանց համար, ովքեր դեռ երեխա չունեն: Եկեք այստեղ ձեր ընկերոջ կամ ամուսնու հետո: Այստեղից դուրս գալուց հետո  դուք ավելի լուրջ կսկսեք մտածել երեխա ունենալու մասին: Այլ կերպ չի կարող լինել:



Հսկողություն: Կան ծնողներ, որոնց համար շատ դժվար է բաժանվել իրենց փոքրիկներից, նրանք պատրաստ են երեխային գրկած հաց ուտել կամ սուրճ ըմպել՝ միայն թե փոքրիկը լինի իրենց վերահսկողության տակ: Այս վայրում այդ հարցը նույնպես լուծված է: Դուք կարող եք ձեր երեխային հանգիստ թողնել խաղասրահում ու նրան հետևել մեծ մոնիտորի միջոցով, որտեղ երևում են խաղացող փոքրիկները:



Խաղասրահ: Եթե դուք տեսնեք «Berlin»-ի խաղասրահը, ապա կնախանձեք, որովհետև մեզանից շատ քչերն են մանուկ ժամանակ նման խաղասրահ ունեցել: Պատից պատ ձգվող մեծ գրատախտակ, լեգոյի մի ամբողջ թագավորություն, խոհարարական սեղան, որի վրա երեխաներն իրենց իսկ ձեռքերով կարող են պատրաստել թխվածքաբլիթներ, տարածք պլաստիլինով խաղալու համար: Էլ ինչ է պետք փոքրիկներին երջանիկ լինելու համար:



Բարեհամբույր անձնակազմ: Այստեղ ներս մտնելուն պես՝ ձեզ ժպտում են, իսկ ձեր փոքրիկներին պարուրում անսահման հոգատարությամբ: Մինչ դուք ընկերուհիներով կզրուցեք, ձեր երեխաներին կզբաղեցնեն խաղասրահի  ուշադիր աշխատակիցները:



Party տեղ: Եթե դուք հոգնել եք զանազան մուլտհերոսներից ու երեխաներին վախեցնող ծաղրածուներից, ապա այս սրճարանը լավագույն վայրն է ձեր փոքրիկի տարեդարձը նշելու համար: Հեքիաթային միջավայրը միմիայն կնպաստի ձեր երեխայի տոնն անմոռաց դարձնելուն:



Հարմարեցված մենյու: Այստեղ սոված չեք մնա: Սրճարանում մատուցվում է պիցցաների համեղ տեսականի, զանազան աղցաններ, նույնիսկ կաթ, եթե ձեր փոքրիկը դրա կարիքն ունի: 

2080

(*). նշվածները պարտադիր են լրացման

 

Տվյալներ չկան
^ Վեր