Նորաբաց Berlin-ի ժպտերեսները

Նորաբաց Berlin-ի ժպտերեսները

Օրը չորեքշաբթի է և ինչպես միշտ, այս անգամ էլ անդրադառնում ենք սպասարկման ոլորտում աշխատող մարդկանց: Նրանց, ովքեր ժպտում են մեզ, կատարում են մեր քմահաճույքներն ու ապահովում հանգիստը: Reservin Armenia-ն այս անգամ այցելեց իր գործընկեր՝ նորաբաց Cafe Berlin: Ճիշտ է սրճարանը նորաբաց է, բայց աշխատողները փորձառու են: Մենեջեր Գուրգեն Գրիգորյանը մեզ հետ զրույցում պատմեց իր գործի, երեխաների հետ շփման առանձնահատկությունների մասին:

- Արդեն 9 տարի է աշխատում եմ սպասարկման ոլորտում: Սկսել եմ մատուցողից: Այն ժամանակ, երբ ուսանող էի, սա պարզապես մի գործ էր, որը ստիպված էի անել գումար վաստակելու համար, իսկ հետո հասկացա, որ շատ եմ սիրում: Բայց մատուցողի գործից առավել սկսեցի սիրել բարմենի աշխատանքը: Մեկ տարի սովորեցի, որից հետո սկսեցի աշխատել որպես բարմեն: Սպասարկման ոլորտի աշխատանքը թույլ է տալիս շփվել տարբեր մասնագիտությունների ու բնավարությունների տեր մարդկանց հետ, բացահայտել նրանց: Այդ առումով ինձ համար ավելի հոգեհարազատ է բարմենի աշխատանքը:



Ի՞նչ եք սովորել աշխատանքի ընթացքում: Ի՞նչ է Ձեզ տվել այդ մարդկանց հետ ծանոթությունը:

Երբ աշխատում ես այնպիսի վայրում, որտեղի այցելուները հայ չեն, նրանց հետ շփման ընթացքում հասցնում ես սովորել օտար լեզուներ: Հաճելի է, երբ նրանց բարևում ես սեփական լեզվով և հենց դրա շնորհիվ էլ սովորում էի տարբեր լեզուներ: Ժամանակին աշխատում էի հնդիկների հետ և այժմ կարողանում եմ հնդկերեն խոսել: Սովորել եմ նաև իսպաներեն, ֆրանսերեն ու այլ լեզուներ:

Իսկ ի՞նչ մասնագիտությամբ եք սովորել համալսարանում: Այն կա ունի՞ սպասարկման ոլորտի հետ:

Սովորել եմ սննդի անվտանգություն: Իմ մասնագիտությամբ երբևէ չեմ աշխատել: Բայց  սննդի կետերում աշխատելիս, իհարկե մասնագիտությունս պետք է գալիս: Հատկապես, երբ մեզ այցելում են ստուգող վարչություններից: Այդ դեպքում միշտ ես եմ նրանց հետ զրուցում: Բացի այդ, յուրաքանչյուր աշխատակից, պետք է պահի սեփական հիգիենայի կանոնները: Անձնական հիգիենան էլ արդեն ապահովում  է սննդի անվտանգությունը: 



Այդ անվտանգությունը հատկապես կարևոր է, երբ այցելուները երեխաներ են լինում: Երեխաների հետ աշխատելու փորձ ունե՞ք:

Երեխաների հետ աշխատելու փորձ չունեմ, բայց պահելու փորձ ունեմ: Քանի որ ես ինքս ունեմ փոքրիկ երեխա, իհարկե, որպես հայր ուշադրություն դարձնում եմ երեխայիս սննդին և անվտանգությանը: Իսկ երեխա ունենալու փաստը ստիպում է ավելի մեծ պատասխանատվությամբ մոտենալ գործին: Երեխաների հետ դու պետք  է լինես ինչպես երեխա, բայց չմոռանաս, որ պետք է նաև հսկել նրանց՝ որպես մեծ: 

1666

(*). նշվածները պարտադիր են լրացման

 

Տվյալներ չկան
^ Վեր