Կապուչինոյի օր - Ամրագրում, կարծիք, մենյու, գներ, նկարներ, լուսաբանում, միջոցառում

Շատ նուրբ ու համեղ, քաղցր և անուշահոտ: Գուշակեցի՞ք, թե ինչի մասին է խոսքը. դե իհարկե՝ կապուչինոյի:

Իսկ դուք գիտեիք, որ այսօր Հայաստանում վերջին տարիներին շատ սիրված և բոլորիս ծանոթ #կապուչինո ըմպելիքի օրն է: Իսկական կապուչինոն ունի տեխնոլոգիական գաղտնիքներ, որոնցից մեկն այն է, որ նրա բաղադրության 1/3 կաթ է: Փրփուրը, որը հանդիսանում է Կապուչինոյի համի և տեսքի կարևորագույն բաղադրիչներից մեկը, հնարավոր է ստանալ միայն +70°C դեպքում: Իսկական կապուչինո ըմպելու բաժակը պետք է լինի 150 մլ տարողությամբ:

"Կապուչինո'' անվան առեղծվածային պատմությունը:

Լեգենդը պնդում է, որ սուրճը ստացել է իր անվանումը իտալական հատուկ կաթոլիկ ''Capuchin'' բառացի գլխարկներով վանականներից (այսինքն սուրճ կապիշոնով` գլխարկով), որոնք էլ բացահայտել են սուրճի պատրաստման գաղտնիքը 16-րդ դարում:

Այդ ժամանակաշրջանում սուրճի օգտագործումն Իտալիայում պետականորեն արգելվում էր: Սակայն գիշերային աղոթքների ժամանակ սուրճն էր, որ օգնության էր հասնում վանականներին թարմ և արթուն մնալու համար, և կտրականապես հրաժարվել նրա օգտագործումից շատ դժվար էր:

Ուստի նրանք սկսեցին փնտրել սուրճի օգտագործման նոր մեթոդ, որը կապիշոնով` կաթնային փրփուրով, քողարկված սուրճն էր: Սուրճի օգտագործման բացահայտման դեպքում յուրաքանչյուր վանական կրում էր իր պատիժը Հռոմի Պապի կողմից: Եվ հենց այդպիսի բացահայտումներից մեկի ժամանակ վանականներն առաջարկեցին Հռոմի Պապին փորձել այս հրաշալի ըմպելիքը, որի համն այնքան դուր եկավ Հռոմի Պապին, որ նա և այլ հոգևորականներ սիրեցին այս սուրճը և անգամ թույլ տվեցին նրա ազատ օգտագործումը այլ մարդկանց և վանականներին: Իսկ որպես ''արգելված սուրճի'' օգտագործման արդարացման պատրվակ նրանք անվանեցին կապուչինոյի փրփրային կաթնային մասը ‘’աստվածային կայծ’’:

Այսօր Կապուչինոն հասանելի է աշխարհի գրեթե բոլոր ռեստորաններում, և ձևավորվել է Կապուչինոյի մատուցման մի ամբողջ արվեստ: Կան կապուչինոյի տարատեսակ համեր, անգամ հատուկ տեսակներ, որոնք նախատեսված են դիետիկ օգտագործման և նիհարելու համար, ինչպես նաև համալրված են միներալներով, ջրիմուռներով և այլն:

Հայաստանում վերջերս Կապոչինոն դարձել է բավականին մեծ թվով մարդկանց առօրյայի անբաժանելի մի մասնիկը: Reservin.am –ը հարցում է կատարել իր սպառողների շրջանակում, որի արդյունքում պարզել է, թե որոնք են Հայաստանում Կապուչինո ըմպելու ամենասիրելի վայրերը այս ըմպելիքի սիրահարների համար.

The Green Been, SegaFredo, Jazzve, The Italian, Malocco Cafe, Shokoladnica Cafe.

Կապուչինոի ամենակարևոր հատկանիշներից են.

Այն պահպանում է ատամների սպիտակությունը` թույլ չտալով սուրճի գունային պիգմենտին նստվածք թողնել:

Կաթնային փրփուրը շատ լավ մարսվում է օրգանիզմի կողմից` ապահովելով անհրաժեշտ սպիտակուցների յուրացումը մարդու կողմից:

Ինչն էլ հանդիսանում է այն պատճառներից մեկը, որ Կապուչինոն ապահովում է Ձեզ էներգիայով մի ամբողջ օրվա համար և բարձրացնում Ձեր աշխատունակությունը:

Մոռացեք առօրյայի մասին և հանգիստ վայելեք Ձեր սիրելի կապուչինոյի ամեն մի կաթիլը:

Մեր մյուս հետաքրքիր հոդվածները կարդալու համար սեղմեք այստեղ: