Dee Dee Bridgewater-ը ելույթ կունենա Երևանում

Dee Dee Bridgewater-ը ելույթ կունենա Երևանում

Dee Dee Bridgewater-ը համարվում է ժամանակակից ջազային mainstream-ի լավագույններից մեկը, ով  բեմում հայտվելու հենց առաջին րոպեից նվաճում է նույնիսկ ամենախստապահանջ  հանդիսատեսին և քննադատներին: Նրա հայտնի երգերից շատերը նվիրված են կյանքին, ազատությանը և, իհարկե, սիրուն, հատկապես հայտնի են նրա՝ «Afro Blue», «He’s Gone» և «Just Family» երգերը:

Dee Dee Bridgwater-ը թողարկել է բազմաթիվ զուգերգեր, սակայն առավել մեծ հաջողություն են ունեցել Ray Charles-ի հետ կատարած «Precious Thing» և Billie Holiday-ի հետ՝ «Lady Day» զուգերգերը: Նրա «Dee Dee’s Feathers» ալբոմը արժանացել է հայտնի Grammy մրցանակի:

Նրա իրական անունն է Dennis Garrett, ծնվել է 1950 թ-ին ԱՄՆ-ում: Չնայած այն հանգամանքին, որ իր կարիերան սկսել է իր հայրենիքում, այնուամենայնիվ նրա տաղանդը առավել գնահատվել ու բացահայտվել է Ֆրանսիայում, որտեղ նա ապրում է ավելի քան 30 տարի: Ֆրանսիա տեղափոխվելուց ընդամենը մի քանի տարի անց, նա մասնակցել է եվրոպական բոլոր ջազային փառատոներին, ստեղծել է հեռուստատեսային շոու Շառլ Ազնավուրի հետ, հավաքել իր անսամբլը, որը միշտ ուղեկցվում է նրան հյուրախաղերի ժամանակ: Նա այն քչերից մեկն է, որ լինելով ծագումով ԱՄՆ-ից, հյուրախաղերով շրջագայել է Սովետական Միությունում:  

Երգչուհին համարվում է երաժշտության, կերպարվեստի և մարդասիրական ոլորտի ազդեցիկ գործիչ: Շնորհիվ իր սոցիալական ակտիվության նա դարձել է առաջին ամերիկուհին, ով ընտրվել է ֆրանսիական մշակույթի պահպանման եւ զարգացման պետական մարմնի՝ Ֆրանկոֆոնիայի Բարձրագույն Խորհրդի անդամ: Dee Dee-ն նաև ակտիվ է քաղաքական դաշտում, նա հանդիսանում է ՄԱԿ-ի Պարենի և գյուղատնտեսության կազմակերպության դեսպան: Հանդիսանալով ոգեշնչման աղբյուր՝ Dee Dee Bridgwater-ը մեծ ազդեցություն ունի ինչպես իր միլիոնավոր երկրպագուների, այնպես էլ ջազի աշխարհում ստեղծագործողների համար:

Dee Dee Bridgewater-ը նաև երեք երեխաների մայր է: Նրա ավագ դուստրը՝ Tulani Bridgewater-ը,  հանդիսանում է DDB Productions-ի եւ DDB Records ապրանքանիշի մենեջերը: Մյուս դուստրը՝ China Moses-ը հայտնի երգչուհի է եւ ֆրանսիական MTV-ի VJ:  Նրա ալբոմները նրան բերել են միջազգային ճանաչում որպես Bridgewater-ի տաղանդի հաջորդողի և նա հաճախ ելույթ է ունենում իր մոր հետ նույն բեմի վրա:

Mezzo Production-ի և Հայկական Ջազի Ասոցիացիայի կողմից կազմակերպվող Yerevan Jazz Fest 2016-ի սահմաններում երգչուհին ելույթ է ունենալու Կ. Դեմիրճյանի անվան համալիրում, հոկտեմբերի 13-ին, ժամը 19.00-ին: Բաց մի թողեք ջազի ամենավառ ներկայացուցչին ընկնդրելու բացառիկ հնարավորությունը: Մանրամասն տեղեկությունների համար այցելեք Աֆիշ: Տոմսերի ամրագրման համար զանգահարեք Mezzo Production կամ Reservin Armenia—ի 060 273 000 շուրջօրյա հեռախոսահամարին:

Մեր մյուս հետաքրքիր հոդվածները կարդալու համար սեղմեք այստեղ:
 

1248

(*). նշվածները պարտադիր են լրացման

 

Տվյալներ չկան
^ Վեր