Բլյուզի լեգենդը` Երևանում

Բլյուզի լեգենդը` Երևանում

Գաղտնիք չէ, որ երևանյան հանդիսատեսն աչքի է ընկնում ջազ, բլյուզ, սոուլ ոճերի հանդեպ ակնհայտ թուլությամբ։ Սևամորթների գենետիկ ուղղություն համարվող այս երաժշտական ոճերը, չգիտես ինչպես, հոգեհարազատ են դարձել ոչ միայն հայ հանդիսատեսին, այլև ներգրավվել են հայ երաժիշտների ստեղծագործություններում։ Այդ իսկ պատճառով պատահական չէ, որ ամեն անգամ, երբ Երևանում համերգ է տալիս վերոնշյալ ոճը ներկայացնող արտիստ, համերգասերների շրջանում իսկական իրարանցում է սկսվում։



Մարտի 12-ին KAMI Club-ում հանդես կգա բլյուզի կենդանի լեգենդ Դեիտրա Ֆառռը։

1970-ականներից իր կարիերան սկսած այս երգչուհին տարիներ շարունակ գրավում է բլյուզի լսարանի սրտերը։ Ֆառռի անկրկնելի վոկալն անվանում են կրակոտ և հոգին տակնուվրա անող։

18 տարեկանում իր Won’t Support Me սինգլով Դեիտրան հայտնվեց Cashbox Top 100 R&B ցանկում։ Իր երաժշտական գործունեության ընթացքում երգչուհին հասցրել է գրավել բլյուզի ասպարեզում գրեթե բոլոր հռչակավոր մրցանակները՝  W.C. Handy Awards, Living Blues Critics Awards, British Blues Connection Awards, Les Trophees France Blues awards։



Դեիտրա Ֆառռն իր տաղանդով աչքի է ընկնում ոչ միայն երաժշտական ասպարեզում։ Նա նաև նկարչուհի է, պոետ և լրագրող։ Արտիստը մշտական սյունակագիր է այնպիսի հեղինակավոր ամսագրերում, ինչպիսիք են՝  Chicago Daily Defender, The Chicago Blues Annual, Italian blues magazine il Blues, Living Blues Magazine.

Ու հիմա այս լեգենդար երգչուհին Հայաստանում է։ Մարտի 12-ին նա հանդես կգա Kami ակումբում։


.

1730

(*). նշվածները պարտադիր են լրացման

 

Տվյալներ չկան
^ Վեր