Downtown-ը բացվեց

Downtown-ը բացվեց

Downtown տերմինը հիմնականում օգտագործում են Հյուսիսային Ամերիկայում՝ նկատի ունենալով քաղաքի կենտրոնը։ Downtown club-ը ուրբաթ 13-ին բացվեց Երևանի ճիշտ կենտրոնում՝ Սայաթ-Նովա 2/9 հասցեում։ Տարածքն արդեն մի քանի անուններ, տերեր, բարմեններ ու դիջեյներ է տեսել, և այս անգամ կարծես թե մեծ հավակնություններ ունի դառնալու քաղաքի կենտրոնական վայրը: Սա կարելի է ասել դատելով երկօրյա բացման line up-ից՝ Supacooks, Արամ Չախոյան, Serjo, Play, Karo Pillz, Guevo, Teo, Hayk Solar & Arni Rock, Alen Hertz, Donz, Lucy Sowa, Leo, Mike J, X40, Mad & Nancy։ Պատահական չէ, որ կազմակերպիչները խոստացել էին «տարվա բացումների բացումն» անել դրանով։

Ակումբի տարածքն անճանաչելի չէր. անփոփոխ էր մնացել այդ տարածքի կենտրոնական էլեմենտը՝ շատերի կողմից սիրված քառակուսի բարի սեղանը, որի շուրջ ճիշտ 21:00-ից արդեն սկսել էին հավաքվել ակումբային կյանքի մոլի սիրահարներն ու պարզապես լավ ժամանցը գնահատողները։ Downtown club-ի բացման համար պատրաստված մինի-շոուն՝ սպիտակազգեստ մարմնամարզուհու կատարմամբ, ազդարարեց ուրբաթը վայելելու, սիրածդ խմիչքը պատվիրելու ու Երևանի համար հազվադեպ լուսաձայնային էֆեկտներով տպավորող երաժշտության բիթերում կորելու սկիզբը։ Իսկ անկուշտներն ու ուրբաթ օրը այդ վայրն ինչ-ինչ պատճառներով շրջանցածներն այսօր՝ մայիսի 14-ին՝ 21:00-ից կարող են սլանալ դեպի «քաղաքի կենտրոնը»:


 

 

 

 

 

 


 

2234

(*). նշվածները պարտադիր են լրացման

 

Տվյալներ չկան
^ Վեր