Աշխարհի ամենաթանկ ալկոհոլային խմիչքները

Աշխարհի ամենաթանկ ալկոհոլային խմիչքները

Երբևէ պատկերացրե՞լ եք, որ ալկոհոլային խմիչքների գները կարող են անցնել բոլոր հնարավոր սահմանները: Բայց արի ու տես, որ աշխարհում թանկարժեք ըմպելիքների սիրահարները բավականին շատ են: Նրանք պատրաստ են իրենց սիրելի խմիչքի մի շշի համար վճարել մի ամբողջ կարողություն:  Reservin-ը որոշեց պարզել, թե որոնք են աշխարհի հինգ ամենաթանկ խմիչքները:



5. Շամպայն «Piper-Heidsieck»  $275 հզր.

Տասնյակ տարիներ առաջ շվեդական նավերից մեկը դեպի Ռուսաստան էր տեղափոխում Նիկոլայ Ցարի համար նախատեսված այս շամպայնի մի ամբողջ խմբաքանակ: Սակայն գերմանական սուզանավի պատճառով նավը խորտակվեց: 1998-ին խորտակված նավը հրաշքով հայտնաբերվեց։ Պարզվեց, որ թակարժեք բեռի գերակշռող մասն անվնաս էր մնացել: Այս պատմությունն իր դերը խաղաց թագավորական շամպայնի գնագոյացման գործում:



 4. Օղի  «Diva»  $1,6 մլն.

Այս օղին պատրաստվում է Շոտլանդիայում և համարվում է աշխարհի ամենաթանկ օղին: Շիշը զարդարված է թանկարժեք քարերով, իսկ օղու թորման ընթացքում օգտագործվում է միայն սկանդինավյան կեչու փայտածուխը: Դրանից հետո օղին անցնում է իսկական ադամանդյա ավազի միջով: Օղու գինը տատանվում է  3.700-ից մինչև 1.600.000 դոլար: Գինը կախված է շշի վրայի ադամանդների քանակից ու օղու որակից:



3. Կոնյակ «Henri IV DudognonHeritage»  $2մլն. 

Սա աշխարհի ամենաթանկ կոնյակն է, որն արժե 2 մլն. դոլար: Այն 100 տարի պահպանվում է միևնույն տակառի մեջ: Շիշը զարդարված է ոսկով ու պլատինով, իսկ ադամանդները նրան հաղորդում են էլ ավելի շքեղ տեսք:

 

2. Վիսկի  «Isabella’s Islay»  $6,2  մլն.

Այս վիսկիի շիշը պատրաստված է անգլիական բարձրորակ բյուրեղապակուց: Նրա զարդարանքի համար օգտագործվել է սպիտակ ոսկի, 8500 ադամանդ և 300 ռուբին: Այս վիսկիի հավաքածուն համարվում է ոսկերչական արվեստի և բարձրաճաշակ ալկոհոլի  ամենահաջող համադրությունը: Գնի մեծ մասը կազմում է շիշը, սակայն  ընկերությունը թողարկում է նաև պակաս ճոխությամբ զարդարված հավաքածու, որի գինը ավելի մատչելի է՝ 740.000 դոլար:



1. Լիկյոռ «D’AmalfiLimoncelloSupreme»  $43,6 մլն.

Ահա և աշխարհի ամենաթանկ  ալկոհոլային խմիչքը: Լիկյորի աստղաբաշխական գնի պատճառը նորից շիշն է, որի վրա տեղադրված են չորս խոշոր ադամանդներ: Դրանցից երեքը` 12 կարատ, իսկ չորրորդը` 18,5 կարատ քաշով: Շշի մեջ լցված լիկյոռը պատրաստված է արևոտ ափերին աճող կիտրոններից: Բարձր գինն արդարացված է նաև նրանով, որ թողարկվել է ընդամենը 2 օրինակ, որոնցից մեկը դեռ սպասում է իր «երջանիկ» տիրոջը:

Դե ինչ, ցանկություն առաջացավ երեկոյան մի բաժակ խմելու՞: Ամրագրե՛ք Ձեր սեղանը Երևանի ամենահետաքրքիր վայրերում` Reservin-ի օգնությամբ: Գների մատչելիությունը ապահովում ենք: 

3017

(*). նշվածները պարտադիր են լրացման

 

Տվյալներ չկան
^ Վեր