Հապճեպ ու սննդարար Աննա Գևորգյանի հետ

Հապճեպ ու սննդարար Աննա Գևորգյանի հետ

Հեղինակ՝ Աննա Գևորգյան


Այսօր պատրաստելու եմ մի շատ հետաքրքիր ճաշատեսակ, որը թե՛ հեշտ է պատրաստվում և թե՛ շատ համեղ է: Ես այն կոչում եմ ձուկը լավաշի մեջ: Հայկական խոհանոցում տարածված է այս ուտեստը պատրաստել մի փոքր այլ բաղադրատոմսով՝ փոքր չափի սիգը պարզապես մաքրում են, հեռացնում գլուխը, լցոնում ընկույզով, մի փոքր կարագ դնում մեջը, համեմում և ամբողջական սիգը փաթաթում լավաշի մեջ և դնում ջեռոցի մեջ: Քանի որ սիգի ոսկորները բավականին բարակ են, եփվելուց հետո դրանք շատ փափուկ են դառնում և հեշտ ծամվում են, պատրաստի բուռումը կարելի է ուղղակի կծելով ուտել առանց վախենալու, որ ոսկորը կծակի, կամ կքերի քիմքը։ Այս անգամ պատրաստել եմ խեկով: Որոշեցի նոր մի բան ստեղծել՝  հին ճաշատեսակը մատուցել նորովի։ Խեկի ոսկորներն անհամեմատ կարծր են, այդ պատճառով ճիշտ կլինի դրանք ամբողջությամբ հեռացնել։



4 բաժին լավաշով ձուկ պատրաստելու համար մեզ հարկավոր է ՝

500 գր խեկ կամ այլ ձկնատեսակ - 1000 դր

Լավաշ – 2 հատ - 200 դր

Ընկույզ – ցանկացած – 250 գր  - 1500 դր

Կարագ – 10 գր

Աղ/ պղպեղ

Ընդհանուր՝  մոտավորապես 2800 դր

Պատրաստման տևողությունը՝ 30 րոպե


Լավաշը բաժանում ենք հավասար մասերի, ձուկը համեմում կարմիր և սև պղպեղով՝ վրան ավելացնելով նախօրոք կտրատած ընդեղենը և վերջում ավելացնում նաև կարագ: Միջուկը տեղադրում ենք լավաշի մեջ փաթաթում այն և եփում ջեռոցում 20 րոպե: 


 

 

 


 

3237

(*). նշվածները պարտադիր են լրացման

 

Տվյալներ չկան
^ Վեր