Հունիսի 10-ին մեկնարկեց Եվրոպայի ֆուտբոլային ամենամեծամասշտաբ առաջնություններից մեկը՝ Եվրո-2016-ը։ Եվրոպայի լավագույն հավաքականները հավաքվել են մեկ հարկի տակ՝ Ֆրանսիայում, որտեղ պայքարելու են Եվրոպայի լավագույն թիմի տիտղոսին արժանանալու համար։
Սակայն յուրաքանչյուր ֆուտբոլիստի և թիմի համար ֆիզիկական պատրաստվածությունից և քրտնաջան մարզումներից բացի կարևոր է ճիշտ և առողջ սննդակարգը։ Աշխարհում անցկացված բազմաթիվ ֆուտբոլային առաջնությունների ժամանակ պատմության մեջ գրանցվել են բազմաթիվ սննդային սկանդալներ, երբ որևէ ֆուտբոլային թիմի մարզիկներին փորձել են թունավորել՝ ուտելիքի միջոցով։
Այդիպիսի սկանդալներից ամենաթարմը թերևս 2014 թվականին Բրազիլայում անցկացված աշխարհի առաջնության ժամանակ էր։ Այն հյուրանոցներում, որտեղ պետք է հանգրվանեին Անգլիայի և Իտալիայի ֆուտբոլի հավաքականները գտել էին բազմաթիվ սննդային խախտումներ։ Մասնավորապես 25 կիլոգրամ պաստա, սաղմոն և այլ մթերքներ, որոնք կորցրել էին պիտանելիության ժամկետը։
Այդպիսի սկանդալներից և սննդային թունավորումներից խուսափելու համար, շատ հավաքականներ իրենց հետ տանում են հյուրընկալող երկիր նույնիսկ ջուր։ Անգլիայի հավաքականի և «Արսենալ»-ի գլխավոր դիետոլոգ Ջեյմ Քոլլինսը ֆուտբոլիստների համար կազմում է հատուկ սննդակարգ։ Լանչին և ընթրիքին ֆուտբոլիստները պետք է ընդունեն մեծ չափաբաժնով պրոտեիններ:
Տավարի միսը և սաղմոնը պրոտեինի լավագույն աղբյուրներն են հանդիսանում։ Նախաճաշը ֆուտբոլիստների օրվա կարևորագույն բաղադրիչն է։ Նրանք ուտում են հիմնականում ձու՝ կարագով և հացով։ Ֆուտբոլիստները պետք է ընդունեն բավականաչափ հեղուկ զգոն և աշխույժ մնալու համար։ Սա հատկապես կարևոր է այդ դեպքերում, երբ պատրաստվում են խաղալ տաք երկրներում՝ օրինակ Բրազիլիայում, կամ աֆրիկյան որևէ պետությունում։
Ծանր ֆուտբոլային հանդիպումներից հետո ֆուտբոլիստներին անհրաժեշտ է արագ վերականգնվել։ Բազմաթիվ դեպքերում, նրանք ուտելու հնարավորություն են ունենում հենց հանդերձարանում՝ հատուկ շարժական խոհանոցների միջոցով։ Դիետոլոգները այդպիսի դեպքերում խորհուրդ են տալիս պատրաստել ֆուտբոլիստների ամենասիրելի խորտիկները, սակայն որոշակի վերապահումներով։
Շարժական խոհանոցների անբաժան մասնիկ կարելի է համարել սուշին, կամ զանազան ռոլլերը: Ֆուտբոլիստների խիստ սննդակարգը շարունակվում է նույնիսկ առաջնություններից հետո։ Դիտետոլոգները խորհուրդ են տալիս և ստիպում են նրանց ուտել մրգային յոգուրտներ, կաթ և սառնարանում մշտապես ունենալ ձու։ Իսկ երեկոյան կտրվելով սննդակարգից, կարելի է երբեմն ուտել քաղցրավենիքներ, իհարկե, պահպանելով չափի զգացողությունը։
