Մերօրյա հավերժական թվացող վազքի ու մշտապես ժամանակի խնդիր ունենալու պայմաններում, երբ գիշեր ու զօր աշխատում ենք անձնական և ընտանեկան հոգսերը թոթափելու համար, կանգնում ենք սնվելու խնդրի առաջ. ասել է, թե կարիք ունենք արագ ու հապճեպ կշտանալու: Այդ ժամանակ մեզ օգնության ձեռք է մեկնում, այսպես կոչված, ֆաստֆուդը, որի բացասական ազդեցության մասին լեգենդներ են հյուսվում: Reservin-ը փորձել է հասկանալ, ի վերջո ո՞րտեղ է ավարտվում ճշմարտությունը և սկսվում առասպելը:
Ամբողջ աշխարհում ֆաստֆուդը համարվում է էժան և հասանելի սնունդ, որը պատրաստում են հենց մեր աչքի առաջ: Արագ սննդի հանդեպ մանիայի հասնող սերը կապված է ոչ միայն դեմոկրատական գների, այլև՝ համի հետ: Միգուցե հենց այդ «դրախտային» համն էլ ստիպում է մեզ հավատալ, թե արագ սնունդը, հատկապես, համբուրգներն ու ֆրին չափազանց սննդարար են և հանդիսանում են օգտակար վիտամինների պահոց: Ամենևին՝ ամբողջ գաղտնիքը թաքնված է հատուկ կիրառվող համի մարկետինգի մեջ: Ստացվում է, որ ֆաստֆուդի օգտակարությունը կայանում է նրանում, որ այն պարզապես կշտանալու պատրանք է ստեղծում:
«Ֆիրմային» հնարքները, որոնք կիրառվում են հայտնի հաստատություններում, երբ սովորական նրբերշիկը, բուլկին և կոտլետը հանկարծ վերածվում են կախարդական կերակուրների, ինքնըստինքյան կախվածություն են առաջացնում: Ու երբ գալիս է լանչի ժամը, մենք արդեն չենք պատկերացնում սնվելու ակնթարթներն առանց մեր սիրելի չիզբուրգերի և բիգմակի. վազում ենք մոտակա արագ սննդի կետը ու բառացիրեն հարձակվում են այդ յուրօրինակ թմրամիջոցի վրա: Այո՛, ֆաստֆուդը թմրադեղի նման ազդեցություն ունի. դրանում համոզվել են աշխարհի բնակչության մեծամասնությունը: Համեղ է՝ դրանում ոչ մի կասկած չկա, բայց նաև վնասակար է. արագ սննդի չարաշահումը պարտադիր բացասական հետևանքների կբերի:
Միանշանակ, արագ սնունդը վնասակար է օրգանիզմի համար: Խորհուրդ՝ ավելի լավ է տանից լանչ տանել կամ ծայրահեղ դեպքերում սնվել քիչ անվնաս ճաշացանկ ունեցող սրճարանում, քան վտանգի ենթարկել սեփական առողջությունը: Քայքայիչ սննդային հավելումներ, համային մանիպուլյացիաներ, սրանք բոլորը պարզապես համեղ ակնթարթներ են պարգևում, այնինչ դրանց պատճառով օրգանիզմում կործանարար պրոցեսներ են սկսվում, որոնք զգացնել են տալիս իրենց մասին ամենաանհարմար պահերին՝ առաջացնելով տարբեր առողջական խնդիրներ մարսողական համակարգում: Եթե մենք ամիսը մի քանի անգամ ֆաստֆուդ ընդունենք, ապա կարող ենք թեթև շունչ քաշել. ոչ մի լուրջ առողջական խնդիր չենք վաստակի: Իսկ եթե դա ամեօրյա բնույթ է կրում, ուրեմն, համոզված եղե՛ք, շատ ժամանակ չանցած խարլված օրգանիզմ կունենաք:
Բանն այն է. որ ֆաստֆուդի պատրաստման անբաժան բաղադրիչը ձեթն է, որը ջերմային վերամշակման ենթարկվելուց հետո ձեռք է բերում անհամար քանակի կանցերոգեն տարրեր՝ ահա և հարցի գլխավոր պատասխանը: Ճարպերով գերհագեցած սննդամթերքը կալորիաների ահռելի մեծ աղբյուր է հանդիսանում, ինչպես նաև մի շարք հիվանդությունների գլուխ բարձրացման պատճառ դառնում:
Ստորև ներկայացնում ենք ֆաստֆուդամանիայի հետևանքով առաջացող հիվանդությունների ոչ ամբողջական ցուցակը՝
1. Ավելորդ քաշ ու ճարպակալում
2. Քարեր լեղապարկում
3. Երիկամային խնդիրներ
4. Աթերոսկլերոզ
5. Խոլեստերինի կրկնապատկում
6. Արյան մեջ շաքարի մակարդակի բարձրացում
7. Հիպերտոնիա
8. Լյարդի եւ ենթաստամոքսային գեղձի հիվանդություններ
9. Կարիես
10. Խոցեր եւ գաստրիտ:
Ի դեպ, ֆաստֆուդի վնասակար տարրերն ավելի շատ ազդում են երեխաների ու երիտասարդների, քան ավելի մեծերի վրա: Մանկահասակ երեխաները և ուսանողները նախապատվությունը տալիս են արագ պատրաստվող բարձր կալորիականություն ունեցող սննդին: Բազմաթիվ ընտանիքների համար սովորական բնույթ է կրում հայտնի Մաքդոնալդսում ժամանակ անցկացնելը ու երեխաներին վնասակար կերակուրներ հրամցնելը, սակայն առաջին հերթին պետք է հենց ծնողներն ոչ մի արժեք չտեսնեին այդ սննդի մեջ ու հրաժարվեին դրանից: Բազմաթիվ ուսանողներ արագ սնունդ են օգտագործում՝ ժամանակ ու գումար խնայելու համար, ինչն այս դեպքում բերում է հիշողության թուլացման, խոցերի առաջացման ու լյարդի խնդիրների:
Այսպես, սովորական ֆաստֆուդային լանչը, որն իր մեջ ներառում է սենդվիչ, կարտոֆիլ և աղցան՝ պարունակում է 1500 կալորիա: Սիննաբոն կոչվող ուտեստն էլ պարունակում է 1000 կալորիա: Սրանք ոչ ակտիվ կյանքով ապրող մարդկանց օրվա նորման են, ինչն ակտիվ ապրելակերպ ունեցող ուսանողների և աշխատողների դեպքում ինքնասպանության հավասար մի բան է:
.png)
.jpg)
