Հեղինակ՝ Աննա Գևորգյան
Այս աղցանը վաղուց եմ սիրում և պատրաստում, բայց միայն նյութը գրելիս հետաքրքրվեցի ու իմացա, որ այն բավականին տարածված է և կրում է «Այծը պարտեզում» անունը: Աղցանն այդպես է կոչվում, որովհետև իր օրիգինալ տարբերակում կտրատած բանջարեղենի մեջտեղում լցված է, ոչ թե մայոնեզ, այլ որևէ մսի տեսակ, ըստ ճաշակի, օրինակ՝ կտրատած խոզապուխտ, երշիկ, հավի կամ տավարի թե՛ խաշած, թե՛տապակած միս: Իբրև թե մեջտեղի միսը դա այծն է շրջապատված պարտեզի բարիքներով: Աղցանն ունի ևս երկու անվանում, մեկը՝ «Փարիզի լույսերը», մյուսը «ավել», հավանաբար նրա համար, որ երկար-երկար կտրատած բանջարեղենը ավելի նման մաքրում է օրգանիզմում կուտակված վնասակար նյութերը: Աղցանը շատ լավն է բոլոր տեսանկյուններից՝ անթիվ վիտամինների և էներգիայի մեծ աղբյուր է, մաքրում է օրգանիզմը, կալորեական չէ, կարգավորում է մարսողությունը, թարմացնում է մաշկը և ողջ օրգանիզմը:
Շատ հեշտ է պատրասվում, մատչելի է, հարմար է պահքի ժամանակ, իդեալական է հումակերների համար, դիետաների ժամանակ և ի վերջո անչափ գեղեցիկ տեսք ունի: Թե՛ պատրաստսղին, թե՛ուտողին տալիս է հնարավորություն ինքնուրույն ընտրել հարմար և ցանկալի բաղադրությունը: Կարող եք այն ձևավորել ըստ ձեր ճաշակի՝ ձու, մարինադներ, վարունգ, սոխ, մսային տեսականի, сухарики, չիպսեր: Մայոնեզը նույնպես կարելի է ինքնուրույն պատրաստել, նույնիսկ պասային և դիետիկ, կամ էլ փոխարինել թթվասերով կամ մածունով:
Այս անգամ կկիսվեմ իմ նախընտրած բաղադրատոմսով:
6 բաժին այծը պարտեզում աղցան պատրաստելու համար մեզ անհրաժեշտ են հետևյալ բաղադրամասերը՝
Բազուկ – 200 գր - 200դր
Գազար– 200 գր - 200դր
Կաղամբ– 200 գր - 100դր
Կանաչեղեն – 1 փունջ - 100դր
Մայոնեզ – 1տուփ - 400դր
Համեմունք՝ աղ/պղպեղ
Ընդհանուր՝ 1000 դրամ։
Պատրաստման ժամանակը՝ 25 րոպե։
Քերել բազուկը և գազարը, բարակ կտրատել կաղամբը, մանրացնել կանաչին և բոլորը լցնել առանձին տարաների մեջ։ Մանր ցախի տեսքով կտրատել կարտոֆիլը, տապակել, հանել անձեռոցիկի վրա, որ ավելորդ յուղայնությունից ազատվի։
Վերցնել լայն, տափակ ապսե և աչքաչափով բաժանելով ափսեն բաղադրիչների քանակի, սկսել հերթով շարել դրանք ափսեի վրա, կարելի է դնել փունջ-փունջ իրար կողք, կամ բրգաձև, ես նախընտրում եմ այսպես․․ մեջտեղում, կենտրոնում լցնել մայոնեզը, կամ ցանկացած այլ սոուս։ Համեմունքը կարող եք խառնել սոուսի հետ, որպեսզի աղցանի տեսքը մինչ խառնելը չփչանա։
