#բարևուրբաթ | ԴՇԿ, HA-SS fest, Ոսկե ծիրան

#բարևուրբաթ | ԴՇԿ, HA-SS fest, Ոսկե ծիրան

Հեղինակ՝ Անի Սմբատի


Մինչ ոմանք պլանավորում են իրենց ամառային հանգիստը կամ արդեն վերադառնում՝ մգացած մաշկով ու գոհունակ ժպիտով, մյուսներին մնում է ձանձրույթից չմեռնելու համար, լիցքաթափվելու այլ տարբերակներ փնտրել։



20:00 | Jean-Paul Existential Café

Մեր Նոր Տարին

Ամառը չգիտեմ, բայց Ժան Պոլում Նոր Տարին են կարոտել․որոշել են նշել «Ամանոր 2016.5»-ը։ Իհարկե, բոլոր անհրաժեշտ բաղադրիչներով՝ խոզի բուդ, ամանորյա երգեր, լիքը փրփրուն գինի, տոնածառ։ Էս էլ ձեզ Նոր տարվա տժժ։



21:00 | Liberty Pub

Tiki Smoking Cocktails & Molecular Cuisine

Liberty-ում ուրբաթյան բոլոր իվենթներն անցնում են ԴՇԿ խորագրի ներքո․ասել է թե՝ «Դեմը Շաբաթ Կիրակի»։ Իսկ այս ԴՇԿ-ին կարելի է փորձել «ամենատարատեսակ, ամենայուրահատուկ ու ամենաուտելու կոկտեյլները»: Փաստորեն՝ ուտելու կոկտեյլներ էլ են լինում։ 

21:00 | Sector Dacha

Nightwalker: jazzed out

Sector Dacha-յում անցյալ ուրբաթ օրվա Nightwalker-ն այս անգամ գլխիվայր շուռ են տալու։ Դիջեյներ Agor-ն ու Jacob-ը կնվագեն ամենատարբեր ժանրեր՝ համեմված ջազով։ 



21:00 | Downtown club

What A Girl Wants

Downtown-ն այս ուրբաթ որոշել է ցույց տալ, թե ինչ է ուզում աղջիկը։ Դրա համար երեկոյի երաժշտությունը վստահվել է միայն ու միայն աղջիկներին՝ Դիանա Աշուղյանին, NanCy Movs-ին ու Arian Newton-ին, որոնք երաժշտության միջոցով կփորձեն ասել՝ What A Girl Wants։



21:00 | Paparazzi club

Ուրբաթ-շաբաթ

Paparazzi-ում այս ուրբաթ-շաբաթ սպասվում է ոչ միայն երաժշտություն ռեզիդենտ դիջեյների կողմից, այլև վիզուալ էֆեկտներ VJ Jack-ից՝

Ուրբաթ – Alen Hertz, DJ Shant, Mike J

Շաբաթ – Greg, DJ Shant, Mike J



ՈՒԻՔԵՆԴ

Շաբաթ, հուլիսի 9

7։00 | Համալիր

Yerevan Color Run

Եթե հանկարծ, շա~տ պատահաբար կամ սխալմամբ ուրբաթ մի կաթիլ չեք խմել կամ այլ, անհայտ պատճառներով կկարողանաք զարթնել առավոտյան շուտ, ուրեմն ձեր շաբաթ օրը կարող է շա~տ գունավոր ու զվարճալի ստացվել։ Կարեն Դեմիրճյանի անվ. մարզահամերգային համալիրի մոտ այս տարի 2-րդ անգամ տեղի կունենա Yerevan Color Run-ը։ Այս՝ 5-կիլոմետրանոց վազք-զվարճանքը կազմակերպվում է աշխարհի մի շարք երկրներում, այդ թվում՝ Ռուսաստանում, ԱՄՆ-ում, Ավստրալիայում, Բրազիլիայում, Չիլիում, Չինաստանում, Կանադայում, իսկ 2015-ից՝ արդեն նաև Հայաստանում: Վազվզե՛ք, գունազարդվե՛ք, շնչակտուր եղե՛ք, ժպտացե՛ք ու ստացեք նվերներ։ Ի դեպ, եթե ձեր 14 տարեկանը լրացել է, ուրեմն ոչինչ չի խանգարի, որպեսզի մասնակցեք, ուղղակի չմոռանաք մասնակցության տոմս պատվիրել։

19:00 | ՆՓԱԿ

HA-SS fest. փակման արարողություն

Հուլիսի 4-ին, Երևանում մեկնարկեց HA-SS (Hearing Art-Seeing Sound) միջազգային արվեստի փառատոնը, որի անվանումը թարգմանաբար նշանակում է «Լսել արվեստը, տեսնել ձայնը»։ Այս ընթացքում տեղի են ունեցել մի շարք վարպետության դասեր, երաժշտության և արվեստի երեկոներ, իսկ շաբաթ օրը տեղի կունենա փառատոնի եզրափակիչ երեկոն։ Համաշխարհային երիտասարդ կոմպոզիտորները հանդես կգան իրենց ստեղծագործությունների պրեմիերաներով, իսկ յուրաքանչյուր կատարման համար ՆՓԱԿ-ի ցուցասրահում համապատասխան միջավայր են ստեղծել: Միջոցառումը կավարտվի նյույորքաբնակ արվեստագետ Լյուսի Աբդալյանի նկարչական կենդանի պերֆորմանսով: 

21:00 | Enoteca EVN

Wine & Jazz

Էնոտեկան շարունակում է իր գինու և ջազի երեկոները։ Այս շաբաթ օրը` գինետանը կարելի է վայելել Վահագն Հայրապետյանի (դաշնամուր), Արմեն Հյուսնունցի (սաքսոֆոն) և Ալեքս Բաբոյանի (կիթառ) ակուստիկ իմպրովիզացիոն երաժշտությունը։

Կիրակի, հուլիսի 10

Այս կիրակին և դրան հաջորդող մի ամբողջ շաբաթը՝ սինեֆիլներինն է։ Բացվում է «Ոսկե ծիրան» միջազգային 13-րդ կինոփառատոնը, ու թեև բացման արարողությունը նախատեսված է կիրակի երեկոյան, փառատոնի ցուցադրությունները սկսվելու են արդեն առավոտյան 10։00-ից և շաբաթվա ընթացքում նախատեսվում են ինչպես «Մոսկվա» կինոթատրոնում, այնպես էլ՝ Սինեմա Սթարում, KinoPark-ում, Մալյանի անվան թատրոնում, ԹՈՒՄՈ կենտրոնում և Պողոսյան պարտեզներում։ Բարի՜ դիտում։

 

 

#բարիուրբաթ

3986

(*). նշվածները պարտադիր են լրացման

 

Տվյալներ չկան
^ Վեր