Հեղինակ՝ Անի Սմբատի
Եկավ հուլիսի առաջին օրը, չէ՛, նորից եկավ ուրբաթը, չէ լա՛վ, երկուսը միասին։ Ամառվա հետ թեժանում են նաև զանազան փարթիներն ու ժամանցի այլ տարբերակները, որոնցով կարելի է լցնել ուրբաթ իրիգուններն ու դրանց հաջորդող ուիքենդները։
19:00 | Lover’s Park
Goofball Circus
Գաղափար չունեմ, թե ով է Goofball Circus-ը, բայց դատելով իր տեսահոլովակներից՝ մէ շատ փախած տիպ։ Ալտերնատիվ երաժշտության սիրահարները թող շտապեն (կներե՛ք տավտոլոգիայի համար) Սիրահարների այգի, որովհետև այս ուրբաթ այնտեղ «երաժշտության ու նորաձևության փսիխոդելիք իվենթ» է սպասվում։ Ի դեպ՝ բացումն անելու է Արաշ Ազադին՝ պարսիկ էքսպերիմենտալ երաժիշտ, որը աուդիովիզուալ կատարում կներկայացնի։
20:00 | Pepper Burger Bar
July First Friday Party
Pepper Burger Bar-ում ոչ միայն Երևանի ամենահամով բուրգերներից մեկը կարելի է փորձել, բայց համ էլ մեկ-մեկ հավեսի են ընկնում ու ուրբաթօրյա տժժիկներ են անում։ Էսօր էտ օրն ա, մյուզիքը՝ Groovin' Loops (Tarko & Tigo)։
20:00 | Jean-Paul Existential Café
Rock&Pop Corn Day
Վո՜ւյ, անցած ուրբաթ ադի բուդի չհասա՞վ։ Ոչինչ, էս ուրբաթ էլ են հյուրասիրում։ Հա՛, էլի երեք տարբեր համերի ու հա՛, համեմված ռոքով ու ջազով։ Հաշթէգ՝ էքզիստենցիալ տժժ։
21:00 | Enoteca EVN
Jazz & Wine
Էնոտեկայում արդեն ավանդական են դառնում ջազային երեկոները, այն էլ՝ նոր բենդերի կատարմամբ։ Այս անգամ գինետանը կհյուրընկալվի Նոր կվարտետը՝ Կարեն Մամիկոնյան (ստեղնաշարային), Էդգար Սահակյան (բաս կիթառ), Տիգրան Սուչյան (շեփոր) և Նարեկ Խեչումյան (հարվածային գործիքներ):
21:00 | Downtown club
Sound Of Constellations
Downtown-ում հուլիսի առաջին օրը նշելու ենդիջեյներ Alen Hertz-ի, Koliakis-ի ու Arman-ի հետ։ Թիթիզ աղջիկներին՝ քլաբում սելֆի արե՛ք, առաջին խմիչքը կհյուրասիրե՛ն։
21:00 | Paparazzi club
Friday night
Paparazzi-ում արդեն ուշքի են եկել անցյալ ուրբաթ քլաբի միամյակը տոնելուց։ Այս ուրբաթ տոնելու լուրջ առիթ չկա, բայց դա մեզ ե՞րբ է հետաքրքրել որ։ Դիջեյի պուլտի մոտ՝ Mike J, DJ Shant։
22:00 | Stoyka
#swag Party Vol.1
Stoyka-յում ամառվա 2-րդ ամսվա 1-ին օրը նշելու են JoJo-ի ու Twin-ի մյուզիքներով։ Swag-երը շարունակական են լինելու, իսկ երգերը՝ «ինչ մասսան էտ պահին ուզի»։
ՈՒԻՔԵՆԴ
Շաբաթ, հուլիսի 2
10:00 | Գաֆէսճեան արվեստի կենտրոն
«Մարկոս Գրիգորյան. Խաչմերուկներ»
Այս շաբաթ օրը նվիրում ենք մշակութային իվենթներին։ Ուրեմն առաջին անելիքը՝ գնա՛լ Գաֆէսճեան արվեստի կենտրոն, որտեղ նոր ցուցահանդես է բացվելու՝ «Մարկոս Գրիգորյան. Խաչմերուկներ»։ Եթե նրան չեք ճանաչում, ապա իմացե՛ք. Մարկոս Գրիգորյանը հայ կերպարվեստի ամենավառ անհատականություններից մեկն է, ում աշխատանքներն ու գործունեությունը կարևոր են ոչ միայն հայ, այլև՝ համաշխարհային արվեստի համար։ Կենտրոնի «Արծիվ» և «Սասունցի Դավիթ» պարտեզի սրահներում ցուցադրվելու են արվեստագետի հողարվեստին և գորգարվեստին վերաբերող 24 եզակի աշխատանքներ: Ցուցադրությունը գործելու է մինչև օգոստոսի 28-ը:
13:00 | Eraz Factory
Yerevan Art Expo 2016
Եթե ավելի ինտերակտիվ արվեստի կարիք ունեք, ուրեմն ուղիղ 13։00-ին շարժվեք «ԵրԱԶ» գործարան։ Ինչո՞ւ հենց 13։00-ին, որովհետև էքսպոն տևելու է ընդամենը 3-4 ժամ, իսկ այդ ընթացքում՝ երաժշտական ու արվեստի փերֆորմանսներ, կտավներ, քանդակներ, կերամիկա ու առհասարակ, մեր կողքին ապրող երիտասարդ արվեստագետներին ու նրանց աշխատանքներին ծանոթանալու շատ հարմար առիթ։
20:00 | Club 23
Գիշերաշրջիկ
Դե լա՜վ, վերջում իհարկե կարելի է տժժալ։ «Գիշերաշրջիկը» լինելու է դիփ հաուսի երեկո, որի ընթացքում 21։00-ից կնվագի Գարիկ Ապինյանը, 23:00-ից՝ Ջեյկոբ Սեմիրջյանը, իսկ 01։00-ից՝ X4O-ն։
Կիրակի, հուլիսի 3
12:00 | TUMO
Vardavar
Եթե դուք մինչև էսօր մի ծպտուն չեք լսել, մի տառ չեք կարդացել ու մի պիքսել չեք տեսել ԹՈՒՄՈ-յում սպասվող Վարդավառից, ուրեմն դուք էս աշխարհից չեք... Լա՛վ, առնվազն էս քաղաքից չեք... Օքե՜յ, ֆբ-ից չեք, լավ ա՞։ Բայց լուրջ, ամբողջ Երևանը երևի էնտեղ է լինելու կիրակի։ Տեղադրվելու են GIF-կետեր, որտեղ կարող եք նկարվել, իսկ արդյունքը միանգամից ինտերնետում կհայտնվի։ Բացի դրանից, լինելու են մոտ 10-15 հատ զանազան կետեր, որոնցից ամեն մեկը կներկայացնի մի ընկերություն։ Դե ի՞նչ իվենթ առանց մյուզիք, որի համար առանձին «չջրվելու» անկյուն են հատկացրել, իսկ թե ով է նվագելու՝ եկե՛ք, կիմանաք։
12:00 | Sector Dacha
Vardavar
ԹՈՒՄՈ-յի հավես չկա, բայց ջրվելու հավես կա՞։ Լա՜վ, մի տարբերակ էլ ասեմ։ Sector Dacha-ում էլ են Վարդավառ անելու, ընդ որում՝ բաժանվելու են թիմերի, ով որ թիմին ուզի՝ կմիանա։ Կլինի 4 թիմ՝ Sector Dacha-յի թիմը, Hemingway’s Pub-ի թիմը, Կասկադի թիմն ու Սարյանի թիմը։ Թիմերի բաժանվելուց հետո «կռիվ-կռիվը» կսկսվի, իսկ վերջում՝ միասին կորոշեն, թե որ թիմը հաղթեց ու կբարիշեն, մի՜մի՜մի՜։
#բարիուրբաթ
.JPG)
.png)
