Սպասարկման ոլորտում կիրառվող շատ հնարքներ մտածված են հաճախորդների հոգեբանության վրա ազդելու համար: Ձեզ ենք ներկայացնում ռեստորանային «խորամանկությունների» մի քանի ուշագրավ օրինակ, որոնք նպատակաուղղված են հաճախորդների քանակի ու եկամտի մեծացմանը:
1. Որոշ եվրոպական ռեստորաններում պատվերի գումարը կարող են վճարել Ձեր փոխարեն
Պատկերացրե՛ք իրավիճակ, երբ Եվրոպայում մտնում եք այդ առանձնահատուկ ռեստորաններից մեկը, զբաղեցնում Ձեր տեղը, և մենյուի հետ ավազե ժամացույց են Ձեզ տալիս: Առնվազն 10 րոպե... եթե չկողմնորոշվեցիք պատվերի ընտրության հարցում, ապա պատրաստ եղե՛ք․ սնվելու եք անվճար, իսկ ուտեստի գումարը վճարելու են ռեստորանի աշխատակիցները: Ի դեպ, այս հնարքը կիրառվում է նաև պատվերի սպասման ընթացքում: Գայթակղե՞ց, շտապ մեկնե՛ք Եվրոպա:
2. Կատարյալ մաքրություն՝ անգլիական ձևով
«Մեզ մոտ երբեք ապուրի մեջ մազ չեք գտնի». սա Լոնդոնի ռեստորաններից մեկի կարգախոսն է, որի տերը, խոհարարներն ու մատուցողները ճաղատ են: Բարի՜ գալուստ:
3. Զուգարանային ռեստորան՝ չինական Թայվանում
Իսկ դո՞ւք լսել եք չինացիների հերթական խենթության մասին: Եթե ոչ՝ պատրաստվե՛ք, աթոռից չընկնեք: Ուրեմն, Թայվանի մայրաքաղաք Թայպեյում մեծ հռչակ է վայելում Modern Toilet Taipei ռեստորանը, որտեղ սեղան-աթոռները և սպասքը նախագծված են զուգարանակոնքի տեսքով:
«Մենք ոչ միայն սնունդ ենք վաճառում, այլ նաև՝ տրամադրություն: Մենյուն ոչնչով չի տարբերվում սովորական ռեստորաններից, սակայն մեզ մոտ ուրախ է», - ասում է ռեստորանի սեփականատեր Էրիկ Վանգը:
4․ Բացվում են, երբ խոհարարը կշտանում է
Որոշ եվրոպական ռեստորաններում աշխատանքային օրը սկսվում է ժամը 12:00-13:00-ն ընկած ժամանակահատվածում: Դա պայմանավորված է նրանով, որ այդ հաստատություններում խոհարարը սկզբից ճաշն է պատրաստում, ապա՝ ինքն է ճաշում, որպեսզի համի զգացման կարճաժամկետ կորուստ ունենա, ու կուշտ փորով անցնում է գործի: Դրանից հետո նոր ռեստորանը բացում է իր դռները:
5. Գինու նախնական համտես
Եթե մի օր ճանապարհորդեք Կանադա և հանգրվանեք Նիագարա ջրվեժին նայող Sheraton հյուրանոցում, անպայման այցելե՛ք "Windows By Jamie Kennedy Fresh Grill & Wine Bar", որտեղ Ձեզ հնարավորություն կընձեռվի պատվիրել գինի 5 կամ 15 մլ բաժակներով, եթե հավանե՛ք, հետագայում կմատուցվի ըմպելիքը գավաթով կամ շշով: Հա՜, եթե ցանկանում եք օգտվել զեղչերից, կարող եք մյուս հաճախորդների հետ մրցել հայտնի դարթս խաղում, ու կստանանք Ձեր հավաքած միավորներին համարժեք սակարկում:
Անշուշտ, կրեատիվ մոտեցումը սպասարկման ոլորտում գովելի է, սակայն չափի զգացումը ամեն-ինչից վեր է, քանզի հատուկ առաջարկները, լավ կահույքը, «գժական» մթնոլորտը, առ ոչինչ են, երբ պակասում է որակյալ սնունդը և հմուտ սպասարկումը: Դա՛ կարևոր է:
