ԷԿՈ «ՀԱՐԹԱԿ» համեղ ուտել սիրողների համար

ԷԿՈ «ՀԱՐԹԱԿ» համեղ ուտել սիրողների համար

Երկրորդ անգամ անցակացվող երևանյան «Հարթակ» եռօրյա փառատոնի խոհարարական մասն այլևս պատմություն է։ Բացօթյա այս միջոցառումը հյուրերին՝ համեղ և առողջ սնվելու, յուրահատուկ ուտեստներ պատրաստել սովորելու, ճաշակելու և պարզապես անմոռանալի ամառային կիրակի անցկացնելու բացառիկ հնարավորություն էր ընձեռել։

Չորս բաժնից բաղկացած փառատոնի ծրագիրը բազմազան էր ու բազմաբովանդակ՝ առողջ ապրելակերպ, ստեղծագործական վարպետած դասեր, խոհարարական արվեստ, նորագույն տեխնոլոգիաներ։



Մաշտոցի պուրակում հունիսի վերջին կիրակի օրը տեղի ունեցավ չորս մասերից ամենահամեղը՝ խոհարարական մասը, որի ընթացքում բազմաթիվ հաստատություններ վարպետաց դասերի միջոցով փորձի փոխանակում արեցին, շփվեցին գործարար էթիկետի մասին, փոխանակվեցին հետաքրքրաշարժ տեղեկություններով։

Օրվա ընթացքում՝ որակյալ ու հաճելի երաժշտության և տոնական բարձր տրամադրությունն ապահովեց DJ Greg-ը։

Փառատոնի մասնակից ընկերություններից Blackberry սրճարանն առանձնացավ ըմպելիքների լայն տեսականիով և գեղեցիկ զարդարված սեղանով։ Հաստատության շեֆ-խոհարարը վարպետած դաս անցկացրեց՝ պատրաստելով հավով ու բանջարեղենի տրիվիալ համադրությամբ, բայց շատ յուրօրինակ ուտեստ։


Սուշիների պատրաստման մեջ մասնագիտացած ԱԿՕ սուշիի տաղավարը նույնպես ուշադրության կենտրոնում էր մի պարզ պատճառով՝ այստեղ անվճար սուշի էին բաժանում։ Այն առաջին անգամ ներկայացրեց նմանը չունեցող տեսականի. հայկական ձկնարդյունաբերության մեջ հայտնի իշխան, թառափ, ծիածանափայլ իշխան, կարմրախայտ, ծխեցված իշխան ձկնատեսակներ, որոնք տեղ են գտել ԱԿՕ սուշիի ճաշացանկում: 

Ավանդական ճաշատեսակներով հանդես եկավ ազգային սննդի ուղղվածություն ունեցող "Մեր գյուղը" ռեստորանը․տաղավարում գերակշռում էին դոլման, քյուֆտան և այլ <հայեցի> ճաշատեսակներ։

Salon ռեստորանը նույնպես անմասն չմնաց միջոցառումից և ներկայացավ գաթաների և արտասովոր բաղադրատոմսով պատրաստված դոլմայով։



Sector Dacha-ն խոհարարական առանձնահատկությունների իր հետ փառատոն էր բերել բերել հաստատության հարմարավետ ու փափուկ նստարան-բարձերը։

ArtNaukaYeravan-ի մասնագետները հյուրերի աչքի առաջ, բնական հումքից բառացիորեն կախարդական նիտրոպաղպաղակ պատրաստեցին՝ բազմազան համերով և գույներով։ Հեղուկ ազոտի, կաթի, շաքարի և այլ լցանյութերի միաձուլումը՝ 1 րոպեում սառչող էկոլոգիապես մաքուր պաղպաղակի իդեալական բաղադրատոմս է․ ֆիզիկան հրաշքնե՜ր է գործում։

Oliva-ն իր հերթին ապահովեց փառատոնի իտալական շունչը՝ ներկայացնելով Իտալիայի խոհանոցը։

Հայտնի դիետոլոգ Վարդանուշ Պետրոսյանի Ingredient ներկայացավ ստեղծարար ճաշացանկով՝  համատեղելով համեղը օգտակարի հետ։ Վարդանուշ Պետրոսյանն անցկացրեց նաև վարպետության դասընթաց։



Էկոլոգիապես մաքուր մթերքը հաճախ քննարկվող ու ակտուլ թեմաներից է, իսկ ուտելիքն այլևս առողջ ապրելակերպից զատ չի դիտարկվում: «Հարթակ» եռօրյա փառատոնը այն բացառիկ երևույթներից է, որի կենտրոնական խնդիրն է սովորել, սովորեցնել սնվել՝ նվազագույն վնաս հասցնելով բնությանը, հոգ տանել մարմնի մասին՝ ճիշտ սննդակարգ պահպանելով: Ինչպես նաև օգտակար խորհուրդներ ստանալ կենսագործունեության տարբեր ասպարեզների համար։

1356

(*). նշվածները պարտադիր են լրացման

 

Նարինե Մարգարյան Օգոստոս 30, 2016

Շատ լավ օր էր,,ինքս ներկա էի․Շնորհակալություն կազմակերպիչներին։
^ Վեր