Հավկիթ. նոր կյանքի խորհրդանիշ

Հավկիթ. նոր կյանքի խորհրդանիշ

Չնայած մերօրյա էկզոտիկ գաստրո ուղղությունների առատությանը, սովորական հավկիթը եղել է ու կմնա մեր ամենօրյա սննդակարգի հիմնաքարերից մեկը:

Այս անգամ Reservin-ը որոշել է անդրադարձ կատարել այս մթերքին՝ ներկայացնելով դրա սննդային արժեքն, օգտակարությունն ու պահպանության տարբերակները:



Ձվի մասին

Դեռևս հին աշխարհում, հռոմեացիներն իրենց օրվա մեկնարկը չէին կարող պատկերացնել առանց ab ovo` այսինքն ձվի: Այսպիսով, հավկիթը նրանց կերակրացանկի անբաժանելի մասնիկն էր: Ավելին՝ բոլոր ժամանակների մեծագույն մտածողներն հենց ձվի օրինակի վրա էին բացատրում կյանքի առաջացման հայեցակարգը (կոնցեպտը): Իսկ դրա տիեզերական կառուցվածքը մինչ օրս էլ մնում է այդ երկնային անհուն տարածության համաչափությունն ու կարգ ու կանոնն ընկալելու լավագույն տարբերակը:

Եվ իրոք, ձվի կառուցվածքն արտասովոր ու զարմանալի է: Կեղևը նրա՝ իդեալական վահան է արտաքին տեխնիկական ազդակներից. պաշտպանում է մանրէներից ու բակտերիաներից: Միևնույն ժամանակ այն հրաշալի օդաթափանց  հատկություն ունի:

Դրա բութ մասում ձևավորված խոռոչը՝ յուրահատուկ թթվածնային խցիկ է, որը սաղմի մեծանալուն զուգընթաց, խոշորանում է: Բայց ահա խոհարարները դիտարկում են այս խցիկը որպես ձվի թարմության իսկական գրավական. որքան այն փոքր է, այնքան թարմ է հավկիթը: 



Օգտակարության մասին

Ձվի բուն զանգվածի 67%-ը կազմված է սպիտակուցից, որը հավասարազոր է մարդու օրական սպիտակուցային պահանջի ընդամենը 12 տոկոսին: Դեղնուցն, իր հերթին, վիտամինների և միկրոէլեմենտների օգտակար պահեստ է: Այն բաղկացած է A, D, E վիտամիններից, լեցիտինից, արյունաստեղծ հեմոտոգենից, հարուստ է չհագեցած ամինաթթուներով, որոնք դրական ազդեցություն են թողնում սրտամկանի բնականոն աշխատանքի վրա։ Սակայն քառասունը բոլորած անձանց, և նրանց, ովքեր ցանկանում են նիհարել, բժիշկներն, այնուամենայնիվ, խորհուրդ չեն տալիս օրական մեկ ձվից ավել օգտագործել։



Պահպանման մասին

Հավկիթի օգտակարությունն ուղիղ համեմատական է դրա պահպանման պայմաններին: Տնային տնտեսուհիների առաջին ու գլխավոր սխալը, թերևս, պահպանումից առաջ ձվերի լվանալն է: Դա ճիշտ մոտեցում չէ, այնքանով, որ լվանալու հետ դրա կեղևն իր մեջ է քաշում կողմնակի հոտերը: Մեծանում է նաև բակտերիաների հարձակման հավանականությունը:

Խորհուրդ չի տրվում նաև հավկիթը պահել սառնարանի դռան վրա, քանի որ ամեն անգամ այն բացելիս կամ փակելիս, ձվի պարունակությունը շարժվում է, ինչը նպաստում է դրա «ծերացման» գործընթացի արագացմանը: Նույնիսկ ամենաթարմ հավկիթներն չի կարելի 30 րոպեից ավելի թողնել սենյակային պայմաններում:

Սակայն նույնիսկ ամենալավ պահպանման պարագայում՝ թարմ հավկիթները կարելի է պահել, ո՛չ ավել քան մեկ ամիս։ Դեղնուցն առանձին՝ մեկ օր, սպիտակուցն՝ առնվազն 12 ժամ։

1577

(*). նշվածները պարտադիր են լրացման

 

Maga Օգոստոս 31, 2016

)))) shat lavn er
^ Վեր