Երևանում թեժ էր

Հանգստյան օրերը քաղաքում բուռն էին: Երիտասարդները բաժանվել էին երկու բանակի: Մի մասը նշում էր «Երկիր մոլորակի ժամ» շարժումը, իսկ մյուս մասը կանաչ գարեջրով տոնում էր Սուրբ Պատրիկի օրը:

Մարտի 19-ը «Երկիր ժամ» միջազգային շարժման օրն է, երբ ողջ երկրագնդի բնակչությունն ի պահպանություն մոլորակի բնական ռեսուրսների մեկ ժամով հրաժարվում է էլեկտրականությունից: Շարժումը սկսվել է 2007թ Սիդնեյում և այժմ այս նախաձեռնությանը միացել են ավելի քան 172 երկիր: Այս տարին աննախադեպ էր, քանի որ շարժմանը միացավ 178 երկիր: Երևանում նույնպես անջատվեցին լույսերը:

Այս առիթով Էօն-ում գողտրիկ ակուստիկ երաժշտության երեկո էր՝ մոմերի լույսի ներքո: Բարձր տրամադրություն էր, համեղ թեյեր և թխվածքաբլիթներ:

Սուրբ Պատրիկի օրը նշվում է 1762թ.-ից: Ավանդույթի համաձայն` Սուրբ Պատրիկը քրիստոնեություն է բերել հեթանոսական կղզի և արտաքսել բոլոր օձերին: Այդ օրը կազմակերպվում են մի շարք երաժշտական և գարեջրային երեկույթներ: Liberty Pub-ում նշում էին Սուրբ Պատրիկի օրը: Տիրում էր իռլանդական մթնոլորտ և աշխույժ տրամադրություն: Անակնկալների շարքում էին հաջողության շիշը և բազմազան հետաքրքիր խմիչքներ: