Joss Stone համերգը որպես Yerevan Jazz Fest 2016-ի եզրափակում

Joss Stone համերգը որպես Yerevan Jazz Fest 2016-ի եզրափակում

Ահա և ավարտվեց տարվա ամենաջազային փառատոնը՝ Yerevan Jazz Fest 2016-ը: Փառատոնը  եզրափակվեց Կ. Դեմիրճյանի անվան մարզահամերգային համալիրում բրիտանացի հանրահայտ երգչուհի Joss Stone համերգով: Նրա հետ ելույթ են ունեցել Մեցցո Բենդը, Պիտ Ինակոն (բաս կիթառ), Րիկի Ջորդնը (հարվածային գործիքներ) և Լեոն Քինգը (կիթառ)։ Դատելով համերգին եկած հանդիսատեսի գոհ ու երջանիկ աչքերից, կարելի է վստահորեն պնդել, որ տոնը կայացել է և կազմակերպիչները հասել են իրենց առջև դրված նպատակին՝ մայրաքաղաքը վարակել ջազային տոնով և ապահովել իրական ջազային հրավառություն:

Բոլորը միաձայն պնդում էին, որ վաղուց այսքան ջերմ, պրոֆեսիոնալ ու լավ կազմակերպված համերգ չի եղել մայրաքաղաքում: Չնայած իր ճանաչմանը և հաջողությանը, երգչուհին մնացել է պարզ ու բաց հանդիսատեսի համար, իսկ նրա ձայնը անմիջապես լցնում է մարդկանց սրտերը ջերմությամբ և սիրով: Համերգի ընթացքում Joss—ը իջել է բեմից ու շրջել դահլիճում` իր դրական էներգիան փոխանցելով նաև անմիջական շփման տեսքով: 

Joss Stone-ը համարվում է այն եզակի երգչուհիներից, ովքեր լինելով սպիտակամաշկ կատարում են իրական "սև" սոուլ երաժշտություն, նրա երգերը և համերգները անտարբեր չեն թողնի նույնիսկ ամենաքմահաճ երաժշտասերին։ Նա իր համերգների ժամանակ միշտ առանձնանում է ոչ միայն իր բացառիկ երաժշտական տաղանդով, այլև բեմի վրա ներկայանալու ազատությամբ․ նա շատ հաճախ ելույթ է ունենում բոբիկ, քանի որ այդպես իրեն ավելի հարմարավետ է զգում։ Նա միշտ երգել է այն երգերը, որոնք իրեն հարազատ են եղել և ստեղծագործելիս երբեք չի կախվել ուրիշների կարծիքից, այլ արել է այն, ինչ իրեն դուր է եկել։

Շատ հաճախ նրա տաղանդը համեմատում են այնպիսի աշխարհահռչակ երգչուհիների հետ, ինչպիսիք են Aretha Franklin-ը և Janis Joplin-ը, իսկ դա շատ բարձր գնահատական է երիտասարդ երգչուհու համար։ Առաջին "The Sоul Sessions” ալբոմի թողարկումից անմիջապես հետո, երգչուհին բարձրացավ բրիտանական հիթ շքերթների ամենաբարձր հորիզոնականների վրա, ինչպես նաև գրանցվեց ԱՄՆ լավագույն 40 ալբոմների շարքում։ Նրա հաջորդ “Mind Body & Soul”, “Introducing Joss Stone”, “Color Me Free!”  ալբոմները նույնպես շարունակել են բարձր հորիզոնականներ գրավել և վերջնականապես հաստատել երգչուհու բարձր տեղը շոու բիզնեսի աշխարհում։

Հիշեցնենք, որ «Yerevan  Jazz Fest 2016» ամենամյա ջազ փառատոնը կազմակերպվել էր Ջազի Հայկական Ասոցիացիայի և Mezzo Production ընկերության կողմից և այս տարի նվիրվել էր ծագումով հայ, ամերիկաբնակ, ամերիկյան ջազ-ինդուստրիայի հիմնադիր, հայտնի «Գրեմմի» մրցանակի դափնեկիր Ջորջ Ավագյանին

Առավել մանրամասն ֆոտոշարքը փնտրեք մեր ֆեյսբուքյան էջում:

Մեր մյուս հետաքրքիր հոդվածները կարդալու համար սեղմեք այստեղ:

2259

(*). նշվածները պարտադիր են լրացման

 

Տվյալներ չկան
^ Վեր