Վերջին շրջանում Գյումրու անօթևան ընտանիքների համար ակտիվ տարվող սոցիալական զանազան միջոցառումները մեծ արձագանք գտան սոցմեդիայի օգտատերերի շրջանում։ Արձագանքն ինտերնետի միջոցով տարածվեց կայծակնային արագությամբ։ Ամեն ինչ սկսվեց Տիգրան Համասյանի համերգով ու ձնագնդի պես տարածվեց ու մեծացավ։ Գաղափարին միացան ոչ միայն հայաստանցիները։ Գյումրու անօթևաններին աջակցելու ցանկություն հայտնեցին Շառլ Ազնավուրը, Հենրիխ Մխիթարյանը, «Ռեալ Մադրիդ» և «Բարսելոնա» ֆուտբոլային ակումբների մարզիկները։ Շաբաթ օրը՝ Liberty PUB-ում կայացավ բարեգործական միջոցառում Haik Solar & Arni Rock-ի մասնակցությամբ։ Երեկոյի ընթացքում հավաքված ողջ գումարը կուղղվի Գյումրու անօթևան ընտանիքների դրամահավաքին:
