Մարիամ Մերաբովա՝ ոչ մի բան հենց այնպես չի պատահում

Reservin.am լրագրող Մելինե Տոնոյանը այս անգամ հարցազրույց է ունեցել ռուսաստանաբնակ հայազգի հայտնի երգչուհի, "Գոլոս-3" նախագծի մասնակից, "Мирайф" խմբի մեներգչուհի Մարիամ Մերաբովայի և նրա ամուսնու՝ Արմեն Մերաբովի հետ: 

Մելինե,- Բարև Ձեզ, ես Մելինեն եմ և ներկայացնում եմ Reservin Armenia ընկերությունը, որ ՀՀ-ում սեղանների առցանց ամրագրման առաջին ծառայությունն է։ Մեր կայքում կա նաև բլոգ, որտեղ մենք ներկայացնում ենք քաղաքում տեղի ունեցող բոլոր վառ ու հետաքրքիր միջոցառումները՝ ֆոտոպատումների կամ հարցազրույցների տեսքով։ Ինձ համար մեծ  պատիվ է այսօր հարցազրույց վերցնել ձեզնից, շատ շնորհակալ եմ, որ Դուք Ձեր ժամանակը տրամադրեցիք իմ հարցերին պատասխանելու համար։ Առաջին հարցս հետևյալն է՝ ի՞նչ խորհուրդ կտաք երիտասարդ վոկալիստներին: 

Մարիամ,- Ես նրանց խորհուրդ կտամ, որ շատ լսեն գործիքային և դասական երաժշտություն, ինքնակրթվեն, անպայման ուսումնասիրեն երաժշտական գործիքներ, սովորեն սոլֆեջիո, այլապես նրանց մոտ երաժշտական մտածողություն չի ձևավորվի և նրանք ընդամենը կպատճենեն որևէ մեկին, իսկ դա հետաքրքրիր չէ, այնպես որ՝ կրթվե՜ք: 

Մելինե,- Այժմ, ձեր փորձից ելնելով, ի ՞նչ քայլեր կանեիք կամ ի ՞նչ սխալներից կխուսափեիք, եթե ժամանակը ետ պտտելու հնարավորություն ունենայիք: 

Մարիամ,- Ոչինչ էլ չէի փոխի: Իմ սխալները՝ իմ սխալներն են, որոնց հաղթահարելն էլ իմ կյանքի աստիճաններն էին, որոնց համար ես պատասխանատվություն եմ կրում, այնպես որ վերադառնալ ու ջնջել եղածը պետք չէ: Դա իմ կյանքի փորձն է և պետք է առաջ գնալ, ճիշտ եզրակացություն անել ու նույնիսկ, եթե սխալվել ես 10 անգամ, ընդունես սխալդ ու առաջ շարժվես, ես փորձում եմ այդպես վարվել:

Մելինե,- Ո՞րն է ձեր կյանքի կարգախոսը։ 

Մարիամ,- Ամեն ինչ Աստծո կամքով է կատարվում, փորձում եմ ընդունել: 
 
Մելինե,- Ինչի ՞ հետ եք ասոցացնում Հայաստանը։ 

Մարիամ,- Իհարկե հայրենիքիս հետ, ես այստեղ եմ ծնվել: 

Մելինե,- Ի՞նչ զգացմունքներով եք Հայաստան եկել այս անգամ, ու՞ր եք ամենաշատը սիրում գնալ համերգներով և ինչո՞ւ: 

Մարիամ,-  Մեծ ակնկալիքներով եմ այստեղ եկել, քանի որ մթնոլորտն ուրիշ է, ու ես շատ էի կարոտել: Առանձնապես Mezzo-ն եմ սիրում, մի վայր որտեղ լավ եմ զգում  և վստահ եմ, որ այստեղ մեզ սիրում ու սպասում են: 

Արմեն Մերաբով (ամուսինը),- ես նաև Ուլիխանյան ակումբն եմ հավանում, այն իսկական երաժշտական ակումբ է: 

Մելինե,- Ես գիտեմ, որ դուք ջազի ուղղությունն եք ընտրել, երբ մեկ անգամ այցելել եք ժամանակի կուլտային ջազ ակումբներից մեկը՝ Մոսկվայի «Կապույտ թռչուն»-ը: 

Մարիամ,-  Այդ ժամանակ մի շարք տարբեր ակումբներ կային «Իվուշկա», «Մոլոջկա», բայց դա ամենից էլիտար ակումբն էր, որի մուտքի տոմսը 5 ռուբլի արժեր, իսկ խորհրդային քաղաքացու 120-150 ռուբլի աշխատավարձով 5 ռուբլի վճարել միայն ակումբի մուտքի տոմսի համար, պարզապես անհնարին  էր, երբ մեկ կիլոգրամ բժշկական երշիկն արժեր 3.20 ռուբլի: Բայց, իհարկե, այնտեղ մակարդակ կար, դա իսկական ջազ էր: 

Մելինե,- Դա՞ էր պատճառը, որ դուք հրաժարվեցիք Մոսկվայի կոնսերվատորիային կից ուսումնարանում սովորելուց և ընտրեցիք ջազի ժանրը:  

Մարիամ,-  Ոչ, ես պարզապես հասկացա, թե ինչով եմ ուզում զբաղվել: Ընդ որում, ես չէի պատրաստվում երգել, ես դաշնակահար էի ու դաշնամուր պետք է նվագեի: Ինձ շատ վախեցրեց  Իգոր Միխայլովիչ Բրիլը, ով ինձ ասաց. «Օ՜, հրաշալի է, ես վերցնում են ձեզ»  և հանկարծ նորից դասական երաժշտություն հանձնարարեց ինձ: Իսկ ես փոքր էի ու հիմար: Նա ինձ նորից դասական գործ հանձնարարեց: 

Արմեն,- եթե նա դա չաներ, նա ինձ չէր ճանաչի։ 

Մարիամ,-  Իհարկե, այս ամենը ճակատագիր էր, հրաշալի է, ճիշտ էր զգացել:

Մելինե,- ՛՛Ձայն՛՛ նախագծից հետո՝ ռուսական 1-ին ալիքով, Դուք դարձաք միլիոնավոր մարդկանց կուռքը: Արդյո՞ք պատրատ էիք Դուք այն ամենին,  ինչ տեղի ունեցավ այդ նախագծի ընթացքում, ինչպե՞ս փոխվեց  Ձեր կյանքը այդ ամենից հետո: 
 
Մարիամ,-  Ես մասնակցեցի այդ նախագծին որպեսզի ինչ-որ բան փոխվի իմ կյանքում: Սակայն ես միայն ինձ համար չեմ մասնակցել, ես մասնակցել եմ այն պատճառով, որ իմ մեջ կար նաև այն հավատը, որ այդ նախագծի միջոցով ես կկարողանամ մեր խմբին հանրաճանաչ դարձնել: Մեր կոլեկտիվը արդեն 15 տարեկան էր և պետք էր, որ մեր միջից ինչ-որ մեկը հայտնի դառնար  և մյուսներին տաներ իր հետևից, կարծես թե շոգեքարշ դառնար։

Մելինե,-  Ի՞նչը դարձավ պատճառ, որ տեղափոխվեցիք Մոսկվա։
 
Արմեն,- Նա փոքր էր, այդ հարցը նրա մայրիկին պետք է տալ:

Մարիամ,- Նա պատասխանել է իմ հարցին հետևյալ ձևով, որ նա տարօրինակ կերպով  ինչ-որ բան  կանխազգացել է: 

Արմեն, - Իհարկե, նա կանխազգացել է մեր հանդիպումը, միանշանակ: 

Մարիամ,- Այդ ամենը ճակատագիր էր, նա ցանկացել է տալ ինձ հենց մոսկովյան կրթություն, քանի որ նրան այդ ամենին ուղղորդել է Էդուարդ Միրզոյանը, ով ասում էր, թե Մարինան շատ խելացի, ինտելեկտուալ երեխա է, նրան պետք է տանել Մոսկվա, որ նա այնտեղ կրթություն ստանա։ 

Մելինե,-  Ինչո՞ւ հենց Լեոնիդ Ագուտինին ընտրեցիք ՛՛Ձայն-3՛՛ նախագծում 
 
Մարիամ,- Նա վարպետ է, երաժիշտ, էլ ում պետք է ես ընտրեի: Նա ինձ մոտիկ է իր ոճով: Դիմա Բիլանի մոտ ես չէի գնա, քանի որ ինձ համար դժվար կլիներ նրա հետ աշխատելը: Ես Դիմային շատ եմ սիրում, գնահատում և մենք միասին անցել են ՛կրակի, ջրի և պղնձե խողովակների միջով ՛՛Եվրոտեսիլի՛ ժամանակ: Դիման ինձ շատ է սիրում, ես չէի ցանկանում, որ նա երբևէ ինձ հեռացնելու խնդրի առաջ կանգնի: Ես մտածում էի, եթե դեպի ինձ պտտվեր Լեոնիդը, ես իհարկե, կգնայի նրա մոտ: 

Արմեն, - Լեոնիդը, Լեոնիդն է, սահմանապահ, սահմանին ծառայած, կյանքում շատ բանի միջով անցած մարդ, այնպես, որ նրա հետ աշխատելը հեշտ է, նա հասկացող, ադեկվատ մարդ է: 

Մարիամ,- Այո, Լեոնիդը հրաշալի, բացառիկ երաժիշտ է, և նա ինձ շատ բան է տվել, շա՜տ: 
 
Մելինե,-  Ինչպես ասում են՝ տաղանդավոր մարդը տաղանդավոր է ամեն ինչում, բացի երաժշտությունից էլ ինչու ՞մ եք հանճարեղ, էլ ի ՞նչ եք արել Ձեր կյանքում այդպիսի ոգևորությամբ և էլ ի՞նչն է Ձեզ մոտ այդպես հրաշալի ստացվել: 
  
Արմեն, - Մեր երեխաները։

Մարիամ,- Այո՛, երեխաներին մենք կրթում և դաստիարակում ենք մեծ կրքով, դա այդպես է: Էլ ի՞նչ կարող եմ ես անել, ես գրում եմ բանաստեղծություններ: 
 
Արմեն, - Նրա պատրաստած սուպը։

Մարիամ,-Սուպի հետ կապված․․․․ դե դա արդեն պարզ է, ես չէի կարող ուտելիքը համեղ չպատրաստել: Դե չէ, ես սիրում եմ արվեստը, բանաստեղծություններ, սցենարներ գրել, ես շատ կցանկանայի ֆիլմ նկարահանել, թատրոն եմ սիրում նաև.... 

Մելինե,-  Ի՞նչ երաժշտությամբ եք դուք ոգեշնչում և ունեք արդյոք կուռք հայկական էստրադայից: 
 
Արմեն, - Դե իմ կուռքը այնտեղ նստած է

Մարիամ,- Էռնա Յուզբաշյանը, այո, նա իսկապես իմ կուռքն է: Նրանք այնպիսի վարպետներ են, հասկանում եք, վարպետներ... 

Արմեն, - Ցավոք սրտի տեղափոխվել է ԱՄՆ,  

Մարիամ,-  Ցավոք սրտի շատերը ստիպված են լինում տեղափոխվել...  նաև Էվելինա Մակարյանը...նրանք այնպիսի կատարողներ են, նրանք են հենց այն ոսկե ֆոնդը, որ մենք ունենք։ Այո, նրանք իմ կուռքերն են, Էվելինան և Էռնան.... ես ոգեշնչվել եմ նաև օպերայից, ես շատ եմ սիրում դասական երաժշտություն: 
 
Արմեն,- Նա շատ է սիրում մուլտֆիլմեր։ 
  
Մարիամ,-  Իդեպ՝ ես վերջերս կրկնօրինակել եմ մուլտֆիլմի մուլտհերոսի: Դեկտեմբերի 1-ից բոլոր կինոթատրոններում այն ցուցադրվելու է  և կոչվում է՝ ՛՛Մոանա՛՛, դա Disney-ի նոր մուլտֆիլմերից է: Ես այնտեղ կրկնօրինակում եմ Տաու տատիկին: 
 
Արմեն,- Ողջույն Տատիկ  

Մարիամ,-  Եվ տատիկը ինձ շատ է նման, մենք միանման բնավորություն ունենք: Նա թեև տատիկ է, բայց մի տեսակ չարաճճի է:/խոսում է մուլտհերոսի ձայնով/ 

Արմեն,- Այդ մուլտֆիլմում նկարահանվել է նաև մեր աղջիկը: 

Մարիամ,-  Իրականում չի նկարահանվել, այլ կրկնօրինակել է ինչ- որ հատված: Շատ պատահական ստացվեց, նա մինչ այդ չէր կրկնօրինակել որևէ մեկին... աղջիկս եկավ ինձ հետ և այնպես ստացվեց, որ երեխաների ձայների անհրաժեշտություն կար, պետք էր տարբեր ճչոցներ ու մանկական ձայներ կրկնօրինակել և ինձ ասացին՝ եկեք Ձեր աղջիկը դա անի: Եվ իմ աղջիկը, այնպես դա կատարեց, կարծես ամբողջ կյանքում զբաղվել է դրանով: Նրան բացատրեցին, թե ինչ պետք է անի, և նա շատ արագ ընկալեց ասածները, հասկացավ և ասաց՝ եկեք սկսենք: Եվ ես ապշած էի, Մերաբով, մենք հետաքրքիր տաղանդավոր աղջիկ ունենք: 

Արմեն,- Դե ինչպես ասում են՝ պտուղը ծառից հեռու չի ընկնում: Այդ բոլորը գեներն են:

Մարիամ,-  Գեները` գեներ, բայց նրանք առանձին տիեզերքներ են, ծնվում են որպես առանձին անհատներ և քո աչքի առաջ բացվում, մեծանում, իսկապես շատ հետաքրքիր է:

Մելինե,-Շնորհակալություն հետաքրքիր ու ջերմ հարցազրույցի համար։ Եվ վերջում ես ուզում եմ Ձեզ հրավիրել մեր ծննդյան 1-ին տարեդարձի Party-ին․ որը տեղի կունենա նոյեմբերի 30-ին Paparazzi Club-ում։

Մարիամ,-  Ձեզ էլ շնորհակալություն հետաքրքիր հարցադրումների համար։ Շատ եմ ցավում, բայց 30-ին ես արդեն Մոսկվայում եմ լինելու, պլանավորած համերգ ունեմ։ Ցանկանում եմ Ձեզ  նոր բարձունքների հաղթահարում և շատ հաջողություններ Ձեր գործունեության մեջ։

Արմեն,- Ես էլ եմ շնորհավորում և ցանկանում մեծ հաջողություններ Ձեր բնագավառում:

Մեր մյուս հետաքրքիր հոդվածները կարդալու համար այցելեք Կարդալ բաժին, իսկ ժամանցի վայր ընտրելու և սեղան ամրագրելու համար Հաստատություններ բաժին.