Ի՞նչը կարող է զայրացնել մատուցողին․թեյավճա՞րի սակավությունը։ Ամենևին․ թեյավճարի առատությունը կամ պակասությունն առ ոչնինչ են, երբ սպասարկման ոլորտի մասնագետը «բախվում» է հաճախորդի, որի քայլերի ու խոսքերի անփութությունն ու կոպտությունը, երբեմն ստիպում են նրան ափերից դուրս գալ։
1. Դիտմամբ կեղտոտել սեղանը
Կան մարդիկ, որոնք կամա, թե ակամա, սեղանին իսկական խառնաշփոթ են ստեղծում․ անձեռոցիկներ ու սննդի մնացորդներ են նետում այս ու այն կողմ։ Եթե ոմանց մոտ դա հանգամանքների բերումով է ստացվում, ապա՝ որոշների մոտ այն դիտավորյալ բնույթ է կրում։ Կա՛մ շատ են ձանձրացել, կա՛մ էլ ցանկանում են բարկությունն այդպես արտահայտել։ Ասել է, թե բողոքում են վատ սպասարկման համար։ Իսկ ավելի լա՞վ չէ պարզապես գրառում թողնել ռեստորանի առաջարկությունների ու դժգոհությունների մատյանում։
2․ Մատուցողին կանչել մատները ճտճտացնելով
Նվաստացուցիչ ժեստ է։ Մատուցողների կողմից դա ծայրահեղ բացասական է ընդունվում։ Նրանք, իհարկե, հաճախորդին չեն բարձրաձայնի դրա մասին, բայց կնեղսրտեն։ Եթե ցանկանում եք կանչել մատուցողին, ապա՝ դիմեք կողքներովդ անցնող ռեստորանի որևէ աշխատակցի, որը կկանչի նրան, ով սպասարկում է Ձեր սեղանը։ Կամ էլ՝ ինքնե՛րդ փնտրեք մատուցողին։
3․ Չարաշահել ռեստորանի հյուրընկալությունը
Ցանկացած ռեստորան կամ սրճարան ջանում է, որքան հնարավոր է շատ հաճախորդների ընդունել, չէ որ հենց վերջիններիս հաշվին են այդ հաստատությունները «գոյատևում»։ Այդուհանդերձ դա չի նշանակում, որ պետք է չարաշահել նրանց հյուրընկալությունն ու «վերջին հաճախորդի» արտոնությունը․այսինքն մնալ այնտեղ, երբ արդեն փակվելու ժամն է։ Հակառակ դեպքում, կհայտնվեք անվտանգության աշխատակցի տեսադաշտում։
4․ Զբաղեցնել տեղն առանց հրավերի
Ռեստորանն իր հատուկ կանոնակարգն ունի: Երբ Դուք մտնում եք ներս, Ձեզ դիմավորում է ադմինիստրատորը (հոսթես) ու տանում է դեպի ազատ սեղանները, կամ այն մեկը, որն արդեն պատվիրել եք: Եթե Ձեզ չդիմավորեցին, ապա կարող է բողոքել: Իսկ ահա այն դեպքում, երբ ինքներդ եք ընտրել սեղանը, հնարավոր է խնդրեն, որ տեխափոխեք։
5․ Ցուցաբերել բացահայտ անվստահություն
Եթե որոշել եք այցելել ռեստորան կամ սրճարան, ապա դուք համաձայնում եք վստահել նրանց: Սակայն որոշ հաճախորդներ, չգիտես ինչու, իրենց հետո դժգոհություն են բերում, կարծելով, որ իրենց փորձում են խաբել կամ թունավորել, կամ էլ՝ «խորհուրդներ» են տալիս մատուցողին: Սպասարկման մասնագետի կողմից սա նույնն է, ինչ հիվանդը բժշկին մասնագիտական խորհուրդներ տա։
