Paparazzi-ի փորձառու բարմենը

Paparazzi-ի փորձառու բարմենը

Օրը չորեքշաբթի է և Reservin Armenia-ն շարունակում է Ձեզ ներկայացնել սպասարկման ոլորտում հետախուզությունների արդյունքներ: Ամեն շաբաթ մենք այցելում ենք Երևանի ամենապահանջված սրճարանները, ռեստորաններն ու փաբերը և բացահայտում նոր հերոսների: Այս անգամ մենք Paparazzi club-ում հանդիպեցինք բար-մենեջեր Կամո Սահակյանին: 

- 12 տարի է աշխատում եմ որպես բարմեն: Այս տարիների ընթացքում մասնակցել եմ բազմաթիվ մրցույթների թե՛ Եվրոպայում, թե՛ Ասիայում, ներկայացնելով Հայաստանը: Մրցույթները, որպես կանոն ունենում են երկու բաժին՝ կլասիկա և ֆլեյրինգ: Կլասիկան համերը խառնելու արվեստն է, իսկ ֆլեյրինգը այն է, ինչ մարդիկ հիմնականում անվանում են շիշը գլխի վրայով պտտացնել: Կլասիկայով ու ֆլեյրինգով հասել ենք բազմաթիվ հաջողությունների:

Ֆլեյրինգը ի՞նչ է տալիս բարմենին, հաճախորդի տեսանկյունից այն կարող է պարզապես ձևականություն թվալ:

Շատ լավ արտահայտություն կա, որ ֆլեյրինգից կոկտեյլդ ավելի համեղ չի դառնա: Այսինքն առաջնայինը ճիշտ բաղադրություն ընտրելն է: Իսկ ֆլեյրինգը բոնուս է, որը հնարավորություն է տալիս մարդկանց զվարճացնելու և նաև ավելի շատ գումար աշխատելու: Բարմենի աշխատանքը շոու է:



Եթե մասնակցել եք մրցույթների, ուրեմն հասցրել եք բազմաթիվ կոկտեյլներ հորինել: Թիվը հիշու՞մ եք:

Ես ինքս հորինել եմ բազմաթիվ կոկտեյլներ, բայց թիվը էական չէ: Յուրքանչյուր երկրորդ կոկտեյլ կարող է դառնալ հատուկ և այն պետք է լինի ավելի լավը, քան նախորդը: Իսկ մեր մենյուի 30-40 կոկտեյլ հորինել եմ ես: Երկար տարիների փորձի շնորհիվ, դուք Ձեզ համար կարող եք պատրաստել ամենահամեղ կոկտեյլները:

Իսկ ի՞նչ եք պատրաստում Ձեզ համար:

Ես ինձ համար պատրաստում եմ 2 կոկտեյլ՝ մարտինի և օղի կամ Դայքիրի:



Իհարկե, Paparazzi-ում մի փոքր դժվար է, բայց հաճախորդները Ձեզ հետ կիսու՞մ են իրենց մտքերը:

Բարմենը նաև հոգեբան է և պետք է հնարավորության դեպքում լսի հաճախորդներին: Մեզ մոտ ուրբաթ-շաբաթ օրերին այնքան մարդ է լինում, որ մենք միայն լսում ենք պատվերներն ու արագ-արագ աշխատում: Մի դեպք պատմեմ, շաբաթ օրը բավականին մարդաշատ էր, մենք աշխատում էինք և մի տղա ինձ անընդհատ կանչում էր: Երբ ես վերջապես կարողացա մոտենալ, նա հարբած հայացքով, բայց մեծ բարությամբ նայեց ու ասաց. «Չմտածե՛ս, ախպեր, ես ստեղ եմ»:

Աշխատանքային փորձը թույլ տալի՞ս է կռահել, թե ինչ է ուզում հաճախորդը:

Հիմնականում բացահայտվում են նրանք, ովքեր սիրում են գարեջուր խմել: Եվ, իհարկե, մոխիտոիստները, դրանք հիմնականում աղջիկներ են, ովքեր չեն ցանկանում խմել, բայց սիրում են, որ ձեռքին բաժակ է լինում: Իհարկե, այդ մոխիտոն հայտնվում է նաև նրանց Selfie-ներում:

1460

(*). նշվածները պարտադիր են լրացման

 

Տվյալներ չկան
^ Վեր