Persepolis՝ նորաբաց իրանական ռեստորան քաղաքի սրտում

Persepolis՝ նորաբաց իրանական ռեստորան քաղաքի սրտում

Իրանական Պերսեպոլիս քաղաքի շունչն Երևանի կենտրոնում...

Լինելով բավականին մոտ Իրանին և ունենալով տարեկան բազմաթիվ տուրիստներ այդ երկրից` հայ ռեստորանասեր հասարակությունից շատերը դեռ չեն բացահայտել իրանական խոհանոցը: Իսկ Reservin.am–ն, ներկա գնտնվելով նոր Persepolis ռեստորանի բացմանը, ճաշակեց նրա յուրօրինակ ուտեստները և վայելեց արևելյան նրբաճաշակ շունչն ու ոգին:

Հետաքրքիր է, որ այս վայրն իր մեջ համադրում է ինչպես իրականական խոհանոցի համեղ ուտեստներ, կենդանի երաժշտություն, այնպես էլ ժամանակակից հետաքրքիր դետալներ սրահում:

Գտնվելով քաղաքի կենտրոնում` Սայաթ-Նովա 19 հասցեում՝ ռեստորանը կարծես մեկուսացված լինի քաղաքի եռուզեռից և իր հաճախորդներին մատուցում է համեղ ընթրիք շատ հանգիստ և ջերմ միջավայրում` հայկական և իրանական ռետրո երաժշտության ներքո:

«Մենք  բավականին հաճախ էինք այցելում Հայաստանի տարբեր ռեստորաններ, միշտ նկատում էինք յուրաքանչյուր վայրի առանձնահատկությունները, դրական կողմերը և դրա հետ միաժամանակ թերությունները: Լինելով համեղ խոհանոցի և քաղաքի լավագույն վայրերի մշտական այցելու` որոշեցինք ստեղծել մեր ռեստորանը, որը կտարբերավի իր ոճով, երաժշտությամբ և հատկապես խոհանոցով: Նաև աշխատել ենք  շտկել այն թերությունները, որոնք մենք նկատել ենք այլ  վայրերում, և որոնց բացակայությունը մեր հաճախորդի այցը Persepolis կդարձնեն ավելի հաճելի», - նշեց ռեստորանի մենեջերը բացման երեկոյի ընթացքում:

Ռեստորանի բացմանը ներկա էին բազմաթիվ հյուրեր դեսպանատներից, հյուրանոցներից,տուրիստական ոլորտից, գործարարներ և պարզապես ընկերներ, լավ ու հարազատ մարդիկ Հայաստանից և արտերկրից, ինչը դարձրեց Persepolis-ի աշխատանքային առաջին օրվա ընթրիքը շատ ջերմ և ընտանեկան:

Թեև մենյուն իսկապես առանձնահատուկ իրանական է, սակայն նրա մեջ տեղ են գտել նաև Հայաստանում արդեն տարածված և սիրված մի քանի եվրոպական ուտեստներ:

Reservin.am-ը հատկապես խորհուրդ է տալիս փորձել «Մուսամա հավով»  ճաշատեսակը (տապակած հավ, տապակած սմբուկ և լոլիկ, հատուկ սոուս): Այս ուտեստի առանձնահատկությունը կայանում է նրանում, որ սոուսի մեջ կան խաղողի չհասած հատիկներ, ինչը մեր հայկական խոհանոցում հաճախակի օգտագործվող բաղադրիչ չի հանդիսանում, սակայն լայն տարածում ունի Իրանում և հաղորդում է յուրօրինակ և հետաքրքիր համ ուտելիքին:

Persepolis-ը չէր կարող իր մենյույի մեջ չընդգրկել նաև «Ֆեսենջան» ուտեստը (հավի միս, նռան սոուս, ընկույզ), որն իրանական ընտանիքներում մատուցվում է հիմնականում շատ հատուկ և հարգարժան հյուրերի առջև: «Ֆեսենջան»- ը համարվում է թանկ և յուրօրինակ ճաշատեսակ:

Եթե ունեք հյուրեր, որոնց ուզում եք յուրահատուկ վերաբերմունք ցուցաբերել և մատուցել հաճելի ընթրիք ջերմ միջավայրում, ապա Persepolis-ը հենց այն վայրն է, որտեղ անհրաժեշտ է պատվիրել սեղան:

 

Մեր մյուս հետաքրքիր հոդվածները կարդալու համար սեղմեք այստեղ, իսկ սեղան ամրագրելու համար՝ այստեղ։ 

1922

(*). նշվածները պարտադիր են լրացման

 

Տվյալներ չկան
^ Վեր