#բարևուրբաթ | pop corn, չոփիկ, պաչիկ

#բարևուրբաթ | pop corn, չոփիկ, պաչիկ

Հեղինակ՝ Անի Սմբատի


Մինչ բոլորը տարված են Հռոմի սրբազան քահանայապետի «երկրորդ գալստյանը»  հետևելով, շատերի աչքից թերևս վրիպել է, որ, այսօր հունիսի վերջին ուրբաթն է։ Չէ՜, խուճապի պետք չի մատնվել, մի հատ խորը շունչ քաշե՛ք ու թե Ձեր ուիքենդյան ժամանակացույցը չեք պլանավորել պապայի այցելության գրաֆիկի հետ, ապա սկսե՛ք պլանավորել ամռան առաջին ամսվա վերջին ուիքենդը։ 

17:00 | Sector Dacha

Ուրբաթ-շաբաթ-կիրակի

Sector Dacha-յում ուրբաթ իրիգունը սկսվում է 17։00-ից։ Ու հաշվի առնելով, որ մեկի փոխարեն երեք դիջեյներ են նվագելու՝ X4O-ն (17:00 -19:00), Serjo-ն (19:00 – 21:00) և Arman-ը (21:00 – 23:00), իսկ 23։00-ից Back to Back-եր են սպասվում, այն թեժ է լինելու։ Հաշվի առեք, որ հյուրերի մուտքը ցանկով է լինելու, էնպես որ տեսեք՝ ինչ եք անում։

19:00 | Jean-Paul Existential Cafe

Rock&Pop Corn Day

- Երկու խոսք ձեր կյանքից։ - Ադի բուդի։ Տափակ հումոր, բայց դե ո՞վ չի սիրում էտ «տրաքած կուկուռուզը»։ Ուրեմն Ժան Պոլում հա՛մ անվճար, հա՛մ անսահմանափակ, հա՛մ էլ երեք տարբեր համերի ադի բուդին, նույն ինքը՝ պոպկորնը Ձեզ կսպասի հենց մուտքի մոտ՝ «համով հոտեր տարածելով ողջ Արամի փողոցով»։ Հետն էլ մի քիչ ռոք ու ջազ են խառնելու. ամառային էքզիստենցիալ տժժերը վերսկսվում են, յեեե՜։ 

20:00 | AGBU Yerevan

Talking Jazz

ՀԲԸՄ Հայաստանի նոր շենքում (Մելիք-Ադամյան 2/2) երաժշտական երեկոները նորություն չեն։ Բայց այս ուրբաթ առաջին անգամ դասական երաժշտության փոխարեն ջազ է հնչելու, այն էլ անկրկնելի Վահագն Հայրապետյանի ու ԱՄՆ-ից ժամանած երիտասարդ ու տաղանդավոր կիթառահար Ալեքս Բաբոյանի կատարմամբ։ Մուտքն ազատ է, բայց տեղերը սահմանափակ են, նենց որ շուտ գնացեք։

21:00 | Stoyka

OLO

Էլի՜ Stoyka-յում, էլի՜ OLO, էլի մուտքը՝ 1000 դրամ, բայց Զակայֆ քարտերով՝ անվճար, ֆեյս քընթրոլն՝ Անուշիկից, մյուզիքը՝ Արոյից, խմիչքները՝ Jojo-ից։ Քենդրիկները ձեզ են սպասո՛ւմ։

21:00 | Downtown club

Ուրբաթ-շաբաթ

Այս ուիքենդ իվենթային ուրբաթ-շաբաթներով մրցում են Downtown-ն ու Paparazzi-ն՝

Ուրբաթ – Araqel, Nancy, Mad

Շաբաթ – The Never

21:00 | Paparazzi club

Ուրբաթ-շաբաթ

Paparazzi-ում էլ է դիջեյների շարան, բայց ուրբաթ մի առավելություն ունեն՝ բացման մի տարին են նշելու, դժվար թե տխուր ու ձանձրալի լինի՝

Ուրբաթ – Alen Hertz, DJ Guevo, DJ Shant, Mike J

Շաբաթ – Teo, Mike J

22:00 | Process

Ուրբաթ-շաբաթ

Process-ենք էլ են ջազվելու․ուրբաթ-շաբաթ են որոշել անել։ Ուրբաթի ավանդույթը դե չեն խախտում, դրան գումարած՝ շաբաթ օրն էլ նախորդի պես հյուրընկալելու են Չիկոյի նոր տրիոն, որի «ջազերը» անցած շաբաթ օրն իսկական փրկություն էին Absolut White-ի «ապեր նորմալ նստի» ու «ազիզ ի՞նչ կխմես» դեմքերից Կենտրոն «գաղթածների» համար՝

Ուրբաթ – Jazz It Up With Lucy

Շաբաթ – Chico’s New Trio (21:00)

ՈՒԻՔԵՆԴ

Շաբաթ, հունիսի 25

12:00 | «Զվարթնոց» համալիր

PooLLoop

Բա մի հատ չոփիկ չանե՞նք։ Եղանակը ոչ մի կերպ չի ուզում զիջել, դարձել ենք Լոնդոն Դվա։ Բայց ցերեկվա շոգը կամաց-կամաց անտանելի է դառնում, ու եթե ծով «պոկվելու» տարբերակ չկա, միակ փրկությունը մնում են լողավազանները։ Ի՞նչ Վարդավառ, էտ մի շաբաթից ա։ Ասեմ, ուրեմն pool party-ներն են սկսվել, մեկն էլ հենց այս շաբաթ օրը «Զվարթնոց» համալիրում (Մանուշյան փողոց՝ Զվարթնոց տաճարի դիմացի մայթին)։ Եթե ակտիվ հանգստի կողմնակից եք, ուրեմն մի՛ ալարեք, հասե՛ք այնտեղ, որտեղ ոչ միայն լողավազան կա, այլև երաժշտություն DJ-ներից՝ Loop Sahakyan, Donz, Arvin, Kret, Mad, Nancy։ Համ էլ սիրուն ֆոտոներ կունենաք։

18:00 | ժամանակակից արվեստի թանգարան

Նարինե և Քիքի

Վերջապես Ժամանակակից արվեստի թանգարանում նոր նայելիք կա։ Շաբաթ կբացվի Քիքիի (Գրիգոր Միքայելյան) և Նարինեի (Նարինե Իսաջանյան) աշխատանքների ցուցահանդեսը։ Երկուսն էլ աբստրակտ էքսպրեսիոնիզմին հարող ամերիկահայ նկարիչներ են, երկուսն էլ այսօր ապրում և ստեղծագործում են Լոս Անջելեսում: Նարինեն և Քիքին միասին ներգրավված են եղել «Բունկեր» արտիստական խմբավորման մեջ՝ հայ և ռուս այլ աբստրակցիոնիստների հետ:

Կիրակի, հունիսի 26

23:00 | PLATO Yerevan

Ռուբեն Ֆիլյան՝ Խենթ որոնումների կենսագրությունը

Մի հատ էլ լիրիկական շեղում ու պրծ։ Արամ Պաչյանին չի կարելի չիմանալ, ու եթե այս անունը ձեզ ոչինչ չասեց, ուրեմն վազքով գրախանութ ու Արամի գրքերը առնելո՛ւ։ Կա-չկա՛, երեք գիրք է, ու նենց եք կարդալո՛ւ, որ մինչև չվերջացնեք, օր ու արև չունենաք: Դե լա՜վ-լա՜վ, էս իվենթը էտքան էլ Արամի մասին չի, բայց Արամի շնորհիվ է։ Երիտասարդ գրողը ներկայացնելու է հայ արձակի ինքնատիպ հեղինակներից մեկի՝ իր ժամանակի ամենաառաջադիմական շարժումների առաջամարտիկ Ռուբեն Ֆիլյանի կյանքը, ով 30 տարեկանում վախճանվեց հիփփիականության դրախտավայրում՝ Հնդկաստանի Գոա նահանգում։ Երեկոյի ընթացքում մոմերի լույսի ներքո հյուրասիրելու են կարմիր անապակ գինի, Պաչյանը խոսելու է Ֆիլյանի մասին, ընթերցելու նրանից որոշ տողեր, իսկ էկրանին ֆիլյանական դրվագներ են թրթռալու: Միջոցառման ավարտին Պաչյանն իր ընտրությամբ վերջինիս տասը բացառիկ գրքեր կնվիրի ներկաներին: Բա՜։

#բարիուրբաթ

 

1540

(*). նշվածները պարտադիր են լրացման

 

Timothyjaw Հունիս 30, 2017
301 Moved Permanently <a href="https://www.viagrapascherfr.com/">301 Moved Permanently...</a>
Sergey Օգոստոս 29, 2016

Lavn er )))
^ Վեր